ملكة الأمير [رهينتي خطفت قلبي 2]

الفصل الثالث من الجزء الثاني

رهينتي خطفت قلبي الجزء الثاني❤

#انا_ملكه_الامير

ملگ احمد

الجميع واقف في قلق شديد حتي خرج الطبيب بعد وقت ليجري اليه الجميع فيقول هيثم: طمني يا دكتور وعد اخبارها اي.

الطبيب: للاسف مدام وعد خسرت الجنين اللي كان في بطنها بس هي بخير الحمد لله.

هيثم بزهول: نعم يا حيلتها جنين مين اللي في بطنها هي حامل من امتا.

زينب بحده: هيثم اتكلم عدل مع الدكتور(نظرت الي الطبيب) بعتذر لحضرتك علي تصرف هيثم بس ممكن تقولي هي حامل بقالها قد اي.

الطبيب: هي حامل من ساعه الحادثه تقريبا.

هيثم: طيب يا دكتور انا بعتذر لحضرتك علي اللي قولتو بس مكناش نعرف انها حامل.

الطبيب ببتسامه: ولا يهمك يا بشمهندس انتو ممكن تدخلو تطمنو عليها.

شكر هيثم الطبيب ودخل الي وعد هو وزينب وهيدي اما رامي فذهب الي الحسابات ليدفع التكاليف.

كانت وعد نائمه مثل الطفل الصغير نظر لها هيثم كثيرا وتلقائي ارتسمت تلك الابتسامه ولاكنه كشر وقال بداخله: هيثم فوق يا قلب امك دي كلها اسبوعين ولا شهر بالكتير وتطلقها وبعدين انت مش لازم تحب تاني متنساش اللي جرالك من ورا الحب بس برضو ميمنعش انها جميله اوي وهي نايمه عامله زي العيل الصغير بس لما بتبقي صاحيه بتقلب سترومان ( مصارع ملقب بالمسخ بين البشر) ياساتر عليها ه...

هيدي مقاطعه افكاره: رحت فين ياسي هيثم.

نظر هيثم لها وقال بجديه: انا هخرج لرامي وانتي لما الهانم دي تفوق تندهيلي.

خرج هيثم من الغرفه لتقول هيدي لامها: عليا الطلاق ابنك وقع يازينب.

زينب: يارب صبرني.. عليكي الطلاق دا اخوكي مش بيقولها انتي هتقوليها وبعدين مش مراتو خليه يحبها.

هيدي بتفكير: طيب لو قربتهملك من بعض وخليتو ميطلقهاش تعمليلي ايه.

زينب: حقه يابت لو عملتيها هخلي رامي يغيرلك العربيه بالعربيه اللي كنتي عاوزاها.

هيدي بغرور مصتنع وهي تعدل من ياقه قميصها: لا عربيه اي دلوقتي بنتك بقت مهندسه ناجحه وتعرف تعمل لنفسها كل حاجه.

زينب بملل: طيب عاوزه اي.

هيدي بتفكير: نفيسه ودريه.. نفيسه ودريه ميجوش عندنا تاني.

زينب بتكشيره: دا ازاي عاوزه تحرميني من اختي.

هيدي برفض: لا طبعا انا بس مش عاوزه اشوف وش عيال اختك عشان مش بطيقهم.

زينب: ما تنسي بقي يا بنتي اخوكي واهو بقي كويس ودول مهما كانو عيال خالتك وفي مقام اخواتك.