{الفصل_الرابع}
{#وقد_كان🌷}
"تركتني جنتي خلفها...أرتفعت وعانقت عنان السماء🌷"
_وصلنا بيتنا..حسان قال لي:- انا عاوز أعمل مكالمة بخلص وبلحقك..قولته ليهو:- طيب...من المدخل بكورك يا بابا ماما..بابا..يا حلووين..وين انتو!!؟..أنا جيييت❤..وصلت الصالة ووقفت شايفة بابا راقد في رجول ماما وببكي بصوت عالي...ما عرفتا أمشي خطوة لقدام ولا أرجع وراا..عقلي وقف تفكير وضربات قلبي ماشة في تزايد وعيوني مثبتاها عليهم بدون أرمش أو يتحرك لي ساكن...سامعه بابا بقول:- كوثر..اصحي..كوثر ما تخوفيني..قومي الله يرضى عليك..ما تحرقيني بالطريقة دي يا كوثر...يا كوثر قومي ايناس جاية بعد شوية...كوثر قومي مش جهزتي البيت واي شي لبتك..اسي لمن تجي ح اقول ليها شنو..أقول ليها أمك ماتت..لا لا لا حلفتك بالله تصحي..جبت ليك الحبوب والموية اسي ح تبقي كويسة...كوثر ما تكسريني...انا اعمل شنو بعدك...قولي لي...
ختيت يدي على قلبي وبقيت ضاغطه عليه وبفتش للنفس تفتيش💔صرختا صرخه واحده :- مامااااا..حسان جاا جاري من برة وبابا ألتفت علي ودموعو مالية وشو...جريت وقعدتا جنب رجول ماما وبقيت ماسكاها وبرجف...بابا مسكني وبقى يبكي فيني..حسان كان واقف وبعاين لينا...بعدها بقى يقول أنا لله وأنا إليه راجعون💔...قومتا من الارض بصعوبة ورقدت في حضن ماما...وبقيت أقول ليها:- ماما اصحي..ماما أنا جيت..كيف يعني تمشي وتخليني...اصحي عايني لي..نحنا في حاجات كتيرة لسه ما عملناها..تفاصيل كتيرة ما عشناها..ماما انا كنت مشتاقة ليك والله العظيم كنت متلهفة لشوفتك وسماع صوتك...اصحيي...بابا زحاني منها وحضني وبقى يبكي...قولته ليهو:- يا بابا ياخ ما تبكي..قول عاملين فيني مقلب ولا اي شي بس ما تقول ماتت...بقيت ماسكه فيهو شديد وبصرخ بطول حسي ما تقول ماتت ما تقول ماتت💔قريب ساعتين نحنا على الوضع ده....
"على لسان حسان"
_كانت صدمة كبيرة وقاسية وفاة الخالة كوثر💔..الطب الشرعي أثبت أنو الوفاة طبيعية...يعني موت مفاجئ💔اللهم أجرنا من موت الفجأه...البيت أتزحم بأهلهم وقرايبهم ومعارفهم..حتى اهلي جوا وكانوا متأثرين جداً وحاولو يواسوا إيناس بس هي كانت ساكتة وسرحانه وحتى ما بترمش...رهف حمتها وغيرت ليها ملابسا عشان تمشي وتاخد رضا أمها..حتى بعد دخلت ما بكت خالص..بس باست راس أمها وطلعت طوالي غرفتها💔...طول اليوم الناس بتبكي وعم آدم ماسك نفسه بالعافية وواقف في عزاء مرته💔...لحدي بليل صحبات إيناس جوها..برضو ما بكت..دخلت في حالة صدمة..قرروا مبيت وأمي وأخواتي كذلك..صور الخالة كوثر مع إيناس مالية البيت💔محل ما تلتفت بتشوف ليهم صورة مع بعض..كنت قاعد برة...إيناس جات طالعه ما لابسة طرحه ولا أي شي..وكانت ماشة على اتجاه المدخل..مشيت عليها ووقفتا :- إيناس ماشة وين بليل !؟ تعالي اطلعي غرفتك وارتاحي..اتفكت مني بعصبية وواصلت مشيها..أقرب طرحه لقيتا قدامي شلتها وطلعتا وراها...مشت على اتجاه المشتل..دخلت وكانت بتعاين في كل ركن فيهو💔..قعدت في الأرض..إتوقعتها تبكي بس ما بكت💔عرفت إنها مكبووتة شديد...قعدتا جمبها وضميتها وقولته ليها:- إيناس الله يرضى عليك أبكي...أنا عارفها صدمة وصعبة شديد عليك بس الموت علينا حق..كلنا ح نموت..زحتني منها ورجعت البيت...
__/__/__/___
__/___/___/__
_رجعت غرفتي وقفلت علي الباب..ماما هنا❤حاسه بيها قريبة...شامة ريحتها وشايفة إبتسامتها...شلت ألبوم صورنا من وأنا عمري 5 سنوات لحدي ايام عرسي..أخر صور لينا مع بعض💔...كل صورة ماما بتعاين لي وعيونها فيهم حب...كل صورة بتحكي ألف حكاية..كل صورة فيها أنا وصحبتي حبيبتي أقرب واحده لقلبي💔..مشيتنا المشتل سوا..نومنا سوا..ونستنا..لعبنا..الصور..الفيديوهات...كل حاجه هنا..بس ماما وين💔؟؟؟؟..ضميت الألبوم ورقدتا في الارض...هي الليلة في حته تانية...مشت بعيد..أنا من شدة ما قادرة أصدق..ما عاوزة أشوف بابا نهائياً..بشوف فيهو ماما وحبه ليها وتفاصيلهم سوا💔....!صحباتي كل واحده بتبكي فيني وانا ما حاسة بشي..خالتو رُويدا وبناتها..أهلنا كلهم💔..ببكوا كيف؟؟ يعني هم مصدقين..طيب انا ليه ما قادرة أبكي💔...!؟
{بعد مرور أسبوع}
_مر أسبوع على وفاة الخالة كوثر...كل الناس تقريبا مشت..ما فضل غير أمي ورهف وعهد صحبة إيناس💔وطول الاسبوع إيناس وأبوها ما إتلاقوا..كل واحد خايف من ملاقاة التاني...ما كانت بتاكل كويس ولا بتشرب كويس ولا حتى بتنوم ولا بتتكلم...معظم يومها بكون ما بين غرفتها والمشتل💔...أنا خفت عليها بالجد..ابوها كان شايف حالتها بس ما عارف يتصرف معاها كيف لأنها بتتفادى تشوفو...كنت بمشي الشركة ساعتين في اليوم بس وبرجع لإيناس اللي طبيعي سرحانه وماسكه تلفونا بتعاين للفيديوهات...لحدي ما في يوم صحينا على صرختها...أنا وعم آدم جرينا جري لقيناها واقعه في الارض...شلتها وطلعنا بيها على المستشفى...أخدت ساعة في الغرفة مع الدكتور..لما طلع صارحنا..وقال إنها أتعرضت لضغط نفسي كبير وصدمة عصبية...عاوزة معاملة خاصة يتعاملوا بيها معاها لحدي ما تعدي المرحلة دي❤...عم آدم قال ليهو:- طيب نحنا ممكن نوديها مصح يعني ولا نعمل شنو..يا دكتور أنا من فترة خسرت مرتي..وما عاوز أخسر بتي💔...قولته لعم آدم:-مصح شنو..لا مستحيل أدخلها مصح...دكتور وريني بس اللازم شنو والمفروض أعملو عشان ترجع كويسة!!..الدكتور قال لي:- أنتو بتقولوا خسرت أمها..يبقى لازم تبعد من البيت واي حته بتذكرها بيها..تمشي مكان جديد..فيهو حياة يعني طبيعة ألوان..تخلوها تسمع قرآن أو موسيقى تهدئ الاعصاب..شوية شوية تحاولوا تتكلموا معاها..وبإذن الله مع مرور الوقت ح تستعيد عافيتها❤..وكتب ليها على شويه ڤايتمينات...!
_كنت خاته ألف عذر لبابا لما قال يدخلوني مصح نفسي لأنو ما حابب يخسرني وما حابب يشوفني في الحالة الأنا فيها...حسان قرر أنو يسوقني بيتنا أنا وهو..بموافقة من بابا...ما كنت فاهمه شي..هو الرتب الشنط ولبسني وقبل نطلع قال لي:- أبوك في غرفته..ما نفسك تشوفي وبعدين نمشي؟؟...واصلت مشي لحدي ما ركبتا العربية..هو لحقني بعدها...! طلع الشنط العربية ودورها واتحركنا...وصلنا..ماركزتا مع شكل البيت ولا المنطقة..كل العملتو وقفت قدام المدخل اول ما نزلتا.....دخلنا البيت جوه...حسان دخلني غرفة كده..قال لي:- دي غرفتنا طيب...بس أنا ح اخليك ترتاحي فيها براك وح انوم في الغرفة التانية...قرب شوية وباسني في راسي🌷بعدها طلع...!..قعدت على السرير...تلفوني أتصل كان بابا..صمتا التلفون ورقدتا بعبايتي...ما كنت قادرة أنوم...كل ما أغمض بشوف ماما قدامي مبتسمة لي💔..طلعت من الغرفة ومشيت على اتجاه الباب..قعدتا في الجنينة البرة وضميت رجولي علي...مهما كتِروا الناس حوالي ماشايفاهم...حاسة نفسي وحيدة في العالم ده...ماما كانت عالمي🌎❤....!
#نتلاقى∆∆
