{ Unicode }
သူတို့နှစ်ယောက် အတူကြည့်လိုက်ကြတော့ လမ်းကြားအဝက လူနှစ်ယောက်ထွက်လာသည်ကို မြင်လိုက်ရပြီး အရပ်ရှည်ရှည်နဲ့တစ်ယောက်က သူတို့ cctv မှာမြင်ခဲ့သော ခေါင်းစွပ်သမားနှင့်တူသည်။
ဆိုင့်ချောင်အသံ အင်တာကွန်းကနေ ထွက်ပေါ်လာသည်။
" သေစမ်း ငါနှစ်မိနစ်လောက်ပဲ ထွက်သွားတာကို "
ကုံးရင့်ရှန် ပြောလိုက်သည်။
" သူတို့လမ်းက အမှိုက်ပုံးနားရောက်ရင် ငါတို့ ရှေ့ရောနောက်ကပါဝိုင်းမယ်၊ ဆူဆူညံညံမဖြစ်ဖို့သတိထားပါ၊ ဆိုင့်ချောင် မင်းကသူတို့ငှားထားတဲ့အိမ်ကို တန်းသွားပြီး ပိုက်ကွန်ထဲငါးကျန်ခဲ့လားဆိုတာ သွားကြည့်ကြည့် "
သူပြောကာ ကားတံခါးဖွင့်ပြီးအပြင်ထွက်သွားသည်။
ရန်ရိ လည်းတံခါးဖွင့်လိုက်ပေမယ့် ကုံးရင့်ရှန်က သူလက်နဲ့တံခါးကို ပြန်တွန်းပိတ်လိုက်သည်။
" ခင်များ ကားထဲမှာပဲနေ "
ရန်ရိက လက်မခံဘဲ ကားမှန်ချကာ ပြောလိုက်သည်။
" ငါမင်းကို အရင်တစ်ခေါက်က ငါ့အလုပ်မှာ ပူးပေါင်းခိုင်းတယ်လေ "
" အဲ့တာက ခင်များကျွန်တော့်ကိုခေါ်တာလေ၊ ပြီးတော့ အခု ကျွန်တော်ကခင်များကို ကားထဲမှာနေခိုင်းတာ "
ကုံးရင့်ရှန် သဘောထားက အလွန်တင်းမာနေလျက်။
" ထွက်မလာနဲ့ "
ရန်ရိ နှုတ်ခမ်းဆူလိုက်သည်။
ကုံးရင့်ရှန်ကတော့ necktie ကိုဆွဲဆန့်ကာ တရားခံဆီသို့ထွက်သွားပြီး အလုံပိတ်ကားထဲမှ သာမန်ဝတ်စုံနဲ့လူနှစ်ယောက်ကလည်း အခြားတစ်ဖက်မှ ချဥ်းကပ်သွားကြသည်။
ကုံးရင့်ရှန် ခေါင်းစွပ်သမားနဲ့ ဆယ်မီတာလောက်ပဲကွာတော့တဲ့အချိန်မှာ ခေါင်းစွပ်သမား ကုံးရင့်ရှန်ကိုတွေ့သွားပြီး ထိုသူ့ခန္ဓာကိုယ်က သိသိသာသာကို တုန်လှုပ်သွားသည်။
ကုံးရင့်ရှန်သူ့ပုံစံသူ သတိမထားမိလောက်ဘူးလို့ ရန်ရိတွေးမိသည်။ သူ့ပုံစံက အရမ်းကို ပေါ်လွင်နေပြီး ရာဇဝတ်သားတွေဖမ်းဖို့တကယ်ကို မသင့်တော်ပါပေ။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...