Wed, Aug 11, 2021
{ Unicode }
သူတို့သုံးယောက် အများကြီးဆွေးနွေးကြရင်း နောက်ဆုံး Seraph ဆီစကားရောက်သွားသည်။
" ရှောင်ထန်ပြောတာတော့ အဲ့ဒီ့ website မှာ အရင်တည်ထောင်သူရှိတယ်တဲ့၊ လွန်ခဲ့တဲ့နှစ်အတော်ကြာတုန်းက U.S တရားရေးရာဌာန ရှင်းလင်းတာခံလိုက်ရပြီး အရင်နှစ်နှစ်လောက်ကမှ ပြန်ပေါ်လာတာ၊ Website နောက်ကွယ်မှာ တရုတ်မှာ အချိတ်အဆက်ရှိပြီး active ဖြစ်တဲ့ user အဖွဲ့အစည်းရှိတယ်၊ အရေအတွက်က ကျွန်မတို့ထင်တာထက်များလောက်တယ်၊ ရှောင်ထန် အင်တာနက်ပေါ်က ရှာတွေ့ထားတဲ့ သတင်းတွေလည်းရှိသေးတယ် "
ကုံးရင့်ရှန် ညစ်ကျယ်ကျယ်ပြုံးလိုက်ပြီး
" ကျွန်တော်တို့ ကျိုးချွမ်းနဲ့ ချန်ဖေ့ကိုမိထားပြီးဆိုကတည်းက website က အချက်အလက်အများကြီး ပေါ်သွားပြီ၊ ပြီးတော့ ကျွန်တော်တို့ လူတွေပိုရှာနိုင်ဖို့ နွယ်ကြိုးအတိုင်းလိုက်ရမယ် "
" ငါဒါကို သံသယမရှိပါဘူး ဒါပေမယ့် နည်းနည်းစိုးရိမ်တယ် "
ချိုးယန် မျက်မှောင်ကြုတ်သွားသည်။
" မင်းတို့ကိုယ်ရေးရာဇဝင်တွေ ပြန့်သွားတယ်၊ အမှုတိုးတက်လာတာနဲ့အမျှ မင်းတို့လုံခြုံရေးကို စိုးရိမ်တယ်၊ မင်းတို့တစ်ခုခုသတိထားမိရင် ငါ့ကိုပြောရမယ်နော်၊ မင်းတို့ကိုကာကွယ်ဖို့ ရဲတွေလွှတ်ပေးမယ် "
[ T/n : ချိုးယန် ကုံးရင့်ရှန်ကိုပြောရင် ရင်းနှီးတာမို့ မင်းနဲ့ငါ သုံးထားတယ်၊ ဘေးလူနဲ့ဆိုရင်တော့ ကျွန်မ* ပဲသုံးပါတယ် ]
" ကောင်းပြီ "
သူတို့ ထပ်ဆွေးနွေးကြသည်။ ဦးလေးရှန့်ကလည်း နေ့လယ်စာပြင်ပြီးတော့ သူတို့ကို ထမင်းစားဖို့လာပြောသည်။
ချိုးယန်က ခါးဆန့်ပြီးပြောသည်။
" ရှင်တို့မြန်မြန်လာခဲ့ကြ "
ပြောပြီးတော့ ဦးလေးရှန့်နဲ့စကားပြောကာ ပြုံးရင်းထွက်သွားသည်။
" လာ "
ကုံးရင့်ရှန်က သူထုတ်ထားတဲ့ပစ္စည်းတွေကို စုစည်းရင်းပြောလာသည်။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...