ملكة الأمير [رهينتي خطفت قلبي 2]

الفصل الثالث عشر

الحلقه الثالثه عشر من رهينتي خطفت قلبي 2♥
عوده الام وابنتها.

#انا_ملكه_الامير♥

#وجع_الحب💔

شريف: انا عرفت او لسه متأكدتش بس سبعين في الميه ان الشخص دا رئيس المنظمه.

محمد بشك في احد ما: مين هو احسن لو طلع اللي في بالي يبقي كده كل حاجه وضحت.

اجابهم شريف بعدما قام من مكانه ووقف امامهم: الشخص اللي انا شاكك فيه دا يبقي اللواء انور ومطلعش ادم زي ما احنا كنا متوقعين.

مليكه بملل: هو انتو كده علي طول وكل شويه تشكوا في واحد ويطلع بريئ براءه الذئب من دمى ابن يعقوب... مش هينفع كده يا جماعه احنا مش هندننا ماشيين في نفس المتاهه لازم نخلص المهمه دي انتو مش شايفين انها اخدت وقت اكتر من وقتوا اوي وهما اصلا ضعاف مش اقوياء عشان نخاف منهم.

نظر لها محمد بتركيز وقال: ضعاف ازاي يعني.

مليكه: هم لو مش ضعاف مش هيستخبوا مننا كده لا هايواجهونا مهو احنا هنبقي بالنسبالهم الطرف الضعيف ف مش هيخافوا مننا لاكن هما خايفين مننا.

شريف بتأكيد: عندك حق يا مليكه كل الظباط اللي بيمشوا ورا القضيه دي في كل مكان في العالم مفكر ان هو مش عارف هو بيتعامل مع مين وان الناس دي ناس صعبه جدا انما لو فكروا بهدوء زيك كده هيعرفوا انهم ضعاف جدا.

مليكه بجديه: ليه انت شاكك في اللواء انور..

شريف بهدوء وهو يجلس مجاورا لهم: عشان هو وادم بس اللي كانو يعرفوا كل الخطط بتاعتنا وبعض الضباط وادم طلع معانا ودا انا متأكد منه.

تحدث محمد اخيرا: مش كفايه انك متأكد انو معانا علي الاقل يبقي عندك دليل واحد انما مفيش اي دليل فمتقولش انك شاكك في انور وتحطوا في دايره الشك اللي بقالنا اكتر من سنتين بنلف حواليها وندخل دا ونطلع دا.

شريف بإنفعال: صوتك ميعلاش عليا يا حضره المقدم متنساش اني ممكن احولك للتحقيق.

محمد بصوت عالي وعيون غاضبه وهو يقوم: حولني للتحقيق ايه يعني انا واحد اخوه الوحيد مات بسبب الكلام الفاضي اللي بتعملوا دا وانا عاوز اخلص منهم مش كفايه كده... ولا هنستنا لما يموتوا مؤمن مهو ابنك وانت بتعارضهم وبعدها يموتوا فرح ويموتوا الكل عشان يخلصوا مننا.

قال لهو تلك الكلمات وتركه ورحل الي مكتبه وبداخله نيران مشتعله علي اخاه الوحيد رغم مرور سنتين علي وفاته بالنسبه لهم إلا انه يموت كل يوم ألاف المرات علي فراق اخيه وابيه وكل شئ لديه هو يضحك ويمرح مع الجميع فقط لكي لا يرى احد تلك الحزن بداخله.