ملكة الأمير [رهينتي خطفت قلبي 2]

الفصل الثاني والعشرين

الحلقه الثانيه والعشرين من رهينتي خطفت قلبي 2

#انا_ملكه_الامير♥

وجع الحب 💔

حملها رامي بشفقه وهو يتمني ان تكون تلك الجميله ذات الحجاب مازالت حيه فرأسها تنزف بشده وقدمها متورمه ايضا لتضع هيدي قطن علي رأسها وتمسح الدم الذي يكسوا وجهها لتقول بصدمه: دي مريم.

رامي بعدم فهم وتوتر: تعرفيها منين وازاي ظهرت فجأه كده.

هيدي بخوف علي صديقتها: امشي بس يا رامي خلينا نروح عند جميله ومؤمن بسرعه.

وبالفعل اخذها رامي إلي هناك وتمت معالجتها.

وبعد مرور يومان ذهبت مليكه إلي مدريه امن القاهره بعدما استدعاها اللواء ادم منصور في أمر عاجل كما انه استدعي محمد أيضا.

مليكه لمحمد: ادم طلبك صح.

محمد: ايوا.

لوت شفتيها وقالت وهي تنظر لجرحها: صراحه يعني يبقي معندهوش دم لو قالي مهمه جديده غير انه هيبقي لود (حِمل) علي دراعي.

محمد بتفكير: اهو دلوقتي هنعرف هو عاوزنا ليه.

بينما كان عقل  محمد منشغل بشئ آخر وهو ان شريف لم يأتي من يومان ولم يظهر أساسا واين كان وقت تلك المهمه ولماذا اتي بهيدي وجعلها تتابع ما يقومه به هو يعلم جدا ان المخابرات جهاز خطير في الدوله وان تلك العمليه سريه وغير ذلك انه جعل مليكه تنضم لهم وهي غير متدربه وكانت ابنه احمد الحسيني ويجب أن يضع محور الشك عليها ولاكنه لم يفعل ذلك وايضا تلك المهمه كان قائدها هو اللواء ادم واصر شريف علي تولي القياده بدلا منه.
كل تلك الأفكار تدور برأسه هو يعرف شريف جيدا ولاكن كل شئ يؤيد انه هو الزعيم المسمي بأحمس.
آفاق من شروده علي صوت مليكه وهي تقول: بتفكر في ايه يامحمد.

محمد بتوهان: في كل حاجه.

مليكه: زي ايه.

تحدث محمد بعد صمت: زي شريف هو فين بقالو يومين وليه عمل كل ده.. كان فين ساعه المهمه.. ليه وافق انك تنضمي لينا ومشكش فيكي لحظه.. ليه جاب هيدي هنا وخلاها تتفرج علينا وهو عارف ان هيدي مش بتسكت كل دي حجات مخلياني مش قادر اقول غير انه  رئيس المافيا.

كانت مليكه تسمعه بحاجب مرفوع ثم قالت: قصدك ايه يا محمد ب انه وافق لانضمامي ليكم..

محمد بتوضيح: قصدي يعني ان هو مفكرش انك مش متدربه وانك ممكن تكوني خطر علينا وان دا جهاز حساس في الدوله ومش اي حد ينضم ليه.

نظرت لهو بتفكير وكانت ستجيب لولا سماع صوت احد العساكر: اللواء منتظركم جوه.

قامت مليكه وخلفها محمد الذي لم تخلو رأسه من الافكار ولاكنهم فتحوا اعينهم بصدمه عند رؤيه ادم...