ملكة الأمير [رهينتي خطفت قلبي 2]

الفصل الثاني من الجزء التاني

رهينتي خطفت قلبي الجزء الثاني❤
#انا_ملكه_الامير❤

فاقت من نومها وارتدت ثيابها ووضعت بعض مساحيق التجميل لمقابله اميرها اصبحت جميله اكثر مما هي جميله لتنزل الدرج بهدوء وفرحه لانها سوف تقابل ذلك الامير او كما اعتقدت انها كانت تحلم وهو لم يموت نزلت وقالت للجالسين: صباح الخير.

رد عليها الجميع بشفقه لحالتها: صباح النور.

ليكمل احمد( والدها): راحه فين يامليكه باللبس ده.

مليكه ببتسامه غايه في الروعه: هخرج مع امير يا بابا.

محمد بحزن: مليكه اطلعي في اوضتك ارتاحي انتي مانمتيش كويس.

مليكه وهي خارجه من الفيلا: لا زمان امير مستنيني ومش عاوزه اتأخر لان النهارده هنختار المكان اللي هيكون فيه الفرح.

يوسف بحزن وهو يتجه لها: حبيبتي لازم ترضي بالواقع امير خلاص مات ومش هيرجع.

مليكه بصدمه ودموع مما قاله: يوسف ان.. انت بتقول اي مين ده اللي مات دا كان حلم وخلاص فوقت منو وامير مامتش هو مستنيني دلوقتي عشان نختار مكان للفرح.

محمد بدموع: مليكه فوقي امير خلاص اختفي ادعيله بالرحمه.

مليكه ببكاء وهي تحرك رأسها برفض: لاااا لاااا انتو كداادبين امير مامتش ومستنيني بره بطلو تقولو كده.

محمد ببكاء: حرام عليكي بقي افهمي هو خلاص مات.. مااات يا مليكه فاهمه يعني اي مات... يعني مفيش امير تاني بطلي تعذبي نفسك وتعذبينا معاكي وتعذبيه قبلنا.

مليكه برفض تام: لاااا يامحمد بطل تكدب عليا مش ده صاحب عمرك ليه تعمل كده لي تقول عليه ميت بطلو تكذبو عليا امير عايش.. امير عايش..

اخذت تردد تلك الكلمه كثيرا حتي جاءت الممرضه واعتطها حقنه مهدئه وحملها محمد وصعد بصحبه احمد الي غرفتها.

في مكان كبير وجميل به الكثير من الورود والشموع التي تخرج منها رائحه اكثر من رائعه كانت هي واقفه تلتفت حولها تبحث عنه في كل مكان والدموع تملأ عيونها لتجده هو يقترب منها ببتسامته المعتاده وتلك الغمزات تزين وجهه فهي تعشق ابتسامته ليمسك يدها ويقبلها ويقول: متوقفيش حياتك علي حد ياحبيبتي.

مليكه ببكاء: امير الكدابين بيقولو عليك مُت شوفت بيقولو اي خليهم يبطلوا يقلولي كده واظهر قولهم انك عايش قولهم ان الامير عايش وهيتجوز من ملكه الامير مش انت بتقولي كده.. بتقولي ان انا ملكه الامير وهتجوز من الامير يبقي اظهر خليهم يعرفو ان الملكه ملهاش غير اميرها.

امير ببتسامه: مليكه مبحبش اشوف دموعك دي( مسح دموعها بيده) وبعدين متوقفيش حياتك عليا انزلي الجامعه تاني وابقي ملكه بجد خليكي دايما الاولي اللي انا اعرفها.. اللي من اول مره الامير شافها فيها حبها.. عاوزك تبقي اهم بيزنس ومان ( سيده اعمال) في مصر كلها لاء مش مصر بس عاوزك تبقي الاهم في الشرق الاوسط كلو.