{الفصل_الثالث}
{#تلميحات_ما_قبل_الريدة🌷}
"مازلتُ أتذكر شكل الحناء على يديك والجدلة فوق راسك وتلك الإبتسامة التي ملأت حياتي حياة...🌷"
"عند حسان"
_بعد ما إيناس طلعت من الواتساب عرفتها تكون بتحاول تستوعب أنا بقول في شنو ومن حقها..لما جات في بالي فكرة الأحرف دي كنت حاسس بميول كبيير ناحيتها..وحاسس أنو هي كمان عندها لي حاجه فوق الحب...حب🌷..بقيت ماشي وجاي في الغرفة وما عارف أعمل شنو..هل التوتر الأنا فيهو ده كلو تسببه لي أنثى سمراء لا حول لها ولا قوة..بس جاا في بالي إني من الاساس أسِير عينيها...شلت تلفوني وبقيت بحاول في رقمها مرة واتنين وتلاته حتى ردت بصوت مبحوح:-ألو...قولته ليها ممازحاً:-- ست قلبي🌷كنتي بتبكي؟؟..عايني أنا ح أعقد بعد شهر بس لو مستعجلة ممكن نعقد الاسبوع الجاي..كلو ولا دمعه تنزل منك..زادت في البكاء..رديت بجدية:- إيناس آدم...قالت لي :- حسان صلاح الدين...قولته ليها:- أنا بحبك ولو ما واثق في حبي وحبك ما كنت طلبت منك نتوجه رسمياً..إنتي ما تستاهلي إلا الحلال🌷...بقت تبكي وقالت:-أنت كيف تعمل كده..كان غالبك تقولا لي عديل في وشي..قولته ليها:- طيب بس أفهم إنتي بتبكي ليه؟؟..قالت:- عشان لي يومين بحاول أحل اللغز ده وطول اليومين ديل إنت كنت حارمني منك💔.."كيف هيِّ الأيام بدوني"..رديت. :- الأيام بدونك يا ثٌّريا باهته بلا ألوان..نبطل بكى يلا..أمشي غسلي وشك بكرة ورانا مشوار..ح نتلاقى وسط الكتب في مكان رائحه القهوة بتفوح منه..وجلسات ثقافية..عرفتي المكان صح ؟؟..قالت :- أيوة أيوة..قولته ليها:- بكرة الساعة 12 ظهر لحدي 4 نحنا ح نكون هناك سوا🌷...نومي وإنتي مطمنه..نومي وأعرفي أنك الأولى الاخترتها بعقلي قبل قلبي...وأعرفي أنك بت قلبي وثٌّريتي 🌷..بعد كده قفلتا...!
"في بيتنا"
_بعد الكلام بقى واضح قدام عيوني..قفلت الشبكه وبقيت أبكي...بكيت بكى..أيوة أيوة دي،دموع فرح أنا بحب حسان..بحبه؟؟..أنا تقريباً وصلت مرحلة الهيام وأنا ما حاسة..كيف متين ليه؟؟..كلها أسئلة في الحب إتولدت بلا أجوبة🌷لحدي ما اتصل علي وكنت لسة ببكي وهو مُصر يضحكني...كل كلمة بتطلع من حسان بتخطفني بعيييد وما بترجعني...إتفق نتلاقى...اللقاء الاول بين عاشقيين❤..ح نتلاقى في أفضل حته في العالم....بين الكتب🌷...بعد غيرتا ملابسي ورقدتا..حاولتا أنوم ما قدرتا...وفجأه حسان إتصل كانت الساعة 9...رديت ب:- حسان...قال لي:- حسيتك ما نايمة..إنتي كويسة؟؟...قولته ليهو:- ما قادرة أغمض عيوني أصلا..قال لي:- طيب عايني..أفتحي كتاب ليطمئن قلبي الصفحه رقم ()..السطر الخامس...قمتا من السرير طلعتا الكتاب وفتحته..بقيت أقول ليهو:- يا الله❤❤..قال لي :- وشوفي نهاية السطر الثامن...قولته ليهو:- حسساااان😭😭...قال لي:- يلا ممكن بعد كده تنومي!!..قولته ليهو:- طيب حاضر..قال لي:- في أمان الله وقفل🌷...
العبارة الاولى كانت {كنت أنتظرك كجنين ينتظر روحه ليكون شيئا🌷}
العبارة التانية كانت {الحب هو السارق الوحيد الذي لا نوصد الباب في وجهه🌷}
