رواية اسوار قلبي بقلم نوران جمال

البارت العاشر

____الفصل العاشر____

ايلين بإبتسامة وهي تشاور لصهيب: ممكن اخد العصير اللي قدامَك ده ..
صهيب بهدوء واستغراب: قدامِك بتاعك..
ايلين بإبتسامة ماكرة: لا اصل انا بحب طعم العصير اللي قدامك فهنستبدلهم تمام..
نظر صهيب لها فلمح ابتسامتها التي يظهر عليها المكر وكان سيرفض ولكن نظر والده له بحدة
صهيب بهدوء: اتفضلي خديه ..
فوقفت ايلين عن كرسيها ومدت يدها لتأخذه وبالفعل امسكت الكوب ورفعته حتي تسقطه عليه ولكن فجأه انقلب السحر علي الساحر وامسك صهيب الكوب من الجهة الأُخري فوقع العصير عليها وهنا شهقت ديمه وايسل من ما حدث اما ايلين لم تستوعب بعد بأن العصير كله قد وقع علي ملابسها ففتحت فمها بصدمة فاقترب صهيب منها وهو يمسك المنشفة
صهيب بهمس ومكر: عجبك العصير ...
فإستغلت ايلين اقترابه منها ومثلت انها ستقع فقامت بإبعاده بحدة حتي اصطدم بالكرسي خلفه فوقع وهنا اوقعت عليه طبق السلطه الذي كان امامه ..
ايلين بمكر وتمثيل الصدمة: ايه ده انا بس سندت علي السفره من غير قصدي فوقع الطبق عليك ...ثم امسكت المنشفة وانخفضت له
ايلين بإبتسامة ماكرة : اتمني ان طبق السلطه يكون عجبك ..
صهيب بإبتسامة ماكرة : زي ما العصير عجبك بالظبط ..
فألقت ايلين المنشفة عليه ثم التفتت الي مراد وديمه
ايلين بهدوء: انا هروح اوضة ديمه اخد منها هدوم لحد ما اجيب هدومي من الفيلا بتاعتي ..ثم صعدت الي الأعلي بإبتسامة ولكن تحت هذه الابتسامة غيظ كبير من صهيب الذي كان يتبعها بعيونه بتسلية
مراد بهدوء: صهيب يالا قوم ..
فوقف صهيب بهدوء وحذر من زجاج الطبق المكسور علي الارض
صهيب بإبتسامة : انا هطلع اوضتي ..
زياد وهو يكتم ضحكته:مش هتكمل اكل..
فلم يرد صهيب عليه بل ذهب الي غرفته وهو لا يعرف هل يغضب من ما حدث ام يبتسم علي ايلين وافعالها التي يراها للمرة الاولي في فتاة..
صهيب بمكر : كنت صح لما قولت اني هتسلي كتير بوجودك ويا انا يا انتي يا إيلين او البرق مش هتفرق معايا ... ثم دخل ليستحم ثم خرج وامسك اللاب توب وظل يبحث عن معلومات عن ايلين فهي بالنسبة له سر غامض وكم يريد ان يكتشفه..

اما في غرفة ديمه اخذت ايلين الملابس ثم ذهبت الي غرفتها التي تم تجهيزها لها
ايلين بتفكير وغضب: البني ادم ده طلع مش سهل ووقع العصير عليا بس وعلي ايه الأيام ما بينا جايه ومش انا اللي زفت زي ده يعمل فيا كده والله لأوريك يا صهيب يا ابن خالتي ...ثم بغضب: حيوان ده كفايه انه نام في نفس الاوضة اللي انا نايمه فيها بكل وقاحة الوقح ده اععع ...ثم امسكت هاتفها واتصلت علي ستيف
ايلين بحدة : ستيف عايزه معلومات عن صهيب العامري ..
ستيف بإستغراب: صهيب العامري ابن خالتك..
ايلين بغضب وغيظ:ايوه الوقح ده عايزه اعرف عنه كل حاجه من غير شوشره ..
ستيف بإستغراب : حاضر بس دلوقتي انا اعرف انه الصقر عشان كده هيبقي صعب شويه اني ابحث عنه من غير شوشره لأنه اكيد هيعرف ..
ايلين بهدوء:طيب خلاص يا ستيف انت بس خلي الخدامه تجهز هدومي انا وايسل وهاتها علي الفيلا هنا ..ثم اغلقت معه وجلست علي السرير
ايلين بمكر: الصقر غابت عليا ازاي المعلومة ديه عشان كده عرف اني هوقع العصير عليه ورد فعله كان سريع اذا لازم العب علي كبير عشان يتحداني كويس ويقرب مني ويقولي متلعبيش معايا يا شاطره انا بقي هوريه الشطارة علي اصولها الزفت ده وانا اللي محدش يرفع عينه في عيني اصلا ييجي يقولي كده ياربي هتشل ...ثم اخذت الملابس ودخلت الي الحمام ..