ملكة الأمير [رهينتي خطفت قلبي 2]

الفصل التاسع

رهينتي خطفت قلبي2 ❤

#انا_ملكه_الامير❤

#وجع_الحُب💔

ذهب الجميع الي غرفته كي يستريح بعد ذلك اليوم لتدخل وعد غرفه هيدي فدخلت هيدي سريعاً وقالت مازحه: كان علي عيني والنبي يا حبيبتي بس البت نفيسه هتنام عندي ودريه هتنام مع رامي قصدي عند رامي يوووه قصدي يعني في اوضه رامي هي وامها ورامي هينام علي الكنبه.

وعد بتكشيره: طيب وانا هنام فين.

هيدي: لمؤاخذه يعني في الكلمه وخدي بالك من لمؤاخذه دي هو مش انتي متجوزه.

حركت وعد رأسها بالموافقة وقالت: المفروض.

تابعت هيدي: طيب يا ستي محلوله اهي هتنامي في اوضه هيثم.

وعد: وهيثم.

هيدي بسخريه: في اوضه هيثم برضو شوفتي قدره ربنا.

اجابتها وعد: دا اللي هو ازاي.

هيدي: زي الناس ياختي.. ويلا بقي عشان عاوزا استجم قبل ما تيجي المنحرفه وتقرفني في عيشتي او انا اقرفها أيهما اقرب.

نظرت لها وعد كثيرا ثم ذهبت الي غرفه هيثم دخلت ولم يكن هيثم بها لتتنهد وتقول وهي تجلس على السرير: الحمد لله طلع عندوا دم وطلع من نفسوا.

لتجد من يفتح باب الغرفه وكان عاري الصدر فشهقت هي بصدمه وخجل ووضعت يدها علي عيونها بسرعه ليضحك هيثم ويتقدم منها فقالت هي: اي ياعم انت ازاي تمشي كده في البيت مش في هنا بنات.

حاول هيثم ان يتحكم في نبرته ونجح في ذلك فقال لها ببرود: محدش غريب.

وعد بغضب وهي تزيح يدها عن عيونها: هو اي اللي محدش غريب دا امال نفيسه ودريه دول اي مش اغراب لتنظر إليه ووضعت يدها مجددا وهي تسب نفسها علي انفعالها.

هيثم وهو يحاول ان لا يظهر تلك الضحكات: نفيسه ودريه دول عيال خالتي وزي اخواتي.

وعد: طيب البس بقى وخليك انسان مؤدب حتى لو عيال خالتك برضو مينفعش تمشي كده ممكن تكسفهم.

هيثم بضحك: ههههه مين دول ياما اللي يتكسفوا ونبي لو سمعتك هيدي كانت شرشحتلك قال يتكسفوا قال.

وعد بحرج: طيب البس بقى.

هيثم بإبتسامه: انا لابس من بدري.