✨အခြားသူတွေရဲ့ အဆုတ်ထဲ ရောက်သွားတဲ့ Covid က ငါ့ကျမှ ဦးနှောက်ထဲ ရောက်သွားပုံရ
✨ဒီကာလတွေ မှာ ငါ့ဦးနှောက် က သေနေတယ်
✨သူငယ်ချင်း ကောင်လေး တစ်ယောက် ပြောဖူးတဲ့ စကားကို မှတ်မိသေးတယ်
ရင့်ကျက်ခြင်း ဆိုတာ limit tends to infinity တဲ့
တော်တော်သဘောကျမိ
✨သူငယ်ချင်း ကောင်မလေး တစ်ယောက်က ကျတော့
ဒီလောကကြီးမှာ ဘယ်သူကမှ ဘယ်သူ့အပေါ် အကြွေးတင်မနေဘူး တဲ့
အဲ့စကားက ငါ့အတွက် တော်တော် သက်တောင့်သက်သာဖြစ်စေ
တယ်
✨မကြာသေးခင်က မှ ခင်ရတဲ့ မိတ်ဆွေ တစ်ယောက်က ကျ
သူက သူ့ဘေးမှာ ရှိတဲ့ သူ အားလုံး ကို ပျော်ရွှင်စေချင်တာ တဲ့
ငါကတော့ ငါ့ကိုယ်ငါ ပဲ ပျော်ရွှင်စေချင်တာပါ
ကိုယ်တိုင် မပျော်ရွှင်တဲ့ သူတစ်ယောက် က အခြားသူ တွေ ကို ပျော်ရွှင်စေနိုင်သလား
✨နည်းပညာ ကျောင်းတက်ပြီး Engineer ဖြစ်လာတယ်ဆိုပေမဲ့ ဒီ Professional ကို စိတ်ပျက်မိတဲ့ အချိန်တချို့လဲ ငါ့မှာ ရှိ
ဒါပေမဲ့ အဲ့ဒါက တစ်ခါတစ်ရံ အမေနဲ့ သဘောထားမတိုက်ဆိုင်လို့ စကားများရတာမျိုး လိုပဲ
နောက်ဆုံးမှာ ဒီအလုပ် ကိုပဲ ငါရွေးချယ်မိ
✨ကြိုးစားရင် အောင်မြင်မယ် လို့တော့ မတွေးစေချင်ဘူး
အောင်မြင်ချင် မှ အောင်မြင်မှာပေါ့
ဒီလိုပြောတဲ့အခါ ငါက ကြိုးစားနေတယ် လို့ မထင်စေချင်ဘူး
ငါ့ ဝါသနာ က ပျင်းတာ
တခါတလေ ပျင်းနေရတာကို တောင် တကယ်ပျင်းလာ
✨ဘဝ က တခါတရံ ငါရေးနေဆဲ ဇာတ်လမ်း လိုပဲ
Plot ဆက်စဉ်းစားလို့ မရတော့တာမျိုး
ဘယ်သူကမှ မခိုင်းလည်း စိတ်ပါရင် ထရေးတတ်တာမျိုးလိုပေါ့
တခါတရံ ကိုယ့်ဇာတ်ကိုယ်မနိုင်ဘူး
တခါတရံ တာဝန်ကျေအောင် လုပ်တယ်
✨တကယ်တော့
လူတွေမှာ မအောင်မြင်ခွင့် အပြည့်အဝ ရှိတာပဲ
လုပ်ချင်တာတွေ လုပ်ပြီး ရှုံးနိမ့်ကြတာပေါ့
မအောင်မြင်တာ လည်း ဘဝ ပဲ
အောင်မြင်လာရင် လည်း ဘဝ ပဲ
ကိုယ့်ဖြစ်တည်မှု က ဘယ်သူ့အတွက် မှ အဆိပ်မဖြစ်သရွေ့တော့ အဆင်ပြေပါတယ်
အဆိပ်ဖြစ်နေလည်း အဆင်ပြေပါတယ်
တစ်ခါတရံ အဆိပ် က ဆေး ဖြစ်တတ်တာပဲ
✨တခါတရံ အချင်းချင်း ဆုံဖြစ်တဲ့အခါ
သဘောထား ကွဲလွဲမှုတွေအကြောင်း မပြောဖြစ်ကြဘူး
တိုက်ဆိုင်မှုတွေ အကြောင်းလည်း မပြောဖြစ်ကြဘူး
ဘဝ ထဲမှာ ရှင်သန်နေရတာမို့
ဘဝထဲက ရောက်တတ်ရာရာ တွေပဲ ပြောဖြစ်ကြ
ကောင်းတာလား ဆိုးတာလား မသိပေမဲ့
သူငယ်ချင်း ကတော့ သူငယ်ချင်းပါပဲ
မိတ်ဆွေ ဆိုလည်း မိတ်ဆွေပေါ့
✨စိတ်နေသဘောထား က ပြောင်းလဲ ဖို့ လိုအပ်နေတယ်
ဒါပေမဲ့ အဲ့ဒါက ခက်ခဲတယ်
အတ္တ ကို ဆုပ်ကိုင်ထားရတာ သဘောကျတယ်
ကိုယ်နဲ့ အဆင်မပြေတဲ့သူ ကို မခေါ်တော့တာမျိုး
ကိုယ့်ကို စိတ်အနှောင့်အယှက် ဖြစ်စေတဲ့သူကို တွေ့ရင် မမြင်သလို လုပ်ရတာမျိုး
အဲ့ဒါက စိတ်ကျေနပ်စရာပဲ
✨အလုပ်မှာ စိတ်အနှောင့်အယှက် ဖြစ်ရကြောင်း အသိတစ်ယောက် ကိုပြောတော့
အဲ့ဒါ အစ်မ က သူတို့ကို မနာလိုဖြစ်နေတဲ့ ပုံစံ ဖြစ်နေတယ် လို့ပြောတယ်
အဲ့ဒါက ငါ့ အလုပ်ကို ထိခိုက်စေတယ် ဆိုတော့
တချို့အရာတွေ က တုပြောနေဖို့ မတန်ဘူး တဲ့
နေသာ သလို နေလိုက်သင့်တာလား
တကယ်က ငါက မသိတဲ့သူ
သူတို့က မတတ်တဲ့သူ
✨ဒီကာလ မှာ ငါ့ရဲ့ အတ္တလှလှ လေးတွေ က ပို အရောင်ရင့်လာတာ
ဒီကာလမှာ ပိုအောင်မြင်လာတဲ့ သူတချို့ ကိုတော့ Bravo ပါပဲ
အားတော့မကျပါဘူး ပျင်းလို့
ဒီကာလ မှာ သေခြင်းတရား တွေ အကြောင်း နဲ့ မမြဲခြင်း တွေ ဘာမှ မဟုတ်တော့ခြင်းတွေ ပိုမြင်သာလာပေမဲ့
ငါ့ အတ္တ ကတော့ အရင်အတိုင်းပါပဲ
✨နောင် 5 နှစ်ကြာရင် ဒီကာလ က မအောင်မြင်မှု တွေ အကြောင်း ပြောပြီး ရယ်နိုင်လောက်လား
ဒီ ကပ်ကြီးအကြောင်း ကိုရောပေါ့
ဒါပေမဲ့ ချစ်တဲ့သူ တွေကို ဆုံးရှုံးရတဲ့ အကြောင်း တော့ ဘယ်ပါပါ့မလဲ
ရင်နာရတယ်မလား
✨လွန်ခဲ့တဲ့ 7 နှစ်ခွဲက အချစ်ဆုံးလို ထင်ခဲ့တဲ့ သူ နဲ့ ဝေးရတာ အခုချိန် ဟာသ ဖြစ်ပေမဲ့
လွန်ခဲ့တဲ့ 6 နှစ်ခွဲက အဖေ ဆုံးခဲ့တာက ဘယ်တော့မှ ဟာသဖြစ်မလာနိုင်သလိုပေါ့
✨တကယ်တော့ ငါက Wattpad မှာ BL ဖတ်ပြီး 100 % အောင်မြင်တဲ့ သူ တစ်ယောက်ပါ
YOU ARE READING
🖤Fragile Truth🖤
Non-FictionDon't Read.(မဖတ်ရ။) It's about just my feeling and dark sides This is neither Taekook Fiction nor Normal Story. This is neither ongoing nor completed. This is never ever endless feeling of the stubborn lady.
