ملكة الأمير [رهينتي خطفت قلبي 2]

الفصل السادس والعشرون

الحلقه السادسه والعشرين من رهينتي خطفت قلبي 2

#انا_ملكه_الامير

وجع الحب💔

الشخص: انا شخص يعرفك من زمان شخص انتي بالنسباله ضحكته وفرحته وبنته واخته وامه شخص انتي كنتي اقرب الناس ليه هستناكي في المكان ده ولو سمحتي متجبيش حد معاكي عشان اللي بنيته في سنين ميروحش في دقايق..

ثم اغلق الهاتف رمت فرح الهاتف وظلت تفكر فذلك الصوت مألوف بالنسبه لها مسحت دموعها بألم وذهبت إلي بئرها التي تخبئ به كل شئ حزنها وفرحها وهي هيدي صديقه طفولتها.

~~~~♡~~~~

عادت مليكه الي منزلها ودخلت بكل برود وجدت والدها في وجهها وينظر لها بغضب قالت ببرودها: بدأنا.. خير يا بابا متعصب كده لي..

احمد بغضب وصوت عالي نسبيا: اي اللي عملتيه النهارده مع احمد العمري دا .

مليكه ببراءه: وهعمل اي يعني يا بابا دا انا ملاك.

تنفس احمد بغضب وجلس بتعب وهو يقول: انا خلاص معتش قادر وهموت مشلول بسببك.

مليكه: بعد الشر عليك.

احمد بإنفعال: ولما هو بعد الشر بتعملي كده لي.

مليكه: انا عاوزا اعرف بس انا عملت اي.

احمد: عملتي كل خير عملتي انك كسرتي الراجل هو ورجالته بتفتري علي الناس بشويه القوه اللي ربنا اداهوملك يا مليكه.

مليكه وهي تهدئ من والدها: براحه بس ياحمد ليجيلك الضغط ولا السكر وتروح فيها.

احمد بصراخ: انتي هتجبيلي كل الامراض المستعصيه مش الضغط والسكر بس.

مليكه: متقولش كده يا جدع واذا كان علي الواد احمد العمري ف هو اللي عصبني وجه علي املاكي ف قولت اعلمه درس ماينساهوش وياريت توصله انه لو جه شركتي تاني مش هوديه علي المستشفي المره الجايه يتعالج تؤ هوديه المشرحه..

كادت تصعد لغرفتها لاكنه اوقفها وقال: في واحد جاي بكره هتقعدي معاه.

عادت مليكه وجلست بكل هدوء وقالت بنبره بارده وكأنها لا تعلم لما سوف يأتي: انا معنديش خبر في الشركه انو جاي ولو حضرتك ادتلو معاد ليه مرجعتش ليا وكمان انت عارف اني مش فاضيه هخلي كريم يقابله.

احمد: وهو هيتجوز كريم.

مليكه: اها قول بقي انه جاي عشان كده طيب قوله ميتعبش نفسه معندناش بنات للجواز.