[Unicode]
🧡မဆုံတာတောင်ကြာပြီ။
တွေ့ရင် မမြင်ချင်ယောင်ဆောင်သွားပါ။
🧡ပူနွေးလာတဲ့ကမ္ဘာ့ရာသီဥတုနဲ့အတူ
ဆင်ခြင်တုံတရားမဲ့လာခြင်း။
🧡ကမ္ဘာဟာ ၂၃ ၁/၂ ဒီဂရီစောင်းတယ်ဆိုတာကို
မေ့လောက်တဲ့အထိ
အမြင်တွေလည်း စောင်းခဲ့ပြီးပြီ။
🧡ခပ်ပိန်းပိန်းပြောရရင်
အစောင်းကို အစောင်းတိုင်းကြည့်ရင်
တည့်သွားတယ်ပေါ့။
🧡နေတွေ ပြင်းလာသလောက်
ချစ်ခြင်းမေတ္တာတွေ လျော့နည်းလာတာမျိုး။
🧡လုပ်ယူနေရတဲ့ ခင်မင်ခြင်းတွေမှာတော့
Expired Date ရှိတတ်တယ်။
🧡plus or minus zero
အပေါင်း သို့ အနှုတ် သုည
အဲဒီလိုကံတရားနဲ့ ယှဉ်တွဲမွေးဖွားလာသူပါ။
🧡အပေါင်းကို ၁ နဲ့မြှောက်ပြီး
အနှုတ်ကို ၂ နဲ့မြှောက်တာတော့
လွန်လွန်းတာပေါ့။
🧡ဘာတွေပဲကြုံကြုံ
ဟားတိုက်ရယ်မိလွန်းလို့ မျက်ရည်တောင်ကျမိ။
🧡ကိုယ်တိုင်လည်ရင်း ပတ်နေတဲ့ကမ္ဘာလိုမျိုး
လျှောက်တဲ့လမ်းတွေလည်း ထပ်ကာ ထပ်ကာ။
🧡ကြာလာတော့လည်း လူပဲလေ
စိတ်ကုန် စိတ်ပျက်တတ်တယ်။
🧡ခလုတ်ထိတိုင်း တရအောင်လည်း
ငါ့မှာ သူများတွေလို တစရာ
ချစ်ရပါသော ခင်ဖုန်းသက်ဝေလည်း မရှိ။
ရှမ်းသံဝဲဝဲနဲ့ ကိုကိုဖြိုးသူရလည်း မရှိတော့။
🧡ဘဝရဲ့ လမ်းတော်တော်များများဟာ
ဘာလမ်းတွေ ဖြစ်ခဲ့ပါလိမ့်။
အတိတ်ကို ပြန်လှန်ရှာရင်တောင်
ရှာစရာ အတိတ်တွေလည်း ကုန်သွားပြီ။
ပြီးတော့ လောလောဆယ် အနာဂတ်လည်း ကုန်နေရဲ့။
ပစ္စုပ္ပာန်ကိုတော့ ခဏရပ်နားထားတယ်။
နားလည်ပါရဲ့လား။
🧡နားမလည်ရင်လည်း
နားလည်ချင်သလို နားလည်လိုက်လို့ရ။
လူတိုင်းဟာ ဉာဏ်မှ မကောင်းကြတာ။
🧡ထပ်ပြောရရင်
အနာဂတ်ပျောက်နေတာ မဟုတ်ဘူး။
ငါ့ကိုယ်ငါ ပျောက်နေတာပါ။
🧡ခေါင်းမာတဲ့သူတွေဟာ အသေစောတတ်တယ်
အဲ့လိုဆိုရင်တောင် စိတ်မပူပါနဲ့
ပျင်းစရာလောကထဲမှာ
အကြာကြီးရှင်သန်ချင်စိတ်လည်း မရှိပါဘူး။
YOU ARE READING
🖤Fragile Truth🖤
Non-FictionDon't Read.(မဖတ်ရ။) It's about just my feeling and dark sides This is neither Taekook Fiction nor Normal Story. This is neither ongoing nor completed. This is never ever endless feeling of the stubborn lady.
