{الفصل_الثاني}
{#أقدار🌷}
"السوداوية تملأ الارجاء..لون رمادي يحجب الرؤية..الكآبة تحيط الكون..لكنني وسط كل هذا الخراب...رأيتك يا ثُريا❤"
"بيت أسرة حسّان"
_ماما عايني الغرفة دي ديكورها جميل كيف؟؟..الأم شالت التلفون وبقت تتفحص الغرفة من خلف النظارة بعينين ضيقتين وقالت :-ماشاء الله ماشاء الله..الديكور ظريف شديد..منو العاملهُ؟؟ قالت ليها واحده في الفيسبوك وأخدت رقمي..طلبت منها تعمل لي ديكور لغرفتي..قالت :- لو الشغل
عجبني ح اطلب منها تعمل لي ديكور لغرفتي...ردت نغم:- م أعتقد توافق لأنها أساسا ده ما مجال شغلها..يعني هواية عندها تقريبا..أنا وافقت لي بعد تحانيس والله..قالت ليها :- ما مشكله أنا بقنعها..لأنو شغلها يستاهل بالجد...❤
"في المشتل"
_سيفت الرقم ومشيت وقفت جنب ماما..كلمتها بالموضوع وكده..قالت لي :-حلووو احسن تلقي ليك شغل يشغلك وما تسافري نهائي...ختيت يدي على كتفها "طبعا هي قصيرة وحلبية😆..انا بس شايلة منها الملامح"..قولته ليها:- إنتي أم عسل شديد على فكرة😂😂كده نتصل على البت ونشوف..إتصلت على نغم..شكرتني أول حاجه بعدها بقت تتكلم معاي عن الألوان العاوزاها في الغرفة والإضافات وكده..قولته ليها:- عايني أنا بقدر اجيك متين علشان أشوف الغرفه وأباشر شغل!!..قالت لي :-أي وقت حبيتي..حتى لو أنا ماف...ماما هنا وح تهتم بالوضع...قولته ليها :- طيب تمام...وعلى كده قفلتا...ماما قالت لي :- يارب من الشغل ده تلقي شغل تاني وتالت لدرجه ما تفضي حتى تسافري أو تطلعي حته بعيدة...قولته ليها :- عشان عيونك بس اللهم أمييين😂❤...وبعدين ما أديتيني رأيك في الرسمة!!..قالت لي :- أنا سلفاً إنتي عندي غير إعتيادية..ولو في شخص بحب تفاصيله كلها بعد آدم فهو إنتي❤..قولته ليها:- ماما م تتخيلي أنا مبسوطة كيف...صح احيانا كتيرة بتمنى وجود أخوات في حياتي..بس لما بشوفك ونقعد مع بعض وندردش..بحسك أختي أختي..فاهماني إنتي؟؟..قالت لي :-_ فااهمااك...عايني الكلام ما ياخدنا لبعيد..أقيفي مشي الزباين.وأنا ماشة أتصل لأبوك أشوفو فطر ولالا؟!..أكيد بكون مستني مني تحذير وهرشة..قولته ليها:- لا قصدك كلمتين حلوات ووصية مُحِبة...❤
"بيت أسرة حسان"
_رجعت البيت المساء بعد يوم شغل طويل ومُتعِب..سلمت على أمي وأبوي.."اللي كانوا قاعدين في صالة الضيافة الخارجية..أمي ماسكه مجلة نسائية..وأبوي ماسك كتاب بتكلم عن السياسة والتاريخ القديم..."..أبوي قال:- اها يا إبني..إن شاء الله شغلك لقيتو ماشي كويس!؟..قولته ليهو:- يعني الحمد لله..رغم إنو الموظفين كانوا شوية متكاسلين بس الامور ماشة تمام...أمي قالت لي:- حسان يا ولدي لو يوم الخميس الجاي ما عندك شغل كتير عاوزاك تمشي معاي نجيب عصافير مُلونة وأسماك...رديت:- ما طلبتي حاجه يا ستهم❤حتى لو الشغل فوق راسي أنزلو وأمشي معاك مكان ما عاوزة...قالت لي بإبتسامة رضا:- الله يرضى عليك يا ولدي❤..قولته ليهم :- بعد إذنكم..طالع فوق أصلي وارتاح..قالوا لي:- إتفضل....طلعتَ فوق إطمنت على أخواتي وكنت جايب لكل واحده نوع من أنواع الشوكلاته البتحبها...بعدها دخلت غرفتي صليت ورقدت شوية..بعد صحيت إتصفحت ونزلت لي بوست عن "الثُريا"...
"أُعانقها كل ليلةٍ في اللا مكان..أستنشق عطرها ولا أتردد في ضمِها إلى صدري مرات عديدة..كانت ذكرى عابرة..صدفة قدرية رائعة..فليمنن علي القدر برؤيتها ولو لبضع ثوانٍ❤🔄"
#الثُريا..
التعليقات كانت كتيرة جداً..وكلهم بتهموني بالإصابة بمرض الحب..لو يعلموا..أن الحب دواء لا داء....!..بعدها فتحت الراديو وبقيت استمع لبرناجي المفضل...
"في بيتنا"
_بليل إتفقت مع نغم إني ح أزورها بكرة المساء عشان الصباح ما عندي طريقه..رحبت بي ورسلت لي العنوان..ما بعيد مننا❤...مشيت لبابا اللي كان في الصالون بسمع أغنية لعمالقة الفن السوداني..منطرب شديد..قعدت جنبه وكلمته بموضوع الشغل..قال لي شئ جميل..كل حاجه حسيتي إنها بتضيف ليك ما بتنقصك أعمليها وأنا وراك...بستو في راسو وقولته ليهو:- لو تعلم بس يا بابا إنك أعظم شخص في حياتي..وأكبر تفاصيلي الحلوة...قال لي:- أجل أعلم😂😂..ماما جات قالت لينا بعتاب:- دايما بتتوسوسوا من دوووني!!..بابا قال ليها ونحنا نقدر كمان..تعالي تعالي...قالت ليهو:- لالا..ارح نطلع بره في الجنينة..عاملة ليكم جو حلو ومنها نلعب لعبة الورق❤..بابا قال ليها :- معروفه إنو بت أبوها بتغلبنا😂..أرحكم طيب...طلعنا برة والجو كان نسيمه عليل وهادئ..لعبنا كم مرة وطبعا طبعا أنا الفزتا عليهم😌❤...
اليوم التاني طلعت مع البنات مشينا لأروى علشان مسافرة وكده..قضينا معانا اليوم لحدي الساعه 4 أنا طلعت منهم وأتوجهتا لبيت ناس نغم...ماما كانت بتتكلم معاي لحدي ما وصلتا...اتصلت عليها قالت لي:-خليك ماشة طوالي..بلقاك بيت من برة الحيطان لونها رمادي..قولته ليها:- شفتو..طيب جاية عليه...مشيت ناحية البيت ودخلتا..ضربت الباب الجوه..فتحت لي بنوتة بتكون في عمر ال16/17.سلمت علي سلام حلو وضيفتني...كانت ماشة قدامي وهي بتقول:- رهف ثواني ياخ ما تأكلي إلا أجهز باقي الحلى...قالت ليها وهي مطلعه لسانها:- لا خليني..بالله إنتي بتعرفي تطبخي وأنا لا..كانوا قاعدين التلاته بنات في محل ضيافة لذيذ..وكل واحدة بتعاين لأختها بفرح كده ومكاوة ليها معنى أخوي❤..منظرهم خلاني أرجع تاني وأتمني يكون عندي أخوات...
#نتلاقى∆∆
