للروح حسّان

٢٨

#للروحِّ_حسّان28

      {الفصل_الخامس}
                             {#ثِمار_الحُب❤}

_ختيت يدي فوق يدو وقولته ليهو:- أيوه حامل..حامل يا حسان❤...ضماني عليه شديد وقال لي:- مُبارك علينا..ما تتخيلي انا مبسوط قدر كيف؟!...الحمد لله يارب الحمد لله...قولته ليهو:- لو جاا ولد ح اسمي مؤمن..ولو بت..كوثر❤..قال لي:- من حقك تختاري اسماءهم..الأهم من ده كلو. الطفل يجي بصحه وعافية❤...بعدها مشى أتوضا وصلى ركعتين..جاا لقاني واقفه في المطبخ..جراني ناحيته براحه وطبع بوسة على راسي..قال لي:- ما قادر أصدق...بقيت أضحك..قولته ليهو:- لا صدق..كلها كم شهر ويكون الطفل بينا...ضماني تاني وبقى يهمس لي بكلمات خطفتني لعالم تاني...من بعدها أتصلنا وفرحنا اهله وبابا❤....قبل ننوم حسان دخل الحمام وجا طالع من غير فنيله..فجأه بقيت بعاين أسفل ضهره كان في زي حرقة نار كده..قولته ليهو بخلعه:- حساان..ده شنو الفي ضهرك ده!!؟...بعد لبس فنيلته جاا رقد جنبي..قال لي :- قصة كده حصلت معاي زمان..ولو ما حصلت ما كان بقيت حسان الأنتي شايفه حالياً...قولته ليهو:- كيييف؟؟..قال لي:- يا ستي زمان ايام الثانوي كنت مشاغب درجة أولى..اي نعم بقرا كتب من برة وراسي مليان والكورة ماخده زمني..بس كنت متلمي على شلة كده..ببلعوا حبوب وبسجروا بشيشوا وكده...المهم الحصل إنو جدي الله يرحمه شافني بسجر💔 ما كلم اهلي..هو كان زول دغري وصعب..بنفس السجارة الانا مولعها ختاها لي تحت ضهري..عشان أتعلم درس و تاني ما أعمل كده..فعلاً بعدها ندمت شديد وحاولت قدر الإمكان اوقف تدخين..شربت لمدة سنة ونص ووقفته خلال أربعة اشهر❤...طبعا بقيت أعاين ليه مصدومة اول مرة اسمع بالكلام ده...ضميته وقولته ليهو:-- جدك ما لقى غير الطريقة دي💔..قال لي:- جات بفايدة وبقتني زول...المهم يلا حاولي تنومي..من اليوم تاني ماف سهر..إتفقنا..قولته ليهو:- إتفقنا...

_مرت الشهور ويوم عن يوم بطني بتكبر لحدي ما وصلت شهر معين وعرفت إني حامل ب بت❤ساعتها فرحتي إضاعفت ألف..وحسان كذلك❤...جات فترة حسان كان بقعد بالساعات في غرفة المكتبة وكل ما أسأله بتقرأ اي كتاب..بخترع ليهو أي أسم وبمشيني...كنت حاسة إنو في حاجه غريبة بس هي شنو..الله أعلم❤...خالتو رُويدا كانت طبيعي معاي..وكل حاجه نقصتني للولاده بتجيبها لي..وبابا كل يوم من الجامعة بغشاني..كنت بتوحم على تفاح..بابا قال لي:- زي أمك بالظبط..كنت بمشي مسافات بعيدة عشان ألقى ليها التفاح..وهو بحكي تلقائيا دموعه نزلت..مسحتها ليهو وبوستا راسه...قال لي:- والله ما بيدي...الله يرحمها ويغفر ليها..بس مما أجيب سيرتها دموعي بتغلبني💔...قولته ليهو:- أهو جايانا كوثر صغيرة..ح تملى علينا حياتنا صدقني❤...قال لي:- تجي بالسلامة ويديك طولة العمر يا بتي وتربيها زي ما أمك ربتك...بعد طلع قعدتا ابكي واشوف صور ماما..حسان جاا لقى حالتي حالة..حاول يتكلم معاي ويهديني..ما أتكلمت معاهو...بس مشيت رقدتا في غرفتنا ودموعي جارية..عمل لي عصير وجاا شربني ليهو...قال لي:- ما مانعك من البكاء انا بس لما أسالك تردي علي..فهمتي..وبعدين مش إتفقنا نبطل بكاء ونفسنة...وكلما أمك تجي في بالك إنتي عارفة المفروض تعملي شنوو..مسحت دموعي ومشيت صليت..قعدتا اتكلم مع ربنا كتييير..بعدين مشيت لحسان في غرفة المكتبة...اول ما دخلتا كان في ورق قدامه لماهو سرعه سرعه كأنو ما عايزني أشوف الورق فيهو شنووو...قولته ليهو:- خير يا أستاذ بتعمل في شنو!؟....سكت ما رد علي..لم الورق المبعثر الباقي وطلع...