#للروحِّ_حسّان20
{الفصل_الرابع}
{#وقد_كان🌷}
_صدمني صدمة عمري..بقيت أعاين ليهو بحب كده وما عارفة اعمل شنو عشان أوصل ليهو إحساسي..قولته ليهو:- حسان...فجأه فك يدي واداني ضهرو وقال لي:- أنا بتكلم معاك ليه..نسيت أني زعلان منك...زعلان شديد...وقفت قدامه ومسكت يدينو الاتنين..بادرت بقول:- أسفة وما عاوزة بينا زعل..أسفة بالجد لو الموضوع ضايقك..بس الرقيص ده كان نفسي فيه من زمان😔❤..مسكتا في جلابيته وميلتا راسي...ضماني شديد وقال لي بإستهبال:- يخ والله زعلان شديد..."وكل ما يقول زعلان شديد يضمني أكتر وأكتر"....قولته ليهو:- بالنسبة لتركيا؟؟..قال لي:- كنت بتكلم مع شركة سياحه هناك..ح تنظم لينا كل حاجه وانا من هنا بدفع القروش وباخد رقم اي واحد من موظفينهم..طلبت يكون سوداني عشان ما نحس بغرابة...المهم ح تكون حاجه أخر متعه والله❤..قولته ليهو:- اساسا اساسا...فكاني ودخل الحمام.....!
"بدون تفاصيل السفر"
"#ريف_تركيا_طرابزون"
_وصلنا "طرابزون" ولقينا موظف سوداني تبع شركة سياحه هناك..هو ح يكون مرافقنا لمدة عشرة ايام لحدي ما نعرف المنطقة الح ننزل فيها كويس🌷...ركبنا عربية ليموزين وصلتنا لحدي 'الكوخ اللي أجروا حسان🌷"...الموظف طلع مفتاح صغير من جيبو واداهو لحسان..شكره ودور عربيته ومشى...حسان فتح الباب..الكوخ خشبي من فوق لتحت فيه غرفتين ومطبخ وصالة صغيرة شديد..وبلكونة بتوريك جمال المنطقة كلها🌷طبيعتها خلابة وهوائها منعش وعندها غابات جميلة..أنا قريت عنها قبل كده و عارفة معلومات بسيطة...
حسان رتب الملابس في الدولاب..وبعدها نمنا...ما عارفة مرت كم ساعة بس صحيت بليل شديد...لابسة فستان بارد..مشيت ووقفت في البلكونة وختيت يديني على معاصمي "لما الواحد يحضن نفسه🌚"..أخدتا نفس وكنت مبتسمة..فجأه حسان جاا وضماني..كان لابس شال كبير متغطي بيهو ومع الحضن غطاني معاهو..بقيت مقاصدة لحيته❤...قال لي:- واقفة كده ليه؟؟..الهواء بارد شديد هنا...قولته ليهو:- عاوزة بشرتي تحس ببرودة تركيا🙊..بقى يضحك..قال لي :- يعني امشي أخليك؟؟..ما عاوزة تحسي بدفئ حضني؟؟...سكتااا طبعا..قال لي :- عايني أنا جعااان شديد..ادخل استحمى وانتي شوفي التلاجه فيها شنو...قولته ليهو:- حاضر...فكاني ومشى...مشيت على اتجاه المطبخ..رصيت أكل كويس واستنيته لما جاا...
"على لسان حسان"
_قعدنا ناكل وكنا بنتذكر في تفاصيل العرس...قالت لي:- حسان..أنت بتعرف شنو عن طرابزون...قولته ليها:- يعني شوية معلومات...قالت:- أنا خير مستمع❤. يلا أحكي لي...بادرتها بقولي:- مع أنو بعيدة كل البُعد عن موضوعنا بس ما مشكلة..يا ستي هي اساساً بتقع شمال شرق تركيا...شرق منطقة البحر الاسود بين ساحل البحر الاسود وجبال زينغانا...زمان زمن الاساطير اليونانيين قالوا اسمها أُشتق من اسم بطل من ابطال الخرافات الكانوا بؤمنوا بيها...أما المؤرخيين فقالوا أنو هي اساساً اسمها ترابزيوس بمعنى الاربع زوايا..بلغة اهل الاناضول القديمة...والاربع زوايا قاصدين بيهم شكل زوايا قلعه المدينة البتقع على سطح مستوى بين الوديان العميقة...❤وحسب الكتابات نشأت سنة 756 قبل الميلاد تقريباً ما واثق شديد...المهم حصلت حروبات كتيرة فيها...لحدي ما حصلت حرب كبيرة وخِسر فيها ميثرايداتس ضد الامبراطورية الرومانية...بعد كده دخلوا الروم الاناضول وبعدها طرابزون وأخيراً فتحها الخليفة العثماني محمد الفاتح ودخل الاسلام فيها رغم إنها كانت مركز من مراكز القوة المسيحية في الشرق....في متحف ح نمشي ليهو إن شاء الله اسمه "أيا صوفيا"....وفي جامع الفاتح واسكندر باشا وغولبار خاتون❤..ومشتهرين شديد بالرقيص...عندهم رقصه اسمها هورون يارب نصادف ناس بترقصها..ح تعجبك شديد وو..الخ..لاحظت أنها ختت راسها على السُفرة ونامت...ما حاولت أصحيها ابداً...شكلها لسه مرهقة من تعب السفر...لميت الصُحانه في الحوض ومع الكركبة صِحت...قولته ليها:- بت قلبي أسف لو ازعجتك..يلا أدخلي الغرفة وارتاحي جوه...قالت لي:- طيب وانت ما ح تنوم؟؟...جاوبتها:- أغسل الكم صحن ديل بس والحقك..جات علي ومسكتني من يدي..قالت لي بصوت أنثوي أخترقني:- ما تغسلها..لو تعلم إني مشتااقاك...نزلت راسي شوية وقبلتها على عجل...قولته ليها:- أعلم..أعلم يا ثٌّريتي❤...
"هل بعد كلامها ده ح اغسل عدة هل؟؟..تطير العدة كلها يخخخ"....
"غرفة مليئة بالشموع المضيئة..ليلة قمرية هادئة..لا نسمعُ سوى أصوات أنفاسنا المختلطة...بين يداي حبيبتي..إمراتي التي أعشق...تُبادلني الحميمية تُقربني منها تارةً وتبعدني عنها تارةً أُخرى...تُعجبني سُمرتها وحتى قُبلاتها العفوية المضحكه..ملامستها للحيتي وشعر صدري يجعلاني أذوب بين يديها...لم تكن ليلة واحدة كانت الكثير والكثير من الليالِ الدافئة...أنا وهي لا غيرنا...❤"
{بعد مرووور اسبوعيين}
_أنا وحسان زُرنا مناطق كتيرة وأهمها المتحف والمكتبة التركية..عندهم حلات طبيعة وبلد وحلات لبس...مرة مشينا السوق م خليت قطعه ما اشتريتها😂🙊وحسان ماسك الاكياس ولافي معاي...كان كل يوم بقرأ لي عن منطقة معينة في تركيا...في مرة كنت بعمل في نسكافيه وهو قاعد في البلكونه وبكتب في دفتر كده...جبت النسكافيه وقعدتا قصادو...قال لي:- السِميحة❤..عاوز أسألك سؤال..قولته ليهو:- ها!!...قال لي:- لو حالياً حالياً طلبت منك ننزل ونتسلق الجبال ح تمشي معاي ولا لا!!؟..قولته ليهو:- طبعا ح أمشي😭😭..قام من كرسيه وباسني في خدي وقال:- ايوة أنتي كده حبيبتي حبيبتي 😂❤...مغامرات وحركات..قولته ليهو:- أنا اصلا مجنونة من زمان..الدور والباقي عليك شكلي كده عاديتك..قال لي:- من الطبيعي لما تحب شخص تشيل حاجه منو..وأنا كل صفاتك باتت صفاتي❤🌎....!
_طلعتا مع إيناس ونحنا لابسين شتوي ومعانا الكاميرا..المنطقة باردة جداً فوق الخيال..مشينا جبال زايكانا..ما بتبعد كتير من الكوخ..حواليين الجبال بيوت ريفية كتيرة وجميلة يعني المنطقة دي سبحان الله أبدع فيها❤...الجبال دي زمان الاوروبيين سموها جبال الالب..نسبة لجمالها..ولانو الالب معروفة بجمالها الشديد...طلعنا والمنظر كان رائع صعب صعب أوصفه ليكم❤🌎...راحة نفسية..مهما تكون شايل هموم البلد دي بتنسيك والله.."أنصحكم بزيارة تركيا"...أتصورنا كتييير وقعدنا قريب ساعه بعدين رجعنا البيت...قعدنا في الارض قصاد دفاية الحطب وماسكين كتاب "في قلبي أنثى عبرية" وبنقراه على ضوء الشموع....! بين كل فاصل وفاصل في الكتاب كنت بطبع قبلات على راس إيناس...!
"بعد مرور شهر ونصف"
"حسان"
_مرة كنت برة وجيت راجع لقيت إيناس بتتكلم مع أمها مكالمة فيديو..دخلت الغرفة عشان ما ازعجها..لما خلصت جاتني..قالت لي:- عاين عملتا لماما اسكرين😂😂🙊ما ح اوري ليها إلا لما نرجع..قولته ليها:- حرام عليك ياخي😂😂..أنا برضو أتصلت أتكلمت مع اهلي وقفلتا..إيناس كانت لابسة قميص بناتي عُنابي فوق الركبة ورابطة شعرها بشريط رفيع..جريتها من يدها وحضنتها..قالت لي:-حسان...قولته ليها:-
"هلاَّ أغلقتي فمك وجعلتي الحسان يفعل ما يشأ يا حلوتي❤؟؟؟".....!
"فيديو من تصميمي يوضح جمال طرابزون والكوخ الخشبي والأمكنة التي زاروها حسان وإيناس❤ الأغنية تركية"
"اتجاوزوني بكلو🧘🏻"
#نتلاقى∆∆
