عشقت الصعيدي الجزء الاول والثاني بقلم هاله محمد

البارت الثالث عشر

#عشقت_الصعيدي

#هاله_محمد

#البارت_الثالث_عشر

بعد يومين في مكتب فريده

..... : صباح الخير
فريده : صباح النور افندم
..... : ممكن أقابل عز بيه لو سمحتي
فريده بابتسامه : هو ممكن بس حضرتك في سكرتيره بره هتوصلك عنده
.... : هو مفيش حد بره انا بحسب انك انتي السكرتيره
فريده : لا انا سكرتيره مؤقته لكن منال ممكن تكون عند عز بيه ممكن حضرتك تبص عليها ولو هي مش بره انا ممكن اوصلك بعز بيه
.... : تمام عن اذنك هشفها يمكن رجعت
فريده : اتفضل
خرج وفعلا لقا منال رجعت واتضايق جدا أنه مسالش فريده علي اسمها هو أعجب بيها من اول ماشفها جميله ورقيقه وكل حاجه فيها حلوه
..... : من فضلك مكن أقابل عز بيه
منال برسميه : نقوله مين يا افندم
...... : قوليله هيثم المسيري
منال : ثواني يا افندم.....رفعت سماعه الفون وكلمت عز وقالتله علي هيثم
منال : اتفضل يا افندم عز بيه في انتظارك
هيثم بابتسامه : شكرا
دخل هيثم مكتب عز وقفل الباب وراه
عز قام من مكانه وراح ناحيه هيثم حضنه وقال بابتسامه : اخير يا عم سألت والله مطمرش فيك العيش والملح
هيثم حضن عز وضحك : ههههههه‍ انا أقدر بردوا والله غصب عني لسه راجع امبارح واول ما خرجت جتلك علي طول
عز قعد علي الكرسي : اقعد يا هيثم وقولي ايه اخبارك ياعم ليك وحشه يابني
هيثم قعد : وانت كمان والله واحشني ووحشاني ايام الجامعه،بس سيبك من كل ده انا كنت عايز أسألك هي السكرتيره اللي بره دي مخطوبه
عز بضحكه قويه : هههههههههههه‍ ايه عم هيثم هي السناره غمزت
هيثم بحب : تقدر تقول كده وقعت فيها من اول نظره مش عارف فيها حاجه شدتني
عز بابتسامه : انت مش هتتغير واصل
هيثم بضحك وقاد عز : هه‍هههههه‍ واصل.....واكمل بجديه...لا ياعم انا بتكلم جد يمكن حالي ينصلح علي ايدها
عز بابتسامه : ماشي يا عم علي خيرت الله
هيثم : المهم انت ايه اخبارك عامل ايه احكيلي عنك
عز بتنهيده : يعني مفيش الجديد اني اتجوزت
هيثم بصدمه : ايه اتجوزت.....؟؟؟
عز بلا مبالاه : اه اتجوزت #هاله_محمد
هيثم بلوم : اتجوزت وماتعزمنيش،وبعدين مين دي اللي قدرت توقع عز الاسيوطي بجلاله قدره
عز بتهكم : توجعني مش للدرجه دي
هيثم عقد حاجبيه : قصدك ايه يا عز ليه هو مش حب وكده ولا ايه.....؟؟؟
عز بعدم اهتمام : حب ايه ياعم....بص اصلا ما تخدش في بالك
هيثم بإصرار : لا يا حبيبي انت لازم تحكيلي كل حاجه
عز ضحك علي إصرار صاحبه : هههههه ماشي يا هيثم انا هقولك اهو حتي افك بدل الضغط اللي اني فيه
هيثم : احكي احكي دانت شكلك علي اخرك
عز بتنهيده : بص هي اصلا بنت عمي واتجوزتها عشان خاطر عمي
هيثم بعد فهم : واحده واحده عليه كده وحياه ابوك عشان ماتهش منك
عز : من الاخر أكده عمي طلب مني اتجوزها عشان ماتسفرش وتسيبه تاني واني وافجت عشان خاطره ......وكمل بحزن...انت مش متخيل يا هيثم عمي كان حزين كد ايه 15 سنه وهو بيدور عليها ونفسه يشوفها تعب كتير وحزن كتير وهي جايه دلوجتي تدور عليه ....كمل بغيظ وكره..... انا نفسي انتجم منها بسبب اللي عملته هي وامها في عمي
هيثم بتفكير : 15 سنه هي كان عندها كام سنه يوم ما مشيت
عز بص لهيثم : 8 سنين
هيثم يتعاطف واستغراب : طب هي ذنبها ايه يا عز انت بتقول 8 سنين يعني طفله مسلوبه الاراده واكيد مش هترفض كلام امها
عز بغيظ : هي دلوقتي عندها 23سنه مافكرتش فيه غير دلوقتي ليه..؟؟ ومادورتش عليه من قبل كده ليه...؟؟ وليه رجعت دلوقتي...؟؟،بس اني عارف ليه اكيد امها اللي بعتاها عشان تضحك علي عمي وتاخد فلوسه وتسيبه تاني والمره دي يموت بحصرته علي بعد بنته تاني صوح..؟؟؟
هيثم بهدوء : وانت ايه اللي عرفك طب متسالها يا عز يمكن حولت ترجع من قبل كده وماعرفتش أو اللي خلاها ترجع دلوقتي وتدور علي ابوها اكيد في حاجه مهمه انت جربت تسألها قبل كده
عز بعناد : لاه مسالتهاش ومش هسالها لاني مش طيجها ونفسي انتجم منها
عز كان لابس👇