عشقت الصعيدي الجزء الاول والثاني بقلم هاله محمد

البارت التاسع عشر

#عشقت_الصعيدي

#هاله_محمد

#البارت_التاسع_عشر

ياسمين وصلت عند هيثم ودخلت مكتبه وقعدت
هيثم : ايه يا ياسمين مالك كده شكلك تعبان اوي
ياسمين بدموع مقدرتش تسيطر عليها : هيثم انا مخنوقه اوي وعايز اتكلم بجد انا لو ما اتكلمتش انا ممكن يحصلي حاجه وانت كنت اقرب صديق ليه ف ممكن اتكلم معاك
هيثم بانتباه : اكيد يا ياسمين اتكلمي وقولي مالك وفي ايه يوصلك لحالتك دي...؟؟
ياسمين مسحت دموعها : انا هحكيلك كل حاجه من اول ما عرفت نديم...
هيثم : نديم مين...؟؟ جوزك اللي كان بيضرب واتطلقتي منه
ياسمين هزت دماغها بلا وبدموع : نديم عمره ما آذاني بالعكس أنا اللي اذيته انا وابويا
هيثم بعد فهم : ياسمين واحده واحده فهمني وبطلي عياط
ياسمين بدئت تحكي لهيثم برعشه في صوتها : اول ما سافرت لبابي بعد الجامعه اشتغلت في الشركه معاه ك فتره تدريب لحد ما اتعلم كل حاجه في الشغل وبابا كان له شريك في الشركه كان راجل مصري وعايش هناك هو وعلته كان عنده ابن وحيد اسمه مروان كان شاب ذكي شاطر في شغله بس عيبه أن بتاع بنات وسُكري اتعرفت عليه وبقينا أصحاب في الشغل وبره الشغل كنا بنخرج علي طول مع بعض ونسهر كل يوم ونرقص كمان....
في يوم خرجنا والسهره كانت عنده في شقته كنا احنا و كام كابل معانا سهرنا لحد وقت متاخر بعد كده كل اللي كانوا معانا مشيوا و في اليوم ده هو شرب كتير جدا و انا حسيت بأن الجو اتوتر قلتله اني عايزه اروح لاني تعبت جدا وهو كان طالب دليڤري فقالي

#فلاش _بااااااك
مروان كان قاعد وفي أيده كاس وقال بسكر : استني بس اااحنا ناكل الاول وبعدين نمشي
ياسمين قامت وقفت بقلق : لا يا مروان شكرا انا مش جعانه انا عايزه اروح لو سمحت
مروان قام وقف قدام ياسمين وكان بيطوح قرب منها ومسكها من خصرها وشدها عليه : احنا لسه هنبدا سهرتنا وانتي عايزه تمشي
ياسمين بتشد ايد مروان بخوف وبعد ايده عنها : مروان انت سكران ابعد عني وسبني امشي
مروان بغيظ : انتي هتستعبطي يا بت اومال ايه اللي جابك معايا......؟؟
ياسمين جحظت عينيها بصدمه : انت بتقول ايه احنا اصحاب عشان كده جيت معاك
مروان ضحك بسخريه : هههههههه‍ انتي هتستعبطي هو في حاجه اسمها أصحاب بين ولد وبنت احنا بنخرج مع بعض وكل يوم بنرقص وبتكوني في حضني في الديسكو وتقولي اصحاب ،وبعدين فكي كده متبقيش قفل....مروان شاور بايده بلا وهو بيطوح.....لا لا سوري قفل ازاي و احنا اللي فاضل نعمله أننا ندخل اوضه النوم واني ادوق شفايفك

ياسمين بقرف ضربت مروان بالقلم خلته اتهز وهو واقف : صدق عندك حق انا فعلا غلطانه اني خرجت معاك واديتك فرصه تقول عليه كده وتعمل معايا كده
مروان حط أيده علي خده بغل : انتي نسيتي نفسك يابت وحيات امك لهتدفعي تمن القلم ده من شرفك ده لو كان عندك شرف....
مروان قرب منها وكان عايز يقلعها هدومها
ياسمين مصدومه وبدئت تصرخ : مروان ابعد عني يا حيوان انت اتجننت ابعد يا ابن الكلب
مروان هجم علي ياسمين وكان عايز يوقعها في الأرض باي طريقه بس من سكره ماكنشي قادر يتحكم فيها كويس
جرس الباب رن و ياسمين كأنها لقت منجد ليها وبدئت تصرخ بصوت عالي جدا
مروان شدها من حماله الفستان اللي كانت لبساه وانقطعت الحماله ياسمين مسكت فستانها وجريت عند الباب تفتحه لكن مروان كان أسرع منها وجري عليها ومسكها من خصرها بس هي كانت مديه ضهرها
والجرس مش مبطل رن واللي بيرنكان كمان بيرزع علي الباب
شالها مروان وكان هيمشي بيها ياسمين بتصرخ : سبني يا ابن الكلب.... فضلت تضرب مروان في أيده لحد ماسبها وجريت علي الباب فتحته وكان الشاب اللي جايب الدليفري
ياسمين بصريخ : Please save me (من فضلك انقذني)
مروان جري عليها ومسكها من درعها وبيشدها لجوه
ياسمين مسكا في بتاع الدليفري وبتشده
مروان بسكر : اذهب من هنا لا نريد الطعام
ياسمين بدموع : سبني يا مروان سبني
نديم مسك ايد ياسمين واتكلم بجمود : سبها.....!!
ياسمين بصتله بصدمه وابتسمت بفرحه كانت بتحسبه اجنبي وأنه ممكن يقول مليش دعوه بس طلع مصري
مروان بص لنديم : انت مصري....؟؟طب يلا من هنا بقي عشان متندمش....وبيشد ياسمين عليه
نديم شد ياسمين عليه وبقت ورا ضهره في ثانيه
مروان اتغاظ وقرب من نديم وضربه بالبكس بس نديم تفاداه وضرب مروان بدماغه وقعه في الأرض وبعدين اخد ياسمين ونزل
ياسمين ماسكه فستانها من مكان ما انقطع وبتعيط بهستريه : اانا مش عارفه اشكرك ازاي بجد انت انقذتني
نديم قلع الچاكت ولبسه لياسمين من غير اي كلام
ياسمين ابتسمت وشكرته
نديم بهدوء : عنوانك فين.....؟؟
ياسمين قالتله علي العنوان
#هاله_محمد
نديم المز اهووو👇