{الفصل_الثاني}
{#أقدار🌷}
"وكانت هيَّ الضوء في أول النفق وآخره..❤"
"صباح اليوم التاني_بيتنا"
_الجو كان شبه مغمم..أوائل الخريف❤..كنت قاعدة في الجنينة وخاته قدامي ألوان وورق في محاولة إني استحضر شكل "عفاف..اللي كنا معاها في حلفا"..عشان أرسمها..بابا كان طالع على الجامعه..باسني في راسي وقال:- الله الله شكلو المزاج رايق..قولته ليهو:- الحمد لله..ح تتأخر اليوم؟!..قال لي :- لالا..عاوزة حاجه؟؟..قمت حضنته..قال لي:- واضح إنو في كلام كتير بس غلفتي بالحضن ده..صح؟؟ قولته ليهو:- بابا..ح تتأخر على جامعتك..إبتسم وكان طالع..جات ماما من جوه..قالت ليهو بتكشيرة:- عاين نسيت بطاقاتك.....قال ليها بإبتسامة علت ثغره:- تعيشي وتذكريني..🌷...أنا في كل مرة بعاين ليهم ببقى مبسوطة شديد وبشكر ربنا ألف إنو ديل أهلي...!..بعدها طلع وماما جات قالت لي:- يلا على المشتل..شلت أدواتي وسبقتها على هناك....
"بيت أسرة حسان"
_لبست طقم بدلة كامل علشان اليوم عندي عقد مع شركة أجنبية و طبعا المظهر اللايق أول حاجه بعلقوا عليها..بتتقيم من مظهرك❤وبعدها عقليتك وآخر شي مستعدين يشوفوا هو شكل ملامحك...جيت طالع من الغرفة لاقيت رهف ونغم طالعين..رهف قالت:- عايني يا نغم..أخوك عريس عريس..عيني باردة❤..نغم ردت:- حقيقي منظرو منظر عريس..هل ممكن توصلنا في طريقك..ولا عندك حاجه مهمه؟؟..قولته ليهم:- جداً...وهل أنا عندي أهم منكم..أي واحده إبتسمت لي وطلعنا...أي نعم اتأخرتا عن الاجتماع ربع ساعة..بس فداهن المؤنسات الغاليات🌷..الاجتماع كان ناجح جداً ووقعنا العقد..وبالمناسبة دي طلعوني أصحابي وشاركوني نجاحي....!
"في المشتل"
_كنا شغالين أنا وماما..إتفاجأتا بصحباتي جووني❤سلموا على ماما...ألق قالت لي:- الواحد اشتاق ليك يا إنسانة...قولته ليهم:- دي شنو المفاجأه اللطيفة دي..عهد ردت:- المفاجأة دي علشان بقيتي ما ظاهرة...هناء قالت ليهم:- الاخت شكلها عجبها الجو هنااا..ها ما نفسك في سفرة تانية...ماما قالت ليها:- هناء بسم الله انتو متين ارتحتوا من السفرة الفاتت لما تسافروا تاني..قولته ليهم وانا خاته يدي على كتف ماما:- صراحه يا شابات..خالتكم كوثر صدرت علي حكم صعب..وهو إني ما أسافر براي تاني...ألق قالت لي:- أعرفي السفرة وين أول...مصر "شرم الشيخ"...هناء قالت:- ها ها..معانا ولا ما معانا؟؟..عاينتا لماما بعيون نعسانة كده😂..قالت لي:- لا يعني لا...بقينا نضحك كلنا..بعدها شربنا قهوة وواصلنا اليوم ضحك وهظار..."هم ح يسافروا الاسبوع الجاي"...❤!
"في بيت أسرة حسان"
_رجعنا البيت في وقت متأخر..لمحت أخواتي قاعدات وبياخدوا ويدوا في الكلام..رهف قالت:- محتاجه يوم يكون ظريف وكلنا بنجي فيهو بدري علشان أعزم إيناس غداء..عُلا قالت:- من كترت كلامكم عنها..متمنية أشوفها والله..نغم قالت:- طيب أنا بتصل عليها وأعزمها بس إنتو حددوا اليوم وأدوني خبر...سلمت عليهم وبعدها دخلت غرفتي..كان في برنامج في الراديو بتكلم عن "تلاقي الارواح"..المذيع قال:-
