#عشقت_الصعيدي
#هاله_محمد
#البارت_السابع
سليم راح عند عز
سليم بعصبية : ماخبرشي كان هيجره ايه لو سمعت كلامي
عز باستغراب : خير يا سليم انت بتكلم نفسك يا ولد عمي
سليم : سبني فحالي الله يخليك يا عز كفايه اللي اني فيه
عز بضيق : متجول في ايه
سليم : من الاخره اكده اني بحب
عز وجحظ بعينيه : بتجول ايه بتحب وضحك بكل قوته ههههههههههههه
سليم بغيظ : بتضحك علي ايه عاد هو اني جلت نكته
عز : مستحيل يعني سليم الاسيوطي بيحب طب كيف دي
سليم بعصبية : حد جلك اني ما بحسش ومعنديش جلب
عز بهدوء لاستدراجه جديه الموقف : لاه يا ولد عمي بس انت ديما كشري وعصبي ومابطجشي حد واصل
وكمان چدك وابوك طلبوا منيك كتير انك تتجوز وانت كنت رافض
سليم : علي أساس أن انت اللي وافجت علي طلب چدك لمه جلك اتجوز
عز افتكر كلام عمه وزعل لانه كان بيتمني أن اللي يتجوزها يكون بيحبها
سليم : سكت ليه ما تنطوج
عز: خلاص يا عم ومين سعيده الحظ اللي وجعتك
سليم بحب : نرمين
عز وعقد حاجبيه : نرمين مين جصدك الموظفه الچديده اللي هي صاحبه فريده بت عمك
سليم بهيام : هي يا عز من اول ما شفتها واني جلبي اتخلع من مطروحه
عز : خلاص يا عم شوف انت عايز تتجدم لها ميتي وجول لچدك وابوك
سليم : اني كنت عايز اعرف رجيها الاول
عز : واه متروح اسجلها
سليم بضيق : البت كيف الجطر ولا بعرف اتكلم معاها واصل جلتلها عزمك علي الغدا رفضت وجالت مش بخرج مع اغراب
عز : طب كويس يعني محترمه
سليم : ما اني عارف انها محترمه اني سالت عليها وعلي أهلها زين ولو مكنتش عارف انها محترمه مكنتش جلت اني عايز اتجوزها
عز : خلاص يا سليم مش لازم غدا روح جلها دلوجتي
سليم بتفكير : يعني ينفع اهنه في الشركه اني مش عايز حد يجول عليها نص كلمه
عز : محدش يجدر يجول حاجه وبعدين انت هتتجوزها يعني هتبجي مرتك حلالك مش هتجف تهزر معاها روح بجي خلص
سليم قام وقف وقال بفرحه : فوريره...وخرج راح لنرمين
عز بفرحه وسعاده لابن عمه : اخيرا ياولد عمي كويس اهو واحد منينه هيتجوز اللي بيحبها
دق دق
عز بثبات : ادخل
فريده : عز اتفضل ترجمه الفاكس
عز بعصبية : اسمي عز بيه محناش في الشارع فاهمه
فريده اتكسفت والدموع اتجمعت في عينيها : انا اسفه يا عز بيه اتفضل
عز بضيق : جولي بعتين ايه
فريده صوت مخنوق : شركه فرنسيه طلبه تشتغل مع شركه الاسيوطي وطلبين تحديد ميعاد لو وفقت
عز بجمود : ابعتلهم الرد بالموافجه ويجدروا يجوا في اي وقت ونشوف عروضهم ايه الاول
فريده : حاضر يا فندم عن اذنك
ولم تنتظر رد عز وهبت خارجه بقلب مكسور وعين باكيه
فريده دخلت علي الحمام واعطت لدموعها المجال بالهطول
فريده بدموع تقطع انياط القلوب : هو ليه بيعمل معايا كده هو انا عملتله ايه (وحطت ايديها علي قلبها) ليه يا قلبي بتحبه انا كنت قفلاك حرام عليك تعذبني يارب ريح قلبي وخليه يحبني أو شيل حبه من قلبي
#هاله محمد
عند سليم راح لنرمين
نرمين : خير يا سليم بيه
سليم وبدون مقدمات : انا عايز اتجوزك
نرمين جحظت عينيها بصدمه : ايه بتقول ايه
سليم : بجول عايز اتجوزك
نرمين وأصبحت وجنتيها حمراء من شده الخجل : احم.بس يا سليم بيه يعني
سليم : يعني ايه اني طالب الحلال يابت الناس وبتمني توفجي
نرمين وارتعشت جميع اوصالها : ط طب يعني ممكن تسبني افكر يا سليم بيه
سليم : يعني بجولك جواز وانتي تجولي بيه ماشي مؤقتا بس فكري برحتك بس مش كتير عشان جلبي ما هيستحملشي وابتسم وسبها ومشي
نرمين قلبي كان بيدق بسرعه جدا ولاول مره : ايه ده يالهوي انا بقول مش هحب وقلبي عمل كده ليه منك لله يا فريده انتي دعيتي عليه ولا ايه ده ابتسامته خطفت قلبي..انا هروح لفريده
نرمين بفرحه : فريده فريده
فريده بحزن : في ايه يا نرمين مالك
نرمين عقدت حاجبيها : انتي اللي مالك انتي كنتي بتعيطي مين اللي زعلك
فريده بدموع : انا مش عارفه هو ليه بيكرهني انا بحبه يا نرمين واول مره احب لكن قلبي اختار الشخص الغلط اختار أكتر واحد بيكرهني
نرمين حضنت فريده : خلاص يا حببتي ما تعيطيش هو اكيد مش بيكرهك وهيكرهك ليه اصلا
فريده : مش عارفه ليه بيعملني وحش كده هو انا عملتله حاجه وحشه
نرمين : لا يا حببتي تلاقيه بس كان متدايق من حاجه وجت فيكي انتي
فريده بهدوء : انتي كنت جايه تقولي حاجه
نرمين بفرحه : مش هتصدقي
فريده : مش هصدق ايه قولي بقي
نرمين : سليم عايز يتجوزني
فريده بفرحه : بجد يا نرمين مبروك يا حببتي
نرمين : انا لسه موافقتش
فريده بخبث : امممم بس شكلك بيقول هاتوا الشربات
#هاله محمد
نرمين بإحراج : والله يعني مش للدرجه دي
فريده : يا بنتي دا انتي دخله عليه وكانك كنتي بتحبيه من سنين
نرمين : يوه بقي يا فريده بصراحه كده انا مش عارفه انا فعلا حسيت بحاجه غريبه اول ما طلب يتجوزني بس مش عارفه خايفه اكون بوهم نفسي
فريده : بتوهمي نفسك ليه يعني والله انا مش هقدر اقولك وفقي اولا دي الحاجه الوحيده اللي قررها يكون من دماغك وقلبك انتي
نرمين : عندك حق انا هصلي استخاره واللي ربنا عايزه هيكون
فريده : ربنا يسعدك يا حببتي
نرمين بحب : ويسعدك انتي كمان يا حببتي ويريح قلبك
فريده ابتسمت بحزن وردت بعنيها
فات 3ايام وعز متجاهل فريده وان تعامل معاها بيعملها بجفاء
ونرمين لسه مردتشي علي سليم
سليم راح لمكتب فريده وهي كانت قاعده علي المكتب ووقف جنبها
سليم : كيفك يا فريده
فريده : الحمد لله يا سليم انت عامل ايه
سليم : والله يا بنت عمي صحبتك مجنناني علي الاخر ماخبرشي هي مرضياش ترد عليه ليه
فريده : هههه يا مسكين دانت واقع علي الاخر
سليم : علي الاخر،بجولك ايه يا فريده
فريده : اممم اكيد عايز مصلحه
سليم برجاء : وحياه ابوكي يا شيخه متحنني جلب نرمين عليه ابوس يدك
فريده بهزار مدت ايديها لسليم : بوس الاول وانا هفكر
سليم مسك ايد فريده وبسها وفريده ضحكت في الوقت ده خرج عز عليهم
عز جز علي سنانه وبصوت عالي نسبيا : سلييييييم
رفع سليم وفريده وشهم لعز
سليم : خير يا عز
عز : تعالي عايزك ...دخل عز من غير ما يسمع رد
سليم : اوعي تنسي يا فريده دي خدمه لولد عمك
فريده : حاضر يا سليم هقولها اصل بصراحه انت صعبت عليه
سليم بفرحه : ربنا يخليكي يا احلي بت عم...وسبها ودخل عند عز
عز كان قاعد علي مكتبه متعصب جدا
سليم : خير يا عز في حاچه
سليم بعصبية وتردد : لاه مافيش انت خلصت المنجصه اللي معاك
سليم : اه يا ولد عمي وبعتهالك من بدري
عز : خلاص ماشي
سليم : انا خارج عايز حاچه
عز : لاه .....( خرج سليم وراح عز عند فريده)
عز بعصبية : ممكن تيجي علي مكتبي...وسبها ومشي
فريده لنفسها : يا تري ايه الاهانه الجديده اللي هيتعامل معايا بيها....قامت فريده وراحه عند عز
#هاله محمد
أنت تقرأ
عشقت الصعيدي الجزء الاول والثاني بقلم هاله محمد
Romanceاتت للبحث عن أبيها لكنها ستقع في عشق الصعيدي جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد رابط جروب الفيس👇https://www.facebook.com/groups/751227238975450/?ref=share
