{الفصل_الرابع}
{#وقد_كان🌷}
_قفلت الدفتر ومسحت دموعي...أبتديت أفكر ح اعمل شنو لقدام..المفروض يحصل شنو...طريقة حياتي الما فيها أمي ح تكون كيف ؟؟ بس وقتها قلت لنفسي :- أمك محشورة في تفاصيلك يا إيناس❤هي مستنياك تعملي حاجات كتيرة...أولها تصبري أبوك...وقفت على حيلي ورجعت البيت..من دون مقدمات إستأذنت من حسان إني أقعد مع بابا فترة وبعدها أرجع بيتي + عاوزة أظبط المشتل من اول وجديد..حسان قال لي:- ما محتاجه تاخدي إذن...أعملي اي حاجه ممكن تحسن نفسيتك وتخليك جنب ابوك❤ وأنا كل يوم ح أجي أطمن عليك...يلا سلام عليكم...قدمناه مع بابا لحدي برة ورجعنا...بابا قال لي:- عاوزة تعملي شنو بقعدتك معاي!! قولته ليهو :- بابا نحنا محتاجين نقيف جنب بعض الفترة دي والجاية..ما ح ننسى ماما اصلاً بس ح نتعود على الحياة بدونها...وأعمل حسابك إنت من بكرة ح تنزل الجامعه وتواظب على محاضراتك وشغلك..عاين لي وابتسم ابتسامة لي زمن منها وقال:- حاضر...خلي بالك إنتي بس من نفسك وأنا ح ابقى كويس..ما فضل لي زول في الدنيا دي غيرك❤..!
"صباح اليوم التاني"
_صحيت أغتسلت وصليت الصبح حاضر..وبعده ركعتين وقعدتا ادعي لماما كتييير شديد لحدي ما الشمس شرقت..بعدها مشيت صحيت بابا..ودخلت المطبخ عملت الشاي...رجعت لبابا لقيتو عاوز يلبس وهو ما حالق لحيته قولته ليهو:- ثوان ثوان..مسكته من يدو ودخلنا الحمام..ظبطت ليهو لحيته وقصيت الشارب...وبستو في راسه❤..لقيتو مدمع..قولته ليهو:- بابا الله يخليك امسك نفسك...يلا البس بعد كده الشاي جااااهز..أنا طالعه المشتل..اتجهز واغشاني قبل تطلع على الجامعه..هز لي راسه...كنت لابسة اكتر لبسة ماما بتحبها علي..فتحت المشتل وفتحت شبابيكه وخليت الهواء يتجدد..كنسته ومسحت الاتربة اللي عليه..رتبت القلل واكياس البذور...بابا جاا باس راسي وودعني...بعدها غيرتا موية الاحواض حقت الاسماك❤واخيراً...مشتل ماما يفتح النفس زي زمان...ابتديت ارسم والناس بتجي وهكذا..وكم نفر من زباينا بجوا يتصدموا بوفاة ماما💔...لحدي العصر كده حسان جاني...سلم علي وشاف المشتل..قال لي:- المشتل بقى فيه حياة..قررتي تفتحي طوالي!؟..قولته ليهو :- أيوة...وعاوزة أعمل مُبرد موية قدامه وكل شهر القروش البتطلع منو بتبرع بيها..اساساً ماما كانت فاتحه عشان تقضي زمن..ربنا يرحمها ويغفر ليها...❤...في نفس اليوم المساء أنا وبابا زُرنا قبر ماما🌷....!
"بعد مرور اسبوعين من الحاصل فوق👆🏻"
_طول فترة الاسبوعين المروا..كنت موجودة مع بابا ومهتمية بيهو الف...نفسيتي أتحسنت كنت بدل أبكي بطلع صدقة لروح ماما او بعمل كرامات...ما كنت بفوت ثانية في إني أذكرها في دعاء❤..إتيقنت شديد وحاسة إنو ماما ح تكون في جنة عرضها السموات والأرض..ح تكون مبسوطة شديد..هو شخص جنب ربنا ح يكون زعلان؟؟..ربنا لطيف بعباده أكتر مننا...ماما ما غالية ابداً على ربنا...روتين حياتي بقى معروف..الصباح في المشتل..العصر بمشي اي مكتبة قريبة اقرا شوية وارجع..المغرب حسان بجي يحكيلي تفاصيل يومه ويرجع..وبابا؟؟..بابا كان لسةالموضوع مؤثر معاهو..بس وجودي جنبه خفف عليه حاجات كتيرة...في يوم جاا راجع وشايل برواز صورة كبييييرة مغلفة..قولته ليهو:- جايب لي هدييية صح؟؟..قال لي:- واحلى هدية..بس ما ليك..للبيت كله...شرط الورق المغلف وظهرت صورة ماما يوم عرسي💔....قعدتا ابكي..بابا علقها على حائط مما تجي من برة بتشوف الصورة واااضحه قدامك...ملامحها الهادئة وابتسامتها الحيوية❤...معقولة هي بتتنسي!!؟....كنت بزور دار المسنين كل فترة مع حسان و كل خميس عندي زيارة لملجأ ايتام❤....أخوات حسان وصحباتي وخالتو رُويدا كانوا طبيعي بسألوا مني...ما بعدي يوم إلا والقاهم متصلين لي....❤
في مرة كنا بنتغدا أنا وبابا..قال لي في نص كلامنا:- إيناس..ما شايفة أنك هاملة زوجك اخر فترة وبسبببي.!؟..قولته ليهو:-اممم بس هو ما شكى..اكيد متفهم نقطه إني عاوزة أقعد معاك فترة...قال لي:- يا بتي الراجل مننا ما بشكي..يعني انتي ما شايفة نفسك مهملة...هو اكيد ما ح يجي يقول ليك يلا نرجع..لأنو ود اصول ومقدر الظروف النحنا فيها...بس لحدي هنا وكفاية...من بكرة ترجعي بيتك❤..مش أطمنتي علي..عوجه بتجيني تاني ماف🌻❤...!
بعد يومين من كلامي مع بابا اتصلت على حسان وكلمته إني عاوزة ارجع البيت وكده...قال لي:- طيب بجي بسوقك المساء...بابا فرِح بقراري..ووعدني إنو كل يومين ح يجي يزورني..وانا كل خميس ح امشي أبيت معاهو🌻❤
"على لسان حسان"
_الثٌّريا رجعت بيتها من جديد ونورته...إتعشينا واتناقشنا في كذا موضوع بعدها مشت الغرفة عشان تنوم...دخلت بعدها عشان اجيب لي غطاء وكنت طالع..إيناس قالت لي:- حسان..قولته ليها:- أيوة يا بت قلبي...قالت لي:- ما ف داعي تنوم في الغرفة التانية..تعال نوم هنا...قولته ليها:- طيب حاضر بس اشرب موية واجيك...طلعت ورجعتا ليها بسرعة...رقدتا جنبها سحبت يدي ختتها على راسها..سلمت عليها في راسها وفي خدها...غمضت عيونها وناامت مبتسمة🌻❤...
"ستمر ليالي وأيام وسنين..سأظل حسانك وتظلين أجمل ثٌّريا نِلتُها...❤"
#نهاية_الفصل_الرابع {#وقد_كان🌷}
نتلاقى باكر بإذن الله في الفصل الخامس والاخير:-
#ثمار_الحُب❤...بحتوي على خمسة حلقات....لنا لقاء..!
#نتلاقى∆∆
