(Photo credit to Pinterest )
~~~~~~~~~~~~~~~~~~~~~~~~~~~~
Unicode
"ယေး ! တျန့်တျန့် များကြီး ဟက်ပီး နေပါပီးးး"
လက်ပုတိုနှစ်ဖက်ကို လေပေါ်မြှောက်လို့ ဧည့်ခန်းထဲ ပတ်ပြေးနေတဲ့ ကျန့်ကျန့်လေးက တကယ်ကို ပျော်မြူးနေဟန် ။
အိပေါ်မားမားက ဒီမနက်ကတင် အိမ်ကို ပြန်ရောက်လာပြီ ဖြစ်တယ် ။ နေကောင်းသွားတဲ့ ဝမ်ဖွားဖွားဟာ အိပေါ်တွက်ရော ကျန့်ကျန့်တွက်ပါ လက်လုပ်သကြားခဲလေးတွေနဲ့ ရိုးရာမုန့်အချိုလေးတွေ လက်ဆောင် ထည့်ပေးလိုက်တာဖြစ်တယ် ။
အိပေါ်အိမ်လာတိုင်း မုန့်ဘူးထဲက သကြားခဲတွေကို အမြဲချောင်းနေတတ်တဲ့ ကျန့်ကျန့်က အခုလို ဝမ်ဖွားဖွားဆီက လက်ဆောင်ရတဲ့အခါ ကလေးသဘာဝ ပျော်မြူးခုန်ပေါက်နေတော့တယ် ။
အိပေါ်ကတော့ တစ်ပတ်လုံး လွမ်းနာကျနေရတဲ့ ဝမ်မားမားပေါ်ကို မရမက တွယ်တက်ရင်း ကိုအာလာလေးလို လုံးလုံးလေး မလှုပ်မယှက် ချွဲနေတယ် ။ ဒါပေမယ့် မျက်လုံးအစုံကတော့ ခုန်ပေါက်နေတဲ့ ကျန့်ကျန့်လေးဆီကနေမခွါဘူး။
အိပေါ်က ငယ်ငယ်ထဲက လူကို ချွဲတတ်တဲ့ကလေး ။ သူစိမ်းတွေအပေါ်ဆို ခပ်တန်းတန်းဆက်ဆံတတ်ပေမယ့် ရင်းနှီးတဲ့သူတွေအပေါ်ဆိုရင် ခွေးပေါက်လေးလို တအီအီလုပ်ရင်း မခွါတမ်း ကပ်တတ်တဲ့ အကျင့်ရှိတယ် ။
အိပေါ်မားမားခရီးသွားတဲ့ရက်တွေတုန်းကဆိုရင် အိပေါ် ချွဲတဲ့ဒဏ်ကို အများဆုံးခံရတာ ကျန့်ကျန့်ပဲ ။
မနက်ထတာနဲ့ ကျန့်ကျန့်နောက် တကောက်ကောက်လိုက် ။ ထမင်းစားလဲ ကျန့်ကျန့်ပန်းကန်ထဲကို ကြိုက်တာတွေရော မကြိုက်တာတွေရော ရှိသမျှ ဟင်းတွေ အကုန်ထည့်ပေး ။ ရေချိုးလဲ ကျန့်ကျန့်နဲ့မှ တူတူချိုးမယ်ဆိုပြီး ရေချိုးဇလုံထဲကို ကျန့်ကျန့်ကို မရမက ဆွဲခေါ် ။ နောက်ဆုံးညအိပ်ရင်တောင် ကျန့်ကျန့်ကို မရမက အတင်းဆွဲဖက်ပြီး အိပ်တတ်တာ ။
BINABASA MO ANG
Wine (Completed)
Fanfiction#Yizhan fiction #okipuy 9th December , 2020 ~ 1st May , 2021