ملكة الأمير [رهينتي خطفت قلبي 2]

الفصل السادس

الفصل السادس من رهينتي خطفت قلبي❤

#انا_ملكه_الامير

ابتسم هيثم وقال ببتسامه: طيب قوليلي بقي عاوزه تروحي فين او تعملي ايه.

وعد بحرج وتردد: يعني كنت عاوزه اروح ازور اهلي.

نظر لها هيثم قليلا ثم قال بعد تفكير: طيب انا معنديش مشكله.

وعد بفرحه: بجد يا هيثم انا مش عارفه اشكرك ازاي.

هيثم ببتسامه: مفيش بنا شكر..(ثم اكمل بتكشيره) بس هما هيستقبلوكي ويرحبوا بيكي.

وعد بتكشيره: اكيد وليه لا يعني... وعشان كده عاوزاك تروح معايا وهنمثل قدامهم اننا مبسوطين وخصوصا قدام مرات عمي ممدوح.

هيثم: ماشي يا وعد قومي البسي ويلا نمشي.

وعد: بلاش نروح النهارده خلينا بكره لان مرات عمي احتمال انها تكون عند والدها بكره ف خلينا نبعد عنها لاني مش حمل كلمه كده ولا كده منها.

هيثم وهو ينظر الي عيونها: انتي ليه محسساني انها لو كلمتك انا هسكت.. متخفيش من حد طول ما انتي معايا.

وعد وهي تنظر الي الفراغ: انت متعرفهاش دي ممكن تعمل اي.. ممكن تقولك انت كلمه تخليك تتلجم ومتعرفش ترد عليها.

هيثم بمرح: بصي انتي متعرفنيش انا اصلا واحد مشافش تلت دقايق علي بعض ربايه يعني هعرف اكلمها مهما كان اسلوبها..(ليكمل بإستغراب) بس انتي ليه بتخافي منها اوي كده.

وعد: مش حكايه خوف منها بس هي بتكرهنا اوي ودايما بتقف قصادنا وتقلب بابا علينا.

هيثم: طيب سوري في الكلمه يعني هو بابا عبيط عشان يسمع من اي حد.

وعد بتكشيره: بس ياض انت متشتمش بابا هو مفكرها بتحبنا وبتعمل كده لمصلحتنا انما هي ميهمهاش غير نفسها وعيالها بس مع ان عيالها بيحبونا اوي واحنا بنحبهم بس هي غاويه تقرفنا.

هيثم: تمام يا وعد بكره نروح سوا.

وعد بإحراج: كان فيه طلب تاني.

هيثم بضحك: طلباتك كترت اوي يا روحي بس قوليلي بقي عاوزه اي هو انا يعني عندي كام وعد.

وعد: كنت عاوزه اشتغل.

~~~~~~~~~~~~~~~~~~~~~~

ابتدا المطر بالسقوط ليمسك هو يدها ويشغل احدي الاغاني في سيارته وينزلون من السياره ويرقصون سويا علي تلك الاغنيه وهم يضحكون .

امير بفرح بعد انتهاء الاغنيه: ياه يالوكا لو تعرفي انا فرحان قد ايه انك معايا.

مليكه ببتسامه: مين كان يصدق اصلا اننا بعد ما كونا ناقر ونقير نبقا بنحب بعض ومخطوبين لا وكمان فرحنا الشهر الجاي.

امير بحب: اوعديني انك عمرك ما تسيبيني.

مليكه ببتسامه: اوعدك لاني مش هقدر اعيش من غيرك اصلا.