ملكة الأمير [رهينتي خطفت قلبي 2]

الفصل الثاني والثلاثون والاخير♥

الحلقه الثانيه والثلاثون الاخيره من رهينتي خطفت قلبي 2

#انا_ملكه_الامير
وجع الحب

وظننتكِ بلوتي التي تلازمني طوال حياتي.. فتبدلك الباء حاء♥♥

اجابت علي هاتفها ببرود وهي تقول: اي يا محمد يعني اي يعني سفر مفاجئ.. لا ياشيخ انا كمان جايه معاكم.. اه ورامي وهيثم ومريم.. كمان نفيسه ودريه لا صراحه كويس اوي كملت... ايوا قال قدامي وكل حاجه بس هل انا قولتله موافقه هل اداني معاد محدد اجهز نفسي اني هسافر فيه.. اه يخويا ورايا حجات لازم اعملها الاول... هعمل اي هعمل ماسك لفيجارو.. حد قالك عليا معفنه يابن سعاد.. اه مبعملش ماسكات ليا بس بهتم ببشره قطتي وبعملها ماسكات.. هو مش شعرها ده يعتبر بشرتها انا بهتم بيه.. ولا انت صدعتني هخلص واكلمك اقولك هسافر ولا لا... اومال بمزاج مين يعني.. احم اتثبت خلاص هحضر الشنطه واكلمك...

ثم اغلقت في وجهه وهي تبتسم لتجد من يقول وهو ينظر لها بشر: ثبتك قالك اي ابن سعاد ده.

فقالت بهيام وهي تنظر امامها: لا ده محموحتي هيقولي ايه يعني كان بيقولي يا اشرف قلبي ميعرفش ان هو اللي قلبي وعقلي وروحي واااااه..

صرخت وهي تجد نفسها تسحب لاعلى فلا يوجد سوي رامي يفعل تلك الحركه فقالت: خضيتني ياجدع الله.

قال بغضب وهو يتركها بقوه: مين ده بقي اللي قلبك وروحك وفشتك وكبدتك و..

قاطعته بضحك وقالت وهي تجلس اعلي الاريكه وفعل هو مثلها: محموحتي.

قال بعدم قبول لما يحدث بينها وبين محمد وتقربهم الزائد عن حده: ايوا مين محموحتك ده يعني دوا كحه.

تشنجت مما قاله وقالت بقرف: ولا اتلم عشان مخربش عليك خلصانه يزميلي مش عشان اخويا هتسوق فيها.

نظر حوله بفزع وكأنه يبحث عن شئ ما ثم نظر لها مجددا وقال: لا يماما اعتبريني محموحتك دوا الكحه وكلميني عدل ايوا متبصليش كده ينفع اللي انتي ومحمد بتعملوه ده.

سندت برأسها علي صدره وقالت وهي تبتسم: وكأني كنت في حلم امبارح يا رامي قالي كلام عمري ما كنت اتخيل ان واحد زي محمد يقوله او يطلع بكم الرومانسيه دي قالي انه بيحبني وميقدرش يستغني عني تعرف انه قالي لما اموت هوصيهم يدفنوكي معايا عشان متفارقنيش ولا ف دنيتي ولا اخرتي وقالي كمان انه طول التلت سنين اللي قضيناهم سوا كان بيحكيلي عني علي اني شخص تاني زي ما كنت بعمل بالظبط يا رامي قالي كلام كتير اوي مش ناسيه منه ولا حرف عمال يتردد في دماغي من امبارح وكأنها الحان لمعزوفه جميله لبيتهوفين بتتردد بأنغام تخليك ترقص من جمال كلماتها كنت اسعد انسانه امبارح وكاني ملكت الدنيا كلها من حبه هو بس حبه بالنسبالي هو الدنيا اللي اتولدت فيها من تلت سنين.