{الفصل_الرابع}
{#وقد_كان🌷}
"طرقتٌ بابٌ قلبها وجلستٌ قرب الوتين..قرأت الفاتحة وخرجت وأنا مطمئن..الفاتحه بيننا🌷"
_طبعا أنا كنت في المطبخ..مطبخنا فاتح في الصالة وعليه فاصل زجاجي هم شايفنوا مرايا..وأنا شايفاهم❤بعد بابا قال جُملته دي بقيت أبكي وأقول الحمد لله..شوية وماما نادتني..شلت الكيك وشاي اللبن وطلعتا بكل ثبات..قلبي كان بضرب بشدة..حسان كان رايق وهادئ ورزين..ختيت الصينية على التربيزة وكنت راجعه..حسان قال:- يزيدني شرف يا عمي..ولو ماف مانع..أنا عاوز العرس يتم خلال التلاته أسابيع الجاية..خالتو قالت:- أيوة..عاوزين ناخد بتنا بعد كده..بابا حسيتو دمع...إستأذن منهم ومشى على إتجاه المطبخ..اتكلمتا معاهم شوية وكل ما أعاين لحسان يبتسم لي إبتسامة عريضة🌷...مشيت لحقتا بابا لقيتو ببكي💔..قلبي وجعني شديد..مسحتا ليهو دموعو وقولته :- إنت عارف أني ما بتحمل دموعك صح؟؟..ولو عاوز ممكن جداً أرفض وأكون قاعده معاك..بابا حلفتك بالله ما تبكي❤...حضني شديد وباس راسي..قال لي:- عادي عادي..دي حاجات لازم تحصل...أنا بس حساس شوية..ح أطلع أقدمهم وأجيك راجع.....
أتفقوا على شوية تفاصيل بسيطة وحددوا يوم تاني يجوا يتموا باقي الاتفاق🌷...بعد طلعوا ماما بقت تبكي وبابا بهدي فيها دموعه نزلت💔...منظرهم كان حزين شديد..."ألا يمكن أن تُخلد البنات في بيوت أبائهن؟؟.."..بعدها ماما مسحت ليهو دموعه..قال ليها:- أنتي زاتك بتبكي..ولسه دموعك جارية..مسحها ليها😂...قولته ليهم:- ما عارفة أقول شنو والله العظيم...الزواج سنة الحياة واي شي..بس لما اطلع من البيت ده ح أكون مكتئبة والله💔بابا قال لي:- لالا..أنا أطمنت عليك خلاص🌷...ربنا يسعدك ويهنيك يا بتي السمحه....!
"تتوالى الاحداث🌷❤"
_بعدها فعلياً أبتدت مراسم التجهيز للزفاف..كنت بمشي السوق مع ماما بشكل يومي...صحباتي جو من مصر وأول ما عرفوا جوني طوالي...عهد أقامت عندي عديل🌷..خالتو رُويدا وبناتها كانوا متواصلين معاي بالتلفون وقبل أطلب أي حاجه بلقاها عندي وعليها بوسة كمااااان🌻❤...أم عهد صحبتي عندها مركز تجميل كامل متكامل حلفت ما أمشي لوحده غيرهااا..وحتى طلبت من ماما إني أمشي ليهم في البيت مع عهد قبل العقد بيوم عشان ح تظبطني هناااك...أنا كنت مُصرة أنو العرس يكون في بيتنا وتحديداً الجنينة...وبما إني عندي فكرة في التصميم والديكور أستلمت زمام الامور وكنت بظبط كل حاجه براي..لحدي ما ماما قالت لي:- يا بت أنتي عروس..الارهاق والتعب ما كويس عشانك وبعدين ح تفقدي نورتك..شوفي شركه تنظيم ولا اي حاجه تهتم بالمواضيع دي..رديت عليها:- حاضر يا ماما..عندي أصحابي أتنين عاملين شركه بكلمهم ونشووف..قالت لي:- أي كده أحسن🌻...بابا كان بقعد معاي أطول فترة ممكن لما يرجع من الجامعه...بنتونس للصباح عادي..وكل ما يحين موعد العقد بابا بتجرس أكتر....أحلى ما في الموضوع أنو ماما كانت وزيرتي حبيبتي❤❤❤❤..كنت مبسوطة ألف والله العظيم..ما بين عوضي بحسان وعوضي بأخوات سماحه الدنيا فيهم..وعيلة تانية حنييينة🌻❤....
"عند حسان"
_فضل يومين للعقد...أنا مستعد جاهز سعيد وممتن للطف ربنا جداً..ست قلبي ح تبقى حلالي..كنا متفقين أنو العرس يكون في يوم والجرتق في اليوم البعدو...في مرة كنت بتكلم معاها وقالت عاوزة تاخد موافقتي في حاجه بدون ما أعرف الحاجه دي شنو...قولته ليها:- هاك موافقتي وأنا مغمض ما عاوز أعرف تفاصيل حالياً..قالت:- هي حاجه حلوة وح تعجبك بس ح تزعلك برضوو..قولته ليها:- إيناس ما تشتتي أفكاري...قلنا موافق شنوو تاني❤...قالت لي:- أمممم بحبك🙈❤...قولته ليها:- بحبك أكتر والله العظيم..هل تعلمي إني مجهز ليك مفاجأه يوم العقد..ح تعجبك وانا واااثق شديد...قالت:- دامها منك أكيد ح تكون مفاجأة عظيمة..المهم أقفل..أنا عاوزة اتونس مع بابا شوية..قولته ليها:- طيب حاضر..أفتحي الرسائل..في رسالة وصلتك..يلا تصبحي في قلبي❤.....!
_فتحت الرسائل لقيته مرسل لي:-
"وفي ليلة زفافِنا تزيني بِحُبي فقط❤..لا ذهب ولا ألماس ولا غيرهما...أريد أن أراك تتلوني بلونيتي يا ثٌّريتي..."
بقيت أبتسم براي..عهد شاغلتني بحواجبها..قولته ليها:- إتجاااوزيني 😭😭❤...قالت لي:- أسي أنا سألتك يا بت..مخير الله بس😂😂....
بعدها:-
طلعت ومشيت لماما في المشتل لقيتا بتعاين للوحاتي وعلى وشها إبتسامة لطيفة❤..قولته ليها:- ح تشتاقي لي طبعا طبعا..قالت لي:- جدياً ح أفقد صحبه وأخت قبل بت❤..السعد يرافقك محل ما تقبلي..يرضى عليك المولى وين ما تمشيي يا بتي❤..قولته ليها:- بحبك شديد شديد..قالت لي:- وأنا بحبك..كلها يومين وح تمشي لبيت تاني وحياة جديدة..خلي بالك من زوجك..احفظي وصوني في وجوده وغيابه..ما تخلي يوم يشكي منك أو يمل..وأحترمي أهله وقدريهم..أنا متأكدة أنك حتبقي زوجه عظيمة وأم أعظم..قولته ليها:- على فكرة يعني ماف أعظم منك يا الحبيبة وزوجه الدكتور وأم الغالية اللي هي أنا يعني🙈❤...بقت تضحك
وبقينا ناخد وندي في الكلام....!
"قبل العقد "الزفاف" بيوم"
_أنا وعهد شدينا الرحِال😂ومشينا بيتهم..أمها سلمت علي حلات سلااام...قالت لي:- عاد ماشاء الله..لونك نادر وحلووو..ربنا يحفظك❤..قولته ليها:- اللهم أمين..قالت لي:- بكرة من الصباح ح يجوا البنات هنا.."المساعدات"..ح اطلعك أحلى عروس..مش أعتمدتي الفستان القستي المرة الفاتت؟؟..قولته ليها :- أيوة..قالت لي :-بس تماااام..يلا البيت بيتك طبعا..أتصرفي بأريحية🌻❤..أولادي في البيت التاني..هنا قاعدين أنا وعُناب "أخت عهد الكبيرة"...يلا يا عهد أمشوا الغرفة أرتاحوا...عهد قالت ليها:- حاضر...بعد ارتحنا شوية ضربت للبنات جوونا..واتصلنا على أروى فيديو كول..والله بكت💔.قالت لي:- المسافات المسافات ما كسبت فيني خير ابداً...كان نفسي أكون وسطكم❤...بعدها هناء بقت تزغردت وتدق بالدلوكة:-
"يومة الزول أنا براي يجيب الزول أنا...
الاخدر العالي بمشيلو طوالي يمة..تاجر إجمالي..قصاد الهلالي💃🏼💃🏼💃🏼💃🏼💃🏼
لاقيتو في الشجرة يمة شايل كتاب يقرا...يمة قريت معاهو الحب يمة
لقيتو ود فقرا💃🏼💃🏼يمة...الخ"
اليوم كلو قضيناه رقيص ودق دلوكة وتصوير❤🌻....الصحبات اخوات فعلاً....!
بليل حسان نزل بوست كاتب عليه:-
"بعد غد ستشرق الشمس عندي..ستضئ قلبي..أغلقوا النوافذ فضوءها براق عالي....❤🌻"
"إتجاوزوا الاغنية🤣"
#نتلاقى∆∆
