ملكة الأمير [رهينتي خطفت قلبي 2]

الفصل الخامس والعشرون

الحلقه الخامسه والعشرون من رهينتي خطفت قلبي 2

#انا_ملكه_الامير

وجع الحب

الجميع سعيد بذلك الزفاف وخصوصا محمد الدمنهوري هل لان حب وعد في قلبه كان هين وغير متين... لا بالعكس فهو احب وعد حقا ولاكنه اكتفي بنفسه وبعمله حتي تأتي من تجعله يحبها اكثر من وعد هو الان سعيد لسعادتها تلك وهو يرى حب هيثم في عيونه لها وابتسامته التي لم تفارق وجهه منذ ان رأها..
تقدم منهم بخطوات ثابته وهو مبتسم ومد يده ليصافح وعد التي صافحته بإبتسامه فقال لها: مبروك يابنت عمي يارب اشوفك دايما سعيده زي ما انتي سعيده دلوقتي كده.

وعد وهي تبادله الابتسامه: الله يبارك فيك يا محمد..

صافح هيثم الذي صافحه بسعاده وقال: مبروك يا هيثم عبال ما اشوفلك اولاد صغيرين كده بس اعمل حسابك انا اللي هربيهم وهسميهم علي مزاجي.

هيثم بسعاده: يخويا بس هما يجوا وخدهم ربيهم بس بعد ما يكملو خمس سنين عشان انا بحب العيل وهو صغير انما لما بيكبر بيبقي تنح كده وغتت.

ضحك محمد وقال: ماشي يصحبي وانا موافق.

ثم استدار ليرحل عندما نادت عليه ابنه عمه الكبيره " عائشه" ولاكن مسكت وعد يده قبل ان يرحل وقالت: متزعلش يا محمد.

محمد بإبتسامه وهو يربط علي يدها: مش زعلان يا وعدي انا وانتي كنا بنحب بعض ك تعود عشان متعودين علي بعض في حياه بعض من وانا صغير وانا مش قدامي غيرك وحسيت انك زي اللعبه بتاعتي ولما كبرت حبي ليكي كبر او تعودي عليكي كبر ف عرفت اني مش بحبك فعلا واني كنت متعود عليكي في حياتي وانك زي اختي.

هيثم بغيره وهو يبعد يده عن يدها: طيب ايدك كده يابا عن اختك وراعي اني قاعد جمبك

ضحك محمد وقال: براحه بس يا عم هيثم متزوقش انا كنت ماشي اصلا.

رحل محمد وهو يضحك ليقول هيثم بغيظ: بتمسكي ايده ليه انتي هااا مش قاعد جمبك انا.. مش متنيل وقاعد جمبك بتمسكي ايد حد غيري ليه.

ضحكت وعد علي طريقته وقالت: جرا اي يا سماسيمو انت زعلت.

هيثم بغيظ: انت لو بتدلعي ابن اختك مش هتقوليلو كده واه ياختي زعلت واياك يا وعد تمسكي ايده تاني فاهمه اياك.

نظرت لهو وعد بحاجب مرفوع وقالت: اتوكس ياهيثم دا اخويا الكبير.

بينما كان محمد ذاهب الي عائشه فإصتدم بأحد من دون قصد لان المكان مزدحم جدا لتقول شاهيناز بغضب: جرا اي يا اعمى انت مش تفتح.