عشقت الصعيدي الجزء الاول والثاني بقلم هاله محمد

البارت الواحد والثلاثون الجزء الثاني

#عشقت_الصعيد

#هاله_محمد

#البارت_الواحد_والثلاثون_الجزء_2

دلفت الي الشركه التي تعمل بها حتي طلب منها مديرها ان تذهب إليه
دلفت الي المكتب وجلست حتي تحدث مديرها بهدوء : مبروك يا حور انتي بجد محظوظه
تحمست بشده وابتسمت : ليه يا فندم خير...؟
ابتسم لها : علي حظك أن اكبر شركه سياحه طلبت انك تكوني عندهم في الشركه وده طبعا بعد ما اتاكدوا من تفوقك في دراستك وكمان هتتوظفي بعقد يعني ضمنتي وظيفتك حتي بعد التخرج
فرحت بشده وتحدثت : بجد يا فندم انا مش عارفه اقولك ايه شكرا جدا
نظر لها بهدوء وحب ابوي : انتي تستهلي كل خير يا حور وكمان تقدري تنزلي الشركه الجديده من بكره انا وصلتلهم كل أوراقك اللي هنا لاني كنت واثق انك هتوفقي
حور باستفسار : طب اسم الشركه ايه يا فندم عشان اعرف اروحها
مديرها : مالك فياض.
نظرت له بصدمه : اييييه.........؟!....لا لا يافندم مستحيل
المدير باستغراب لرده فعلها : في ايه يا حور هو ايه اللي مستحيل...؟
حور ابتلعت ريقها وتحدثت بضيق : يا فندم البني ادم اللي اسمه مالك فياض ده راجل مغرور وأنا مستحيل اشتغل في شركته
المدير بهدوء : بصي يا بنتي الشغل مفهوش الكلام ده وبعدين انتي مالك بيه طول ما انتي شغاله صح وبتنفذي اللي بيطلب منك محدش هيقدر
يكلمك ..... واكمل بصدق ...... وبعدين دي فرصه مش بتيجي لاي حد وانتي عشان كويسه فـ ربنا كرمك بيها
حور بهدوء : يا فندم حضرتك عارف اني مش بستحمل حد يقل مني أو يهني  وبعدين ده .... صمتت قليلا ثم اكملت بغيظ ....... هقول لحضرتك ايه بس وغير كده كمان لو شفته بيتعامل ازاي مع الستات ده واحد لعبي وكل يوم مع واحده
ابتسم المدير وتحدث : انا مش عارف انتي مالك بيه انتي رايحه تشتغلي هو بقي يتعامل مع مين أو ازاي دي حاجه تخصه والله اللي يسمعك يقول انك غيرانه عليه
جحظت بعينيها وتحدثت بضيق : ايه اللي حضرتك بتقوله ده انا لا طبعا ....!
هز رأسه وابتسم بهدوء : ماشي يا ستي متزعليش بس اسمعي كلامي وسيبك بقي هو بيتعامل ازاي مع غيرك اهم حاجه أنه يتعامل معاكي في حدود الشغل .... اكمل بخبث لمحاوله إقناعها بالعمل ..... ولا انتي بقي خايفه احسن يتعامل معاكي بنفس الطريقه اللي بيعامل بيها الستات التانيه اللي اعرفه انك تقدري توقفيه عند حده لو تمادي معاكي ولا ايه
حور بتحدي : يقدر يبصلي بس بطرف عينه ده انا كنت ولعت فيه وايه راي حضرتك بقي انا موافقه اني اشتغل في شركته ولو بس زعلني انا.....لم تكمل كلامها حتي قاطعها
المدير بمقاطعه : قلبك ابيض هو عارف الناس كويس وازاي يتعامل مع كل واحده يعني المحترمه بيعاملها بالطريقه اللي تستحقها مش اكتر ويلا مبروك عليكي الوظيفه الجديده...أكمل بصدق.....وعلي فكره يا حور مالك فياض راجل محترم ومجتهد وهو حقيقته غير ما انتي شايفه يعني ولا مغرور ولا اي حاجه بالعكس
هبت واقفه بابتسامه ونظرات التحدي تملأ عينيها
#هاله_محمد
التقت الهاتف من زوجته وهو يلقي لها بوسه في الهواء بابتسامه خبيثه نظرت له هي بضيق فقد اوصلها لاقصي حالات غضبها من تلك الأفعال فهو رجل غضبه سريع للغايه وحقا من الأفضل الابتعاد عنه في وقت ذالك الوقت
سليم بهدوء : كيفك يا فريده....؟
فريده بتنهيده : الحمد لله يا سليم بخير
سليم بلوم : ليه كل ده يا بنت عمي حرام عليكي عز هيتجنن ويعرف مكانك
فريده بسخرية : حرام عليه انا طب لمه هو هيتجنن اوي كده كان ليه بيهني ويعملني كاني من غير مشاعر ..... اكملت بحزن ....... لمه ادخل عليه وأشوف واحده جوه حضنه وبيبوسها ده عادي يعني المفروض اني اقبله بصدر رحب ولا كأن حصل حاجه انا شفت كتير يا سليم من عز من اول لحظه رجعت فيها مصر وشفته وهو بيعملني اني واحده نصابه ورجعه عشان الفلوس وفي الاخر يدوس علي كرامتي ويجرحني ويطعني في قلبي
سليم بتعاطف : اني اسف يا فريده مش قصدي بس صدقيني عز بيحبك ومش قادر يعيش من غيرك ده لف عليكي الدنيا كلها عشان يلقيكي وتسامحيه
فريده برجاء : سليم ارجوك اوعي تقوله أنك كلمتني او تعرف عني حاجه واوعدك اول ما اهدا وارتاح انا هكلمك وهقولك تعرفه مكاني
سليم بهدوء : حاضر يا فريده بس بلاش قسوه كفايه انتي لو تشوفين هيصعب عليكي دقنه كبرت علي الاخر والحزن باين في عينه وقلبه مكسور وبيتصنع القوه عشان هو عز الاسيوطي خليكي انتي الاحسن