🎭တစ်စုံတစ်ခု ကို ဆုပ်ကိုင်ထားရတာ ပင်ပန်းလာရင်
လွှတ်ချလိုက်ပါ
ဘယ်လို လွှတ်ချနိုင်မှာလဲ
ငါ ဆုပ်ကိုင်ထားမိတဲ့ တစ်စုံတစ်ခု ဟာ
ငါ ကိုယ်တိုင် ပါ
🎭ဘဝ မှာ လျှောက်ရင်း လှမ်းရင်း
ဘယ်သူ က များ ငါ့ရင်ထဲ ထိ ရောက်လာပါသလဲ
ဖျတ်ခနဲ ပေါ်လာတဲ့ တစ်စုံတစ်ခု တောင် မရှိခဲ့ခြင်း
🎭ဘဝ မှာ လျှောက်ရင်း လှမ်းရင်း
ငါ့ မြင်ကွင်း က ပျောက်ကွယ်သွားသူတွေချည်းသာ
စိတ်ချင်း မနီးဘူး လို့ ခံစားခဲ့ရခြင်း
🎭၂၈ နှစ်ကြာ တစ်ယောက်တည်း
လျှောက်လှမ်းခဲ့ရတဲ့ ဒီခရီး
ငါ့ စိတ်ဝိညာဉ် ဟာ ပင်ပန်းနွမ်းလျ
ရေတစ်ဝက်ထည့်ထားတဲ့ ဖန်ခွက်တစ်လုံး မဟုတ်တော့
ငါ့ ကိုယ်ငါ လည်း လွှတ်ချဖို့ ခက်ခဲ
အမေ့ ရဲ့ အပြုံးတွေ ဟာလည်း
အမောမပြေ
🎭ငြင်းခုန်ရခြင်းတွေ နဲ့ အတော်နေသားကျခဲ့သည့်တိုင်
ငါ ဟာ စကား များများ မပြောချင်ခဲ့
ငါ ဟာ စကား များများ ပြောတတ်သူ တစ်ယောက် မဟုတ်ပါ
🎭ငါ ဟာ တိတ်ဆိတ်ခြောက်ကပ်တဲ့ သစ်ပင်အိုကြီး လိုပဲ
အဝေးက လှမ်းကြည့်ရင်လည်း ထီးထီးကြီး မြင်ရ
အနီးရောက်လာလည်း ထီးထီးကြီး ပါပဲ
🎭ဒီ မတိုင်ခင်က
ငါ ဟာ တက်ကြွတဲ့ ရည်မှန်းချက်တွေ လက်မလျှော့တတ်တဲ့ အမျိုးသမီးငယ် တစ်ယောက်ပါ
တဖြည်းဖြည်းနဲ့ ပျင်းရိခြင်း ဆယ့်ခြောက်ပါး ရယ် တွေဝေခြင်း သုံးဆယ့်ရှစ်ပါး ရယ် နောင်တတရား ခြောက်ဆယ် ရယ် က
တိုက်စားလာတဲ့ အခါ
ငါဟာ ရေ တိုက်စားခံရတဲ့ မြစ်ကမ်းပါး ပြို ကြီးလိုပဲ
ဆက်ပြိုနေဦးမှာပဲ
🎭ကိုယ်ဘာမှ မလုပ်ဘဲ နဲ့ ဘာမှ မမျှော်လင့်နဲ့ ဆိုတဲ့ စကား ကို
ငါ နားလည်ပါတယ်
ဒါပေမဲ့ ဘာမှ မမျှော်လင့်ခဲ့ရင်
ငါ ဒီနေ့လို စိတ်ဓာတ်ကျနေခဲ့မှာ မဟုတ်ဘူး
🎭ဘာမှ မရှိပေမဲ့လည်း ဘာမှ မစွန့်ဖြစ်ခဲ့
အဓိပ္ပါယ် မရှိခြင်းတွေကြားမှာ
ရှင်သန်နေရပေမယ့်လည်း
ငါ ဆက်ရှင်သန်ချင်ပါတယ်
ဒီလိုပြောရတာ ငါ အရမ်းအားနာပါတယ်
🎭ငါဟာ ဘယ်တုန်းကမှ သူရဲကောင်း ဖြစ်ဖို့ စိတ်ဆန္ဒမရှိခဲ့
ငါဟာ ဘယ်တုန်းကမှ ငါ့ကိုယ်ငါလည်း လွှတ်ချဖို့ စိတ်ကူးမရှိခဲ့
ESTÁS LEYENDO
🖤Fragile Truth🖤
No FicciónDon't Read.(မဖတ်ရ။) It's about just my feeling and dark sides This is neither Taekook Fiction nor Normal Story. This is neither ongoing nor completed. This is never ever endless feeling of the stubborn lady.
