「Unicode 」
သူတို့ ၇ လွှာ ၈လွှာ လောက်ကို တက်ပြီးတော့ အားလုံးမောဟိုက်လာပြီး ရန်ရိ လည်း သူ့ချွေးစက်တို့ ရင်ဘတ်ထံစီးကျ၍ အနည်းငယ် ယားကျိကျိဖြစ်လာသည်။
ထိုအချိန် ရေဒီယိုမှရွှီကျင့်အသံထွက်ပေါ်လာပြီး
" ရန်ရိ မင်းဘယ်အထပ်မှာလဲ? "
" ၁၀ လွှာပါ "
" ငါအခုပဲ ၁၃လွှာ ဓါတ်လှေကားမှာ တစ်ယောက်ယောက် ပိတ်မိနေတယ်လို့သတင်းရတယ် "
" အိုကေ ကျွန်တော် နှစ်ယောက်လွှတ်လိုက်မယ် "
ရန်ရိ ၀မ်းမုန်အဖွဲ့က ခေါင်းဆောင်တစ်ယောက်ကို တပ်သားနှစ်ယောက်ခေါ်ကာ ဓါတ်လှေကားကိုစစ်ဖို့ပြောလိုက်ပြီး ကျန်တဲ့သူတွေကတော့ ဆက်သွားကြသည်။
ဒီအဆောက်အအုံရဲ့ အရှေ့နဲ့ အနောက်ဘက်မှာ လှေကား၂ ခုရှိပြီး မီးလောင်တဲ့နေရာက အနောက်ဘက်နဲ့နီးတာကြောင့် သူတို့အရှေ့ဘက်လှေကားကနေ အပေါ်တက်ကြသည်။
၂၁ လွှာကိုခက်ခက်ခဲခဲ တက်ပြီးသည့်နောက် အားလုံးဟောဟဲလိုက်နေကြပြီး ခြေထောက်တွေလည်း အားပျော့နေသည်။
၂၁ လွှာက မီးခိုးများဖြင့်ပြည့်နေသော်လည်း မီးတောက်တွေတော့ များများစားစားမရှိ။ အများစုက မျက်နှာကျက်၌သာ ရှိနေသည်။
ရန်ရိ မောဟိုက်စွာ ဆောင့်ကြောင့်ထိုင်ရင်း နံရံကို စူးစမ်းနေပြီး
" ၂၀ စက္ကန့်နားမယ် "
ရန်ရိ သူ့စိတ်ထဲကနေ ၂၀ထိရေတွက်ပြီးနောက် အမိန့်ပေးလိုက်သည်။
" ၀မ်းမုန် သူတို့ကို ရေဖြန်းမီးသတ်ဖို့အတွက် ခေါ်သွားပြီး လျိုဟွေးက ငါနဲ့သွားစစ်ဖို့လိုက်ခဲ့ "
" ဟုတ်ကဲ့ "
Mask များတပ်ဆင်ရင်း ရန်ရိနဲ့ လျိုဟွေး ၂၂လွှာလှေကားဆီတက်သွားကြသည်။
၂၂လွှာကော်ရစ်တာ၌ မီးခိုးများ လှိုင်းခတ်နေကာ မီးများက ရုန်းရင်းဆန်ခတ်ဖြစ်နေ၏။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...