#للروحِّ_حسّان29
{الفصل_الخامس}
{#ثِمار_الحُب❤}
"#المملكة_العربية_السعودية"
_أنا وبابا وحسان أدينا العُمرة❤...بعد ما عمرتا لنفسي..إبتديت إجراءات العُمرة لماما الله يرحمها...
*ح أوصف ليكم المشهد عشان تحسو نفسكم معاي*
_لما وصلنا الميقات ك معتمرين..إغتسلنا وإتنظفنا..الرجال ما بلبسوا ملابس مخيطة طبعا..والنسوان عكسهم...نويت الدخول في النسك بقلبي وبعدها نطقت "لبيك اللهم عُمرة عن أمي كوثر الحاج صالح"..."فإن حبسني حابس فمحلي حيث حبستني"...بعدها إبتديت بالتلبية عن النبي صلى الله عليه وسلم "لبيك اللهم لبيك..لبيك لا شريك لك لبيك..إن الحمد والنعمة لك والملك لا شريك لك"..إستمريت في التلبية لحدي ما بديت الطواف...دموعي كانت بتتسابق وقلبي حاسس بحلاوة ما طبيعيه ولذة خشوع وخوف وتوتر وفرح..عشت كل الاحاسيس دي في ذات اللحظة..قصدت الحجر الاسود واستقبلته بعدها إستلمته بيميني...لما إستلمته قولته "الله أكبر "..طُوفتا بالكعبة المشرفة سبعه أشواط واستلمت الركن اليماني...
بين الحجر الاسود والركن اليماني في كل شوط انا وكل المعتمرين كنا بنقول "ربنا آتنا في الدنيا حسنة وفي الاخرة حسنة وقنا عذاب النار "...
بعدها إتوجهت إلى مقام إبراهيم وصليت ركعتين خفيفات...بعد الصلاة اتوجهت صوب الصفاء وأنا بقرأ "إن الصفاء والمروة من شعائر الله فمن حج البيت أو اعتمر فلا جناح عليه ان يطوف بهما ومن تطوع خيراً فإن الله شاكر عليم "..بعدها استقبلت القبلة وبقيت أدعي وابكي..بعدها اتجهت نحو المروة...لما وصلنا العلم الاخضر ..بعد إتجاوزت العلم بطأت السرعه واستمريت كده لحدي ما خلصت السبعه اشواط بين الصفاء والمروة...❤
إتحللت بعد إنتهيت من السعي..قصيت اطراف صغيرة من شعري....❤🌻
وبكده عمرت لماما...بعدها قعدنا تلاتة أيام إضافية..زُرتا قبر الرسول صلى الله عليه وسلم..واشتريت هدايا كتيرة لأهل حسان وعمتي ولماما "بتي"...بابا طول قعدتنا هناك كان بقضي جل وقته في المساجد ودموعو طبيعي نازلة...بعد خلصنا كل حاجه جهزنا نفسنا وكنا نازلين السودان...!
"على لسان حسان"
_الحمد لله على نعمة الاسلام وعلى نعمة التدين والايمان بالله بيقين تام لا يشوبه شك..هناك! في بيت الله..كل الطوائف كل القبائل كل الالوان...فقير غني اسود ابيض قصير طويل وزير غفير..الكل الكل وااااحد..ماف تعالي ماف تكبر ماف غرور..كلنا على نفس الشاكلة...عباد الله..نتوسل ونبكي ونصلي وندعي...ماف شخص احسن من شخص..من حلاوة التعامل تحس نفسك في جنة النعيم...❤🌻الف الحمدلله على دي نعمة....
نزلنا السودان وإيناس مما شافت ماما "بتنا" ضمتها وبقت تبكي فيها..هي كانت ساكتة بس بكاء إيناس بكاها😂❤...طول فترة وجودنا مع ناس،أمي إيناس ما كانت مركزة مع زول غير بتها...رجعنا البيت متأخرين..أنا نمتا طوالي..خليت إيناس صاحية بتتفرج على صور أمها ومرقدة ماما في حضنها...
