{الفصل_الرابع}
{#وقد_كان🌷}
"فوالله ما أحبتتٌ أمراءه قط كما أحببتك..ووالله ما سرقت إحداهن قلبي كما فعلتِ..تالله إن القلب لك ولا يوجد شريك لك...🌷"
"في يوم من الأيام"
_صحيت من النوم متأخرة على صوت ماما وهي بتقول :- طيب أبداً ماف مشكلة..تشرفونا في اي وقت البيت بيتكم...الله يعافيك يا رُويدا🌷"..قولته لماما:- صباح الفل يا ست الكل..باستني وقالت:- صباح الخير على قريعه العسل السمِيحه الضواااية🌷...قولته ليها:- دي شنو السماحه دي من الصباح!!..فجأه حمرت لي وقالت:- أنا مقررة ما أتكلم معاك مفهوم..أنا أخر من يعلم...نسيتي إني أختك وصحبتك قبل أكون أمك..قولته ليها:- بسم الله في شنو يا كوكي🌷..قالت لي:- عارفة كنت بتكلم مع منو!!...قولته ليها:- أمممم..خالتو رُويدا...قالت لي:- كنا بنتكلم في موضوعك إنتي وحسان..جضمتني وواصلت:- هم مستعجلين على فكرة..عاوزين يجوا يزورونا في أقرب فرصة🌷..عارفة أنا شايلة هم منو!!..قولته ليها :-منووو!؟..قالت :-آدم..عامل زي الطفل..ح نتعب شديد لحدي ما يقتنع😂😂يعني تتخيلي ح يوافق بالسهولة دي؟؟..ختيت يدي في فمي ونزلتها:- واااي..ده شنو ثواني..يعني أنا كده خلاص ح أعرس وأمشي بيت تاني..وغرفه تانية..وما ح اشوفكم كل يوم؟؟💔..ماما قالت:- بطلي بطلي..كلنا قلنا كده وأهو استمرينا حلوين ومبسوطين...ختت يدها على شعري وعيونا دمعت :-ح تبقي عروس❤...وبعدها أم واخت وصحبة لاولادك..حضنتها قوي وقعدتا أبكي💔...ما كنت عاوزة أفكها..بابا جا لقانا بالوضعية دي...قال لينا:- عليك الله لو ما حضنتوني معاكم😂😂بس بدون دموع...أتفكينا وما ضحكنا ليهو💔..قال مستغرب:- للدرجه دي بقيت ما بعرف أضحكم..ها..خير البكاء شنو من الصباح؟؟...ماما قالت ليهو بإبتسامة والعبرة خانقاها:- حبيبتنا دي..ح تتزوج قريب🌷..طبعا بابا بقى يعاين لينا عشرة عشرة وبعدها طلع...قولته لماما:- كان تكلمي المساء..ثواني ألحقوو..نزلت من السرير وجرييت لحدي باب مدخلنا وأنا بكورك ليهو..مسكتو من يدو..أبا يلتفت علي..قولته ليهو بحنيه:- بابا..!..كل ما أحاول ألفتو علي يرفض...لحدي ما وقفت قدامه مباشرةً..لقيت وشو مليان دموع💔..لحظتها ما عرفتا أعمل شنوو..حضنته بس وكنت ساكته..قال لي:- أخخ يا بتي...ده اليوم الكنت خايف منو..صح كل بت مصيرها بيت زوجها..بس أنا ما عارف ح أتقبل الحاجه دي كيف!!؟...خليني أمشي الجامعه..ولما أرجع بعدين نتناقش...أبيت أفكه..قولته ليهو:- خليك اليوم💔عليك الله يا بابا...قال لي وهو بمسح دموعه:- طيب حاضر..فكيتو وابتسمتا..جات ماما بقت تتكلم معاهو كتيير في الآخر مسكت يدو وقعدتو في كرسي وجابت ليهو موية❤..أنا دخلتا جوه شلت تلفوني وإتصلت على حسان...🌷
"عند حسان"
_جاتني مكالمة من إيناس..رديت ب:- الثٌّريا🌷..قالت:- حسااان..أنت حكيت لأمك بالموضوع..أهلك عرفوا يعني..وخالتو رُويدا أتصلت على ماما..وحتى بابا عِرف..فهمني كده أنت عملت شنوو؟؟..قولته ليها بهدوء:- لو بس تهدي عشان أقدر اتناقش معاك...الموضوع بسيط يا ست قلبي..أنا جاهز وانتي جاهزة وأهلنا ليهم فترة كويسة بعرفوا بعض..ما وراك دراسة ولا غيرو..وأنا ما وراي غيرك❤ح نجي إن شاءالله نتقدم أول ما خالتي ترجع لينا بتلفون..ده كل الموضوع...سكتت ساي..قولته ليها:-كل حاجه ح تمشي تمام التمام صدقيني..ربنا يتم لينا على خير ويحبننا في بعض أكتر وأكتر🌷ويقدرني على سعادتك..وأكون واقف معاك في الحزن قبل الفرح...يلا يلا شوفي ح تخططي لعرسنا كيف!.كل حاجه في العرس ده عاوزك تعمليها بكل حُب❤..أي تفصيلة صغيرة تهتمي بيها..عشان أنا ما ح أتزوج مرتيين...قالت لي:- لو تعلم..أنا بحبك!🌷..رديت وأنا السعادة محتوياني:- لو تعلمي...أنا بحبك جداً...قالت بجدية:- على فكرة بابا عادي ممكن يرفضك..."وحكت لي موقف الصباح"...قولته ليها:- لو وافق طيب..ح تعملي شنوو؟!..ردت بعد تفكير:- أمممم ح نطلع أنا وأنت الحديقة ونلعب من الصباح للمساء❤..قولته ليها:- اااممم..فكرة كويسة..أتمنى الوضع ما يكون بالسوء المتخيلو "قصدو للحديقة وكده😂"...معناها من اسي جهزي نفسك عشان نطلع..ست قلبي!!..قالت لي:- حبيب روحها وحياتها🙈❤...رديت وانا مبتسم:- كان نفسي المكالمة تطول..عارفك ما شبعتي مني بس يلا ح أتصل عليك المساء تمام!!..في أمان الله🌷..وعلى كده قفلت الخط....!
