ملكة الأمير [رهينتي خطفت قلبي 2]

الفصل التاسع والعشرين

الحلقه التاسعه والعشرين من رهينتي خطفت قلبي 2

#انا_ملكه_الامير

وجع الحب

ازدادت شهقاتها وقالت: خايفه عليك اوي يامحمد اول مره اخاف كده في حياتي عمري ماكنت اتخيل اني هخاف علي حد كل الخوف ده بس ده كله عشان بحبك يامحمد.. بحبك من اول يوم شوفتك فيه او مكانش حب كان اعجاب لاني لقيت شخص يشبهني كده والاعجاب مع الوقت اتحول لحب فين وازاي وامتا معرفش كل اللي اعرفه اني بحبك رامي حظرني منك كتير بس كنت بقول انك غير كده وفعلا ده اللي عرفته عنك لما قربت منك ف عشان خطري انا متمشيش وخليك جمبي انت طول الوقت اللي عرفنا فيه بعض كنت جمبي هتمشي دلوقتي اكيد لا.

كان محمد فقط يبتسم علي حديثها ذلك فهل هي حقا تحبه هذا الحب الذي تتحدث عنه.. بل واكثر فهيدي وصلت بها مشاعر الحب تجاه محمد الي حد لن يتخيله أحد لو تستطيع لذهبت هي عوضا عنه في تلك المهمه او كانت اخذته الي مكان مهجور لتخفيه به من اعين المعجبات به وجميع البنات حتي فرح اخته.

ابتسم محمد بهدوء وقال: اوعدك اني هرجعلك تاني.. هرجعلك مفييش خدش.. وبعدين انا لازم ارجع عشان اقولك يا اشرف يرضيكي حد يقولك اشرف غيري.. وكمان هرجع عشان تبقي حرمي المصون هتبقي مدام محمد الصياد.. هرجع عشان هيدي حبيبتي وكل شئ ليا.

ابتسمت هيدي وقالت: وانا هستناك مع مليكه عشان اطمن عليك.

محمد بإبتسامه ومرح: احم كفايه رومانسيه عشان اعرف اركز خلي كل الكلام ده لما ارجع بس بشرط تقوليه مان تو مان.

ضحكت هيدي وقالت: سلام يا محاميحو ومتتأخرش عليا.

ابتسم محمد هو الاخر واغلق معها ثم عاد مجددا

تقدم احمس مع بعض الرجال الي مكان ما بالقرب من الاهرامات وبدأ في تحضير مراسم الحفل علي الطريقه الفرعونيه بدون اي وسيله حديثه مثل الكهرباء او اشعال النيران بالقداحه او اي شئ كذلك واخذ يردد جمل غير مفهومه والجميع يردد معه ليأتي اليهم احدا ما من بعيد ويقول وهو ينظر ارضا باللغه المصريه القديمه: اعتذر فأنا غير قادر علي تقديم محبوبتي قربان للالهه ومستعد لاقدم نفسي عوضاً عنها.

نظر لهو احمس بقرف من اعلي لاسفل وقال: ومن انت كي تضحي بنفسك فهي فتاه مميزه في مقتبل عمرها اما انت ف رجل عادي وتخطيت الثلاثينات ومن قواعدنا ان نقدم لألهتنا الاهم والاصغر فهي الوحيده التي تستطيع ان تجدد عهدنا بشبابها ذلك.

قال احمد ببرود وهو ينظر لاحمس نظره تعني انه لا يهمه ما قال: لن اقدم ملكه الامير لكم فالينتهي العهد وتنتهي حياه الجميع انا اصبحت اؤمن بربي وليس بتلك الخُرافات هل تظنون ان الشمس وذلك التمثال الحجري هما ما يجددون اعماركم او يمدونكم بالقوه بل انه الله سبحانه وتعالي انا الان علي اتم الاستعداد للموت وانا مؤمن بربي وليس ببعض التماثيل.