Translator - Lynx
lynxash33@gmail.com----------
[ Unicode ]
ရန်ရိ co- pilot ( lover seat ) သို့သွားအံ့ဆဲဆဲ၌ ကုံးရင့်ရှန်က သော့ပစ်ပေးလာပြီး ရန်ရိလည်းအကျင့်အရ လှန်းဖမ်းလိုက်သည်။
" ဟမ်? "
" ခင်များကားမောင်း "
" ဘာလို့လဲ? "
" ကျွန်တော်နေမကောင်းဘူး "
ကုံးရင့်ရှန် ပုံမှန်အတိုင်းပြောလာ၏။
ရန်ရိ မမောင်းချင့်မောင်းချင်နဲ့ ကားတစ်ပတ်သွားကာ တံခါးဖွင့်၍ ကားထဲဝင်လိုက်သည်။
ကုံးရင့်ရှန် ကအနောက်ဘက်ခုံ၊ ဘယ်ဘက်ခြမ်း၌ အလွန်သတိရှိရှိထိုင်နေလျက်။
ရန်ရိ နောက်လှည့်ပြီး သူ့ကိုစိုက်ကြည့်လိုက်သည်။
" မင်းငါ့ကို ဒရိုင်ဘာလိုဆက်ဆံနေတာမလား? "
ကုံးရင့်ရှန် မျက်တောင်ခတ်လိုက်ပြီး သူ့လက်ဆွဲအိတ်ကိုဖွင့်ကာ အထဲမှလက်အိတ်ဖြူတစ်စုံထုတ်လိုက်သည်။
" ခင်များကို ဒရိုင်ဘာလိုဆက်ဆံရင် ဒါတွေဝတ်ခိုင်းမှာ "
ရန်ရိ အံကြိတ်လိုက်ပြီး ကားစထွက်လိုက်သည်။
" နောက်ပြီးတော့ ခင်များအရည်အချင်းနဲ့ ကျွန်တော့်ဒရိုင်ဘာမဖြစ်နိုင်ပါဘူး ၊ ခင်များဒါတွေဝတ်ချင်ရင်တော့....."
" မဝတ်ချင်ပါဘူး "
ရန်ရိ ကားထဲမှာ မူးလဲချင်စရာဆေးနံ့များပျံ့နံ့နေပြီး ထိုနေရာက နေထိုင်ရအဆင်မပြေသည့် ခြောက်သွေ့ ၊ သန့်ရှင်းသော နေရာမှန်း သိလိုက်ရသည်။
အချိန်အကြာကြီးနေပြီးနောက် ထိုအရာကပဲ လူကို အသက်တစ်ခါရှူသွင်းလိုက်တိုင်း အဆုတ်ကိုသန့်ရှင်းပေးသကဲ့သို့ အနည်းငယ်သက်သောင့်သက်သာ ဖြစ်စေပြန်သည်။ရန်ရိ ကားထဲဝေ့ဝဲကြည့်လိုက်သည်။
Wrangler [1], နေရာကျယ်ပြီး အသားမာတဲ့ အလွန် gentleman ဆန်သည့်ကားမျိုးကို သူအမြဲတမ်းကြိုက်နှစ်သက်ခဲ့သည်။
ဒါပေမယ့် ထိုကြမ်းတမ်းတဲ့ပုံပန်းသွင်ပြင်နှင့် ကုံးရင့်ရှန်၏ အလွန်လက်ရာမြောက်သော ခေါင်းအစခြေအဆုံးစတိုင် နှင့်လုံးဝမလိုက်ဖက်ပေ။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...