عشقت الصعيدي الجزء الاول والثاني بقلم هاله محمد

البارت الثاني والعشرون

#عشقت_الصعيدي

#هاله_محمد

#البارت_الثاني_والعشرون

محسن الجمال فتح عينيه لقي نفسه نايم علي كرسي في مكتب ديفيد زعيم المافيا اتعدل محسن بفزع وكان قلبه هيقف من الرعب قام وقف وبص حوليه لقي راجلين من رجاله ديفيد واقفين عند الباب وديفيد قاعد علي كرسي مكتبه بهدوء قاتل
محسن بلع ريقه وبص علي ديفيد وقال برعشه في صوته : مستر ديفيد ااانا.....
نظره له ديفيد بتمعن وكأنه يتفحصه
محسن برعب من نظرات ديفيد : كانت النقود معي لكن رجالك ااخذوني بدون أن اأخذ المال
ديفيد ينفث سيجارته بهدوء
وقف ديفيد مره واحد ارعب جميع من ب الغرفه
: انا لا اريد النقود قررت أن اقتلك وانتهي
محسن الجمال بدموع ورجاء و زعر : لا ارجوك مستر ديفيد امنحني باقي مدتي وانا اجلب لك نقودك
ديفيد اطفأه سيجاره الكوبي : انا اعلم كل شئ عنك لماذا خطفت الفتاه....؟؟
محسن الجمال بلع ريقه : ل لاحضر المال...
ديفيد بعصبية : انت رجل خائن وانا اكره هؤلاء الرجال الم يكن والد الفتاه في يوم رفيقك...؟؟
محسن بص في الأرض ونطق بضعف : نعم
ديفيد قعد علي الكرسي : كيف تخونه وتخطف ابنته...؟؟
محسن بخزي : لم ارد هذا لكن انا خسرت كل شئ ولم يعد لدي المال لاسدد دينك
ديفيد : وابنتك كيف تبيعها هكذا يا لك من حقير انا رجل ماڤيا ابيع المخدرات والاسلحه وافعل كل شئ يخطر علي عقلك الا اني اخون صديق أو أفرط في اي فرد من عائلتي انك لا تقدر العائله ولا تعرف قيمتها
ديفيد وبدء يحس بخنقه وحس أنه هيقتل محسن الجمال لو فضل قدامه
ديفيد بعصبية : خذوه من أمامي الان....
أخذ رجال ديفيد محسن الجمال الي الخارج وهو يرجو أن يعفوا عنه
ديفيد أخذ سيجاره اخري أشعلها وبدء ينفث بها غضبه فهو يكره تلك الأفعال والمواقف فذلك يذكره بشئ كلما أراد أن ينساه يري أحد يذكره به
#هاله_محمد

سليم نزل هو و نرمين من عند الدكتوره وركبوا عربيته
نرمين بتبص علي سليم وشايفه في عينه نظره فرح وسعاده خلتها هي كمان كانت اسعد انسانه في الدنيا
سليم بص لنرمين بطرف عينه وابتسم : بتبصيلي كده ليه....؟؟
نرمين اتنهدت بحب : عايزه افضل بصالك كده عندك مشكله
سليم بضحك : هههههههه‍ لا يا حببتي براحتك اكيد بتتوحمي عليه صوح
نرمين بضحك : هههههههه‍ صوح طبعا ياريت يا سليم اجيب ولد ويبقي زيك كده في حنيتك وطيبه قلبك وكمان يبقي راجل و بيتحمل المسؤوليه زيك
سليم مسك ايديها وبسها بحب : ربنا يخليكي ليه يا حببتي،بس اني عايز بنت وتكون كيف الجمر زيك بالظبط
نرمين ابتسم بكسوف : لا انا عايزه ولد ويكون زيك
سليم : خلاص إن شاء الله يكونوا توأم ولد وبنت عشان محدش فينا يزعل
نرمين برقت بعنيها : توأم لا يا سليم انا بس اقدر علي واحد مش تقولي توأم
سليم بضحك : ههههههههه‍ واه واه ما اني ما هملكيش لحالك هشيل معاكي بردك
نرمين : مم يا حبيبي واتحبس انا في البيت مع عيالك وانت تخرج كل يوم وتسبني لواحدي
سليم : ههههههههه‍ اومال يعني هخدكم معايا الشركه كمان....؟؟
نرمين برقت بزعل : يعني ايه يا سليم انت فعلا هتسبنا لوحدنا في البيت...؟؟
سليم ابتسم ومسك ايديها : حببتي لسه بدري علي الكلام ده لمه تقومي بالسلامه باذن الله نبقي نشوف هنعمل ايه وبعدين اني هجيب البت فؤاده تقعد معاكي وتشوف كل طلباتك
نرمين بتوضيح : سليم انا مش هقعد من الشركه دلوقتي خالص عشان بس تبقي كل حاجه واضحه والدكتوره قالت اني كويسه وكل حاجه تمام
سليم اتنهد : ماشي يا حببتي كيف ما تحبي...
نرمين ابتسمت : سليم.....
سليم بصلها : قلب سليم
نرمين بحب : بحبك.....
سليم بهزار : بجولك ايه احنا في العربيه متخلنيش اتهور....وغمز بعينه....(وقح اوي الاخ السليم)
نرمين بضحك : ههههههه‍ والله انت رخم انا بقولك بحبك وانت بترخم عليه
سليم بصوت عالي : واني والله بموت فيكي تحبي اقولها بصوت يسمع مصر كلتها...؟؟
نرمين حطت ايديها علي بؤ سليم وبتتلفت حواليها : هووووس هتفضحنا يا سليم
سليم بضيق مصطنع : واه مراتي واني حر اجولها اللي في كيفي وجت ما اني عايز وفي اي مكان كمان حد يقدر يقول حاجه
نرمين بحب : لا يا حبيبي محدش يقدر يقول حاجه بس يلا بقي عشان انا تعبانه وعايزه ارتاح
سليم بقلق : حاسه بايه تعبانه فيكي ايه....
نرمين ابتسمت : مفيش يا حبيبي بس عايزه انام
سليم : ماشي يا حببتي...اني كلمت مها هتيجي تقعد معاكي لحد ما البت فؤاده تيجي من البلد
نرمين عقدت حاجبيها : ليه يا سليم مها هتقعد معايا ليه ما انت معايا اهو
سليم : اصل اني خارج هقابل عز وعما فؤاده قدمها ساعه وتيجي وعشان مها ما تسبش والدتك لوحدها كتير...
نرمين ابتسمت : وانت لحقت تتصل بالبلد وتقولهم علي فؤاده أنها تيجي وكمان قدامها ساعه واحده بس
سليم بحب : اني عشانك امشي كل حاجه في ثانيه اهم حاجه انك تكوني بخير
نرمين بحب : حبيبي انت والله....بس.....انا قلبي مش مطمن...فريده ما كلمتنيش خالص حتي ماتصلتش تطمني عليها انا قلقانه عليها اوي يعني لو ممكن تكلم عمو هشام ونطمن عليها
سليم : ماشي يا حببتي لمه ارجع من بره هكلم عمي هشام وهخليه يديكي فريده حاضر...يلا وصلنا
نزل سليم مع نرمين
نرمين باستغراب : رايح فين يا حبيبي مش قولت هتمشي عشان عز...؟.
سليم : اه همشي بس اوصلك لفوق الاول واطمن عليكي وبعدين أمشي
نرمين ضمت بؤها بابتسامه : ماشي يا حبيبي..