{الفصل_الرابع}
{#وقد_كان🌷}
"على لسان حسان"
_أيام مرت وإيناس حالتها ماشة من سيء لأسوأ..نقلت شغل المكتب البيت وبقيت ملازمها زي ضلها..ما كانت بتطلع من الغرفة إلا بليل..تقعد في الجنينة حبه وترجع جوه..الأكل بغصبها عليه عايشة على الموية..حتى الڤايتمينات الكتبهم ليها الدكتور ما كانت منتظمة فيهم💔..أبوها جانا في البيت مرتين..حالتو بقت حالة💔..دقنو طويله وخشنه ووشو شاحب كأنو عجوز شايل هموم وهموم...حاول يشوف إيناس بس هي كانت قافلة عليها الباب وما رضت تفتحه لحدي ما هو طلع💔..ناس بيتنا جوا برضو...بس إيناس كانت في عالم تاني..ما مع الناس نهائياً...يا الله تكون معاها وترجعها لي،زي ما كانت وأحسن❤...!
_كنت عايشة على الموية وأغلب وقتي نايمة أو سرحانه أو بشوف صور ماما...حسّان ما رضى يخليني امشي المشتل..عديت الموضوع وقلت أساسا ح أمشي بس لو مشيت ح أشوف بابا وأنا ما نفسي💔..كنت طول الليل بنوم كاشفة جسمي للهواء والصباح بتفاجأ إني متغطية..فبعرف إنو حسان البعمل كده...صحباتي جوني كتير شديد وخصوصي عهد..بس ما كنت بتجاوب مع زول فيهم..أنا عاوزة أمي ياخ..عاوزاهاا..💔
"على لسان آدم"
_قاعد في غرفتي انا وكوثر..كل ركن في الغرفة وكل مكان في البيت بذكرني بيها..ريحتها وعيونا وكلامها المعسول..أي حاجه كانت ليها طعم ولون بوجودها معاي أنا وإيناس💔..كوثر الموت خطفها خطف..حتى ما لحقت أودعها..ما لحقت أعمل شي..هل كان في يدي شي أعملو يخليها تفضل معاي لليوم ؟؟؟..يارب ترحمها وترحمني..بقيت ما بمشي الجامعه..وطول اليوم بكون في المشتل بشوف صوري مع زوجتي رفيقة الدرب المفروض كنا نكمله سوا💔 وبشوف صور بتنا..بتنا اللي للان ما عاوزة تشوفني وتخفف علي وجعي....بتنا الانا للان ما عارف نهاية صدمتها ح تكون شنو؟؟..حياتي جاطت واتقلبت فوق تحت بعد كوثر...كوثر كانت أجمل إنسانة ممكن تمر على أي بشر..بلسم وشفاء...وصاياها وحُبها لي الداساه بين كيف يومك وشكلك مرهق ويلا افطر وتعال بدري وما تتأخر...دموعي نزلت وما حاولت أمسحها..يارب تربط على قلبي وقلب بتي..يارب تربط على قلوبنا❤....
(بعد مرور شهرين)
"على لساني"
_لسة زي ما أنا..ما عاوزة اتكلم مع زول..ما صابرة ولا متيقنة بالبحصل ولا فاهمه أي شي في حياتي...إتذكرت جملة قالتها لي ماما قبل كده...قالت:-
*السعد يرافقك محل ما تقبلي*
*يرضى عليك المولى وين ما تمشي يابتي*
وجملتها :-
*أنا سلفاً عندي إنتي غير إعتيادية*
*ولو في شخص بحب تفاصيله كلها بعد آدم فهو إنتي*
وكمان قالت لي:-
*مليت من القعدة براي وين انتي..جيبي معاك فشار*
*في مسرحية ظريفة*
وقالت:-
*ح تبقي عروس*
*حبيبتنا دي ح تتزوج قريب*
أنا كيف أقدر أنسى تفاصيلي معاها..خصوصي ايام عرسي..ما كانت بتخليني لحظة💔..ماما دي شخصية كده عمرها ما ح تتكرر ولا تتعوض بأي شي..انا بيها كنتا كاملة وبدونها أصبحت ناقصة وح أفضل ناقصة💔...ماف شخص ح يسد الفجوه والفراغ الخلقته هي جواي بسبب رحيلها....كنت عاوزة أوريها الاسكرين الاختو ليها واوريها صوري هناك وأوريها قدر شنو دعواتها جابت نتيجه وانا مبسوطة..بس في كسر من الثانية كل حاجه إتغيرت...
"حسان"
_ما كنت مستعجل أنو إيناس تتعافى بسرعه وبأدوية وكده..كنت عاوزها ترجع براها لطبيعتها..وأنا واثق إنو اليوم ده قرب شديد...ما كانت بتعدي ليلة بدون ما تفتح فيديو لأمها💔..."صوروا أمهاتكم ابائكم أخوانكم اي عزيز على قلبكم..الموت ما بستأذن❤"....يمكن الحاجه اللطيفة في الموضوع إنو إيناس ح تعيش على ذكرياتها مع أمها..عمرها ما كانت بعيدة عنها ولا عمرها كانت مطنشاها أو مشغولة منها...كانت صحبتها..هي حاجه موجعه صح..بس لطيفة..إيناس أستغلت وجود أمها في حياتها بطريقة صح شديد❤ متأكد ما ح تكون ندمانة على شي لأنها كانت جنب أمها في كل ثانية من حياتها....!
"بعد مرور شهرين ونصف"
_كنت نايمة نوم عميق فجأه قلب كابوس..ما قدرتا أصحى منو..كنت بصارع عشان أصحى و عشان أفتح عيوني وما قادرة...فجأه قمت مخلوووعة وصرختا صرخه مدوية..حسان فتح باب الغرفة وجا جاري قعد جنبي..ضميته وبقيت أبكي بصوت عالي وأقول :- ماما يا حسان...ماماااااا.....💔
"ليت الأمهات لا يرحلن...ولا يمس الموت منهن شعرة🌷🌎"
#نتلاقى∆∆
