{الفصل_الثاني}
{#أقدار🌷}
"سألتني ذات مرة:- الدفء الذي يحيط بالعائلات. يمكن إيجاده عند أي شخص آخر!؟..أجبتها:- عندكِ فقط يا سمراءتي❤"
_أخدت نفس وجات واحدة من البنات ماشة على إتجاهي..قالت لي:- أنا نغم..كيفك كويسة!؟..قولته ليها:- الحمد لله...ضيفتني لجوه شوية...رهف سلمت علي وجات أمهم طالعه من المطبخ..قالت لي:- أهلا أهلا يا بتي كيفك؟؟..قولته ليها:- في نعمه وانتي يا خالة!!..قالت لي :- الحمد لله..عاوزة أقول ليك أنك مبدعة مبدعة بمعنى الكلمة..إتفضلي أقعدي أخدي راحتك..قعدتا بتهذيب في الكرسي..جابوا لي موية وبعدها عصير ومعاهو كيك..نغم قالت لي :- نطلع تشوفي الغرفة!؟ قولته ليها:- طيب يلا...طلعتا معاها فوق...غرفتها كانت ألوانها هادئة ما صارخه..وتفاصيلها تحسها من الطراز القديم...قالت لي:- عاوزاك تشتغلي عليها شغل رهيب..عاوزة ألوان فرايحية..ووو...الخ..كانت بتتكلم وأنا بسجل في دفتر الملاحظات..كتبت كل حاجه قالت عليها🌷أخر حاجه قالت لي:- بعد كده ضيفي لمساتك الخاصة وأنا واثقة أنو غرفتي ح تكون ولا أحلى..قولته ليها:- طبعا إن شاء الله..بعدها نزلنا تحت..شربت معاهم القهوة...وهم قاعدين يتونسوا ويضحكوا مع بعض كنت بقول من جواي يا بختهم يا بختهم🌷...أنا أتحرمت من النعمه دي بس أكيد عوض ربنا ح يكون جميل وينسيني كل لحظة قضيتا بدون أخت...بعد حوالي ساعة ونص قولته ليهم :- أنا لازم أمشي..أمهم قالت لي:- أقعدي يا بتي مونسانا ياخي❤..رديت:-الجايات أكتر يا خالتو...وشكراً على القعدة الظريفة دي..رهف قالت لي:- ح تجي هنا كل فترة صح..قولته ليها :- ايوة وح احاول اخلص ديكور الغرفة بسرعة...نغم مشت معاي لحدي الشارع..قالت لي :- لو إحتجتي اي حاجه اتصلي علي..وعلى كده رجعت البيت...لما وصلتا كنتا حاسة بحمى وصداع..لقيت بابا...وماما كانت في المشتل..أول ما سلمت عليه قال:- جسمك سخن كده ليه يا إيناس؟؟..تعالي معاي..قعدني على كرسي ومشى المطبخ عمل لي عصير ليمون بارد...شربني ليهو وبعدها قال لي:- أطلعي غرفتك..استحمي حمام بارد وأرقدي نومي..شكلك مرهق شديد والله..قولته ليهو:- ما عارفة من شنو..ح أرتاح واصحى كويسة..قال لي :- طيب....
"بيت أسرة حسان"
_المقال شاذ عديل يا بابا..لو تعرف لقى قبول قدر شنو بين الشباب في السوشيال ميديا ح تنصدم والله...قال ليها:- يارب يأثر فيهم...عارفة يا نغم كل مرة بكتب فيها مقال ما بحسه..بس المقال ده بذات الأقرب لقلبي🌷عشان كده أنا ربيتكم على الثقافة القديمة والفنون والطرب الاصيل والمطالعه والتاريخ.عشان محل ما تقعدوا تكونوا ناس فاهمين البتقال قدامكم❤ناس راكزة وواعية...ردت نغم:- جد الحمد لله على النعمة دي..ما قادرة أستوعب أنو في ناس ما بتقرا غير كتب الجامعه وما مهتمين بالجوانب التانية...قال ليها:- كتاااار..و الواحد أول ما تناقشه يقول ليك الظروف والبلد ما مساعدة وكلام كتير فاضي...لو يعرفوا بس إنو المشكلة فيهم هم ك شخص ك فرد..وقتها ح يتغيروا ويغيروا الحواليهم وحتى البيئة ح تتغير وتبقى أفضل...🌷..جيت داخل البيت وانا بتكلم بالتلفون وبقول :- لا والله كلهم كويسين..ههه أي قولي نازلة عشان أشتقتي لينا بس..عموماً تصلي بألف سلامة..تمام..في أمان الله❤...قبل أتكلم..نغم قالت لي:- خليني أخمن..دي عُلا..عُلا صح يا حساااااان😍...قولته ليها:- هههههه لا ماشاء الله عليك نبيهه..أيوة هي..نازلة السودان بعد فترة...أبوي قال لي:- أنت كده جبت العيييد..توصل بألف سلامة إن شاء الله...جات رهف قالت لأبوي :- أسمع يا أستاذنا الخاطرة الكتبتها دي...احم احم:-
