{الفصل_الأول}
{#اللقاء🌷}
"فتاةُ سمراء..والشاب أسمر..أرض السُمر والنيل..حيث أغنيات مصطفى سيد أحمد ومحمود عبد العزيز ووردي والكابلي وحمد الريح..بين كتابات عبد العزيز بركة والطيب صالح..تنتشلنا كلمات شعرية لإسحاق الحلنقي والتجاني حاج موسى..لنقف والدمع يتساقط عند سماع تلاوة القراءن بصوت الزين محمد أحمد ونورين صديق..هنا السودان🌷"
_جهزت نفسي عشان بكرة ح أرجع..ح أرجع تاني للشغل ومشاغل الحياة..طلعات الاصحاب..لمة الأهل..المشي لمسافات طويلة واللف بالعربية..وبرامج تانية كتيرة❤...جات في بالي وصية اختي إنها عاوزة هدية من هنا وكده..طبعا راح من بالي بس قلت ما فرقت ح أراضيها...ما كان في فرصة أعرفكم على الجزء المهم من حياتي بس ح تعرفوا حالياً،،الليل قدامنا طويل...!
شاب وسط أربعه قمرات🌷"أبو البنيات"..أختي الكبيرة"عُلا"متزوجه ومستقرة في دبي..بعدها أنا عندي شركه خاصة بي والحمد لله..بعدي"نغم" باش مهندسة وظيفتها مرموقة..وبعدها "رهف" بتتدرس مختبرات طبيه...واصغرنا "رُمي" إسمها بمعنى الارض الخضراء طالبة في الثانوية...أبوي ربنا يدي الصحه والعافية مما قام إنسان مجتهد ومثابر...أهله كانوا على قدر حالهم..بس هو بعلمه وذكائه أرتفع لأعلى المراتب..مهندس بترول وصحفي في بعض الاحيان..أكتر واحد بنشيل منو طاقة إيجابية وكل يوم بنتعلم منو حاجه جديدة..عيشنا في عز يمكن لو كنا برانا في الحياة دي كان إتبهدلنا...أمي "رُويدا" في زمانها كانت إعلامية معروفة..مع مرور الزمن ووجودنا نحنا..إعتزلت المجال ده وبقت ربة منزل..بس حتى الان إسمها يُضرب به المثل في القنوات السودانية❤....بيتنا على شاكلة ڤيلا...الواجهه الأمامية للبيت كلها زرع ولجوه باب خشبي عريض بمررك لأحواض زجاجية فيها أسماك بشتى أنواعها..وورد جاف وطبيعي وأشواك للزينة...بعدها بلقاك ممر طويل بتطلع منو على صالة الضيافة..قدامك سلم بطلعك على الغرف والصالة حقت البنات الفوق...🌷ده بيتنا ودي أسرتي....كل خميس بعد الشغل أنا وأصحابي بنطلع حته جديدة..وأحيانا بناخد فترة ما بنتلاقى عشان نطلع رحلة...إرتبطت مرة واتنين وتلاتة..لما لقيت إنو الموضوع ما بتأخد بالشكل ده..وانا كنت شاب طايش وقتها..وكبرتا❤..بقيت مشغول شديد بنفسي واهتماماتي...!
"على لساني"
_كنت بتفرج على صور ماما وبابا وأنا وسطهم بلا أخوات ولا أخوان💔...عدم وجود العلاقه دي في حياتي كان مؤثر علي في طفولتي بشكل كبير..كنت أغلب الوقت بقول لماما عاوزة واحده تلعب معاي..عايزة بيبي صغير ألعبه و كتير من الحوارات دي..ماما بعد ولدتني..حملت حمل خارج الرحم وطبعا سقط..بعدها بقت في صعوبة انها تجيب بيبي بعدي..حتى بابا قال ليها كفاية علينا إيناس❤...ومعنى إسمي هو الشخص اليؤنسك ويوانسك في وحدتك...بابا بروف في جامعه معروفة..كلمة حنين عليه بسسيطة..رباني على الصراحه والوضوح..كان أخ وصاحب قبل يكون أب❤...ماما "كوثر" عندها مشتل وكمان بتبيع أسماك وعصافير ملونة❤...بيتنا بسببي بقى زي حق المجانيين..لوحاتي مالية البيت والتصاميم البعملها..كل فترة بغير شكل الديكور..إتولدتا في أسرة صغيرة ومليانة حب..أمنية حياتي لما أتزوج يكون عندي أطفال كتاااار..لدرجه ما أكون عندي زمن غير ليهم هم وبس🌷...بطلع مع صحباتي من فترة لفترة...مجنونة شديد ممكن عادي اخلي بابا يطلعني الساعة 5 صباحا عشان أشرب شاي على النيل..أو أطلع الساعة 11عشان أشوف الاجواء الليلية...'!
"على جهه أخرى"
_بكرة إيناس ح تتحرك..يا الله اشتقت ليها جداً،،البيت هادئ من غيرها...بابا قال:- بكرة ترجع وتطلع عيني بالمشاوير والطلبات الغريبة..ماما قالت بصرة:-من حقهااا..عاوز منو غيرها يعمل كده يعني؟!..قال ليها :- أنتي طبعا🌷..ضحكت وسكتت...بابا بعرف يفصلها ويخليها تنساني شوية وتركز معاهو↖😂.....
"بيت أسرة حسان"
_رايكم شنوو نعمل قعدة ظريفة لحسان لما يرجع..قهوة وكعك وحركاااات...م اتخيلت اشتاق ليهو والله😂😂
ردت "رُمي" عشان خاته راسك براسو يا رهف😂😂..عموما تعالوا نخطط من اسي ح نعمل شنو..لازم نفاجئوا...جاا أبوهم لقاهم مجتمعين.."التلاتة بنات"...قال ليهم :- بناتي مجتمعات كده ليه خير ان شاء الله!؟..إتقدموا واحدة ورا التانية وسلموا عليه في راسو❤...كلموه إنو عاوزين يعملوا حاجه ظريفة لحسان..قال ليهم:- جميل...أخوكم بحب جو الموسيقى والاغاني القديمة ديك ههه....نغم قالت ليهو:-_كلاسيكي شديد ولدك ده بس ومالووو..ح نبهروا❤...!
"شباب أسفة جداً،،أمس كهربتنا قطعت وانا كنت مرهقة والله م قدرتا أكتب..بس ح أعوضكم بين الليلة وباكر🌷"
#نتلاقى∆∆
