{الفصل_الثاني}
{#أقدار🌷}
"لم تكن يوماً إرادتنا هي من تُحركنا...هي إرادة الله ومشيئته وحده..أقدار الله تأتي لطيفة فأحسن الظّن..🌷"
_أصحي يا إيناس..من وصلتي ناايمة..قولته ليها بصوت مليان نعاس:- الساعة كم؟!..قالت لي 9 ونص..شايفة أنتي نايمة من متين..ليك حكاية تلاتة ساعات...قولته ليها :-والله مرهقة شديد...عاوزة حاجه مهمه أنتي!؟..قالت لي :- طبعا عاوزة أتونس معاك يااخي❤في حاجات كتيرة عاوزاك تحكيها لي واحكي ليك...قُمتا وحضنتها شديد..قولته ليها:-_ ح نتكلم ونحكي ونرغي لما تزهجي مني..هاا بابا جا من الجامعه!؟ قالت لي:- من بدررري...قولته ليها :- طيب أخد حمام ظريف كده وأجيكم..طلعت من غرفتي وهي بتبتسم لي وأنا رجعت أتغطيت ونمتا😂...
_وصلت البيت حوالي الساعة 6..من المدخل ما كان في صوت زول..دخلت لجوه وبرضو نفس الفهم.ماف زول في البيت..طلعت فوق علشان أرتاح في غرفتي..فجأه أشوف ليك كمية بوالين معلقة في الحيط..ومرمية على الأرض..وأمي وأبوي وأخواتي واقفات ورا تربيرة عليها كعك وباسطه وبسبوسه وأنواع كتيرة من الحلويات وسيرمسيين شاي/قهوة..رُمي جات حضنتني وقالت:- والله والله اشتقت ليك...رهف قالت لي:- وأنا والله والله زعلانة منك..بتفتح الشبكه خمسة دقايق وما بترد علي..اتصل بتقفل مني سرعه سرعه😂😂..قولته ليها :- حقك علي ياخي❤بس بكون مشغول بالونسة....سلمت على نغم وأمي وأبوي...و بعدين قعدتنا على جلسة الكراسي..رُمي قالت لي:- هل جبت لي الطربوش ولا ما هل؟؟...قولته ليها:-أمممم ما هل والله..لانو انشغلت والموضوع طلع من بالي..بس بشتري ليك كم واحد من هنا.ماعارف ليه ما عاجبنك..قالت لي:- م لقيت النوع الحلو هنا😭..رديت:- ح افتشو وألقاهو ليك وح يعجبك أنا واثق❤...بعدها شربنا القهوة والشاي مع الحاجات اللذيذة الموجودة وأغاني حمد الريح..دخلت غرفتي ونمت نومة طويلة..تقريبا ما صحيت إلا بصوت أبوي وهو بتناقش مع نغم في مواضيع سياسية كالعادة....
"على لساني"
_مشيت لماما وبابا في المطبخ ما لقيتهم ولا حتى الصالة ولا اي مكان..دخلت المطبخ عملت لي عصير ...بعد شوية جوو داخلين..قولته ليهم :- كنتوا وين؟؟..ومشيت على بابا حضنته مسافة❤..قال لي :- بتي السمحه..كيف كانت رحلتك..يلا أحكي لينا❤...قولته ليهم:- أممم ممتعه وجميلة خالص خالص...حقيقي استمتعت جداً بيها...قال لي:- طيب الحمد لله..ماما كانت بتمشي يدها على شعري وعيونا بتلمع..قالت:- ممكن عشاني..عشاني تكون دي أخر سفرة ليك!!..قولته ليها :- ليه!!؟..خايفة علي زي كل مرة صح..عموماً يا ماما ما تخافي..ما ح تحصل لي حاجه..بس عشان قلبك يبرد تاني ما ح أسافر براي.إلا معاكم❤...قالت لي:- أو مع راجلك...بابا قال ليها بزعلة:- وده منو كمان😒😒..قالت ليهو:- زعلاان ليه.عاوزها تقعد جنبك لما تنعس ولا كيف..قال ليها وهو ضاميني شديد:- نحنا متفقين من ناحية الموضوع ده..إنتي بس أطلعي منها😌...قالت ليهو:- اليشوفك اسي نافش ريشك قدامها..ما يشوفك وهي ماف...كويس بس كويس..بقيت أضحك ضحك...قولته ليهم:-_ م تتناقروا خلاص..أنا حاليا حاسة بجووع رهيب..ممكن تعملوا لي أكلة كده رهيبة!!؟...ماما قالت لي :- ح أعمل ليك بس أبوك ما ياكل معانا😂😂...!!
"على لسان حسّان"
"بعد مرور فترة قصيرة"
_نزلت شغلي وابتديت أضغط الموظفين لأنو كان الشغل متراكم جداً..أنا في محيط عملي حازم..ساعة الجد جد ساعة الهظار هظار...وسط زحمه المشاغل..جات في بالي❤كيف وليه ما عارف..العارفو إني أبتسمت أول ما أتذكرت تفاصيل وشها..لقيت نفسي داخل الفيسبوك ومنزل بوست:-
"ويلاه من عينا سمراوتي ويلاه...❤" وتحت عملت هاشتاق #الثُريا
%%%%%%%%%%%%%%%
_كنت قاعدة مع ماما في المشتل..هي بتمشي الزباين وأنا برسم لي في لوحه...كنت لابسة طربوشي وعلى الطرف خاته الالوان وكباية القهوه..."المشتل جنب البيت..فرقهم شارعين..كبير وواسع..من جوه خرافي جداً...كل نوع زهور متواجد في حته براهو..الاسماك قاعدة لجوه..والعصافير في بداية المشتل...أنا معلقة كم لوحه لي وحتى ملونة الطوب الأمامي والقُلل...لما تدخل المشتل بتشرقك ريحه الورود تحسها مُعطرة❤"...بعد خلصتا رسم..ماما قالت لي:- أرح البيت نفطر ونجي راجعين..قولته ليها:- طيب بس ثواني أنزل كم حاجه في الفيسبوك..قالت لي شنو؟؟...قولته ليها:-_ آخر شكل ديكور لغرفتي ما نزلتوو..ح أنزلو وألحقك...قالت لي:- طيييب..أقفلي معاك المكان كويس...بعد مشت...فتحت الفيسبوك ونزلت البوست في صفحتي وفي كذا قروب..ودي كانت أول مرة أنزل في قروبات...بعدها قفلت المشتل ولحقت ماما....!
لما جينا راجعين بعد الفطور بايعنا كم زبون..وبعدها جاتني رسالة في المسنجر...فتحتها وكانت محادثتنا كالأتي:-
السلام عليكم...
وعليكم السلام√
عايني أنا شفت شغلك في قروب() ودخلت صفحتك شفت باقي الشغل عجبني شديد..لو ما عندك مانع ممكن أخد رقمك ونتواصل علشان عاوزاك تعملي لي ديكور لغرفتي بنفس الفهم...قولتي شنو؟؟
صراحه انا ما حصل اشتغلت لزول بس يشتغل لنفسي وفي بيتنا وكده.أسفة شديد بس ما بقدر أشتغل ليك والله💔√
البت فضلت تحنس فيني قرابتن ربع ساعة..حتى في الاخر وافقت عشان ما اكسر خاطرها قولته ليها أوكي طيب ح اشتغل ليك❤اكتبي رقمك...كتبت لي الرقم..قولته ليها أسيفو بمنو؟؟ "سألتها لانها داخله ب بت صلاح الدين".قالت لي:- سيفي ب نغم....!
#نتلاقى∆∆
