The Possessive Man's Girl

Pahina 28

PAHINA 28

***

Tiningnan ko ang repleksyon ko sa salamin. Ngumingiti ako habang nagsusuklay ng buhok. Hindi parin ako makapaniwala. Binigyan ng chance ni Auntie si Ales.

Pumayag siyang ligawan ako ni Ales, though kami naman na talaga ni Ales.

Napahinto ako ng marinig ko ang malakas na boses ni Auntie mula sa baba. Nagtaka ako dahil parang may kaaway si Auntie sa baba.

Hindi naman palaaway si Auntie ah. Eh halos lahat ng kapit bahay naman close niya. Hmm.. baka may katawag sa telepono. 

Nagkibit balikat nalang ako at nagpatuloy sa pagsuklay.

Hay, may pasok na naman.

Parang ayokong pumasok ngayon. Sugurado naman akong busy ang ibang teachers dahil malapit na ang JS namin.

Hay, I wish pwedeng magdala ng outsider bilang date.

I will definitely pick Ales as my date.
Speaking of... ano kayang nangyari sa matandang 'yun?

Tinigil ko muna ang pagsusuklay ko at tiningnan ang cellphone ko.

Merong five messages.

Excited kong binuksan ang phone ko at chineck kung sino ang nagtext. I feel disappointed dahil wala man akong narecieve na message mula kay Ales lahat puro kay Carla.

Nagtatanong siya kung papasok daw ba ako ngayon. I'm sure namiss na ako ng bruhang 'yun.

Nireplyan ko si Carla at sinabing papasok ako. Bumuntong hininga ako at nakasimangot na tiningnan ulit ang repleksyon ko sa salamin.

Ano ba kasing ginagawa ng tandang 'yun at hindi man ako tinext ngayong umaga.

Ugh, I feel like a clingy girlfriend right now.

Tinapos ko na ang pag-aayos ko sa sarili at mabilis na kinuha ang bag ko na nasa kama. Mabilis akong lumabas ng kwarto at bumaba.

"Oh, hindi ganyan! Ano ba? Hindi ka ba marunong maghugas ng pinggan? Simpleng bagay hindi mo pa magawa!" rinig kong sigaw ni Auntie.

Woah? Sinong kausap ni Auntie?

Mabilis kong tinungo kung saan nanggagaling ang boses ni Auntie. Sa kusina. Sino naman sinigawan niya?

"Auntie, bakit–Ales?" gulat kong sabi ng makita ko si Ales sa lababo na may suot na apron at... naghuhugas ng pinggan.

Oh my god! Don't tell me..

Binalingan ko ng tingin si Auntie na nakapameywang sa gilid. Mukhang galit na galit ang mukha niya.

Pero anong ginagawa ni Ales dito?

"Good Morning, baby!" narinig ko ang masiglang bati ni Ales sa'kin.

Hindi ako makapagsalita dahil sa gulat. Hindi ko pa rin maproseso ang nangyayari.

"Hoy! Dalian mo ang paghugas niyan! Ito pa oh, mga kaldero pa! Hugasan mo ang mga 'yan!" biglang singgit ni Auntie kaya napatingin ako sa kanya.

"Auntie!" sigaw ko sa kanya.

Binaligan niya ako at tinaasan ng kilay.