ملكة الأمير [رهينتي خطفت قلبي 2]

الفصل الرابع❤

رهينتي خطفت قلبي الجزء الثاني❤

#انا_ملكه_الامير❤

مر سنتان علي ابطالنا.
(هشرح بالعامه عشان تفهمو اكتر او انا اعرف اوضح بطريقه سهله)

مليكه كل يوم تروح عند قبر امير وتعيط وتشتكيلو من الدنيا والناس وابوها اللي عاوزها تتجوز عشان تنسي امير بس هو صعب انو يتنسي لانو روحها هي فعلا خلصت جامعه واسست شركتها الخاصه بيها وبدأت تشتغل فيها بكل جهد عشان تكبر وتبقي زي ما اميرها قالها اكبر بيزنس ومان(سيده اعمال) في مصر.

محمد قرب من هيدي اكتر واكتر وبقت هي شئ اساسي في يومه وعرف كل حاجه عنها وخصوصا لما اتخرجت وبقي وقتها كلو في الشركه وبيروح عند امير يوميا برضو وسعات بتكون مليكه موجوده في الوقت اللي هو موجود فيه بيروحلو عشان يفيده ويقولو ازاي يبعد عنها لانو مش عاوز يجرحها زي ما هو جرح مليكه وعارف انه مش هيرد عليه بس بيرتاح لما يقعد معاه.

هيثم بيحاول يعرف الحقيقه بس كل ما يقرب من حاجه او يقرب لمحسن او علي يلاقيهم يهددوه بهيدي وامه بس هو عاوز يعرف الحقيقه وبرضو مش عاوز يأذي حد فيهم وفي السنتين دول تقريبا كده حب وعد بس مش قادر يقرب منها عشان خايف ليحصله نفس اليي حصله زمان وكمان وعد مش مدياله فرصه ابدا علي طول مستخبيه في اوضتها مبتخرجش غير لما هيدي او حماتها يكونو موجودين وهيدي عشان بتجيلهم كتير لانها عاوزه تقرب وعد من هيثم دا بيخليه يشوفها كل يوم تقريبا بس لسه بتبصلو بنظره كلها كره.

هيدي حبت محمد هي كمان بس خايفه تقرب منه لانها عارفه انه مش بتاع حب والكلام ده وليه صحاب بنات كتير بس هتعمل اي هي خلاص حبتو وعشان تبعد فكرت انها تسافر عند خالتها هي اه مش بتطيق عيالها ماهي وشاهي بس هتعمل اي ماهي وشاهي هتقدر عليهم انها مش هتقدر تبطل تحب في محمد.

رامي الوحيد اللي عايش فيهم من غير ما يحب او بمعني اصح زي ما هيثم بيقولو راكن قلبو علي الدكه وخايف عليه ينزل الملعب يتصاب وينهي مسيرته عشان كده محاولش يحب وكل وقته بقي لمساعده اخوه في الشركه وبس.

تقي بقت تعشق ديمير ولما عرفت انها هتكمل حياتها في مصر حاولت تتجنبو بس معرفتش لانهم فريق واحد وده خلاه هو كمان يحبها بس مش عاوز يقول خايف يخسرها وهي اتعلمت عربي مخصوص عشان تعرف تشتم في آلب من غير ما يفهمها مش عشان هي عاوزه تنزل مصر.

فرح الشاويش اتخرجت وبقت مُعيده لانها كانت من الاوائل في كل السنين الدراسيه بتاعتها وده خلاها تعرف جانب جديد في اسر حبيبها اللي هو كمان بيحبها من اول يوم شافها فيه بس قالها كده لان مكنش حابب ان حد يقولها كلمه تزعلها فحاول يخليها تتغير وعرف انها مش ممكن تتغير لانها حابه حياتها كده وهو محبش فيها فرح اللي شافها في خطوبه مليكه لا هو حب عم فرج زي ما بيقولولها حب البنت اللي مش مهتمه بحاجه عكس باقي البنات اللي بقت تخبي ملامحها ورا الميكياج.