ملكة الأمير [رهينتي خطفت قلبي 2]

الفصل الحادي والعشرين

الحلقه الحاديه والعشرين من رهينتي خطفت قلبي 2♥

#انا_ملكه_الامير ♥

وجع الحب💔

لتقول مليكه بإبتسامه: هي مش دي.

محمد مقاطعاً: هي يختي.

مليكه: الله عليك يا فخر العرب.

انحني الجميع لهم لتقول مليكه: احنا المفروض ننحني ليهم دلوقتي.

محمد بغضب: انحني لمين مفيش الكلام ده.

وجد صوت ما يعرفه جيدا يتحدث عبر السماعه: ما تنحني بقي يابني وتخلصنا.

محمد بنفي: لا انا مش هنحني غير في صلاتي للي خلقني وبس انما مش هنحني لشويه اصنام.

هيدي بهدوء: طيب انت لو منحنتش هيقتلوك انحني كأنك بتاخد حاجه من الأرض مش شغلانه.

مليكه: ايوا يا محمد هيدي عندها حق.

نظر لها محمد ثم انحني بتردد ليذهب الحارس للملك احمس ويقول له شئ ما ثم عاد مكانه مجددا.

هيدي لمحمد: ونبي يا اخ محمد شغل الكاميرا اللي اداهالك شريف عشان انا عاوزا اتفرج علي إلحفله دي.. اومال مش حضاره فرعونيه ولازم اشجع صناعه بلدي.

محمد بغيظ وهو يقف كما كان بعدما انحنى: هيدي مش حنه خالتك هي اسكتي كده خلينا نشوف شغلنا.

صمتت هيدي ليقول محمد بإعتذار: هيدي

هيدي: ممممم.

محمد: انتي زعلتي.

قالت بملل: وهزعل من ايه انت واحد بتشوف شغلك.

محمد بحب وعيون كادت يتطاير منها قلوب😂: طيب انا هشغل الكاميرا بس تركزي معايا عشان دي اي غلط هتضيغ فيها رقاب.

مليكه وهي تكاد  تشل: ياحنين انت.. بت اهيدي سيبك من الواد الملزق ده انتي هتركزي واكيد شريف واقف عندك هتتابعوا معانا ولو شوفتوا اي حاجه تقولولنا عشان انا مش مطمنه.

اوميئت هيدي وضغط محمد علي شئ صغير جدا في ملابسه وبدأ بنقل كل شئ صوت وصوره لتقول هيدي بصدمه: ايه دااا.. مش دي الب..

محمد بمقاطعه: هي زفته المهم مين اللي معاها ده.

هيدي بتفكير:  هو هيئته وجسمه يقوله انه رياضي وعسول ومز كده انما القناع ده مخبي وشه.

مليكه بتفكير وهي تنظر حولها: هم غالبا سابو الاسلاميه والمسيحيه واليهوديه وبيعبدوا الاصنام  واكيد مش بيعبدوها كده وخلاص لان هما بيتحاموا وراهم واكتر شئ بيحميهم هنا أو هما مفكرين كده هو الجعران.

محمد وهو ينظر للجعران: مش الجعران ده اللي هو شبه الخنفسه اللي هناك ده.

هيدي: ايوا بس عندك التمثال اللي علي ايدك اليمين ده تمثال لاله اسمو سِت وده كان بيساعد الميتين عشان روحهم تطلع عند ربنا.