Tue, Aug 24, 2021
{ UNICODE }
ရန်ရိ ကျည်ဆန်ကိုက်ပြီးသာ ကုံးရင့်ရှန်နဲ့ အောက်ဆင်းသွားရသည်။
မြောက်ဘက်ပိုင်းက ဆောင်းညသည်ကား အပူချိန်သုညနားကပ်လာပြီ။ ချီရှောင်း သားရေဂျာကင်တစ်ထည်နဲ့ ဂျင်းသားတွေပဲဝတ်ထားပြီး အရမ်းပိန်နေပုံပေါ်သည်။ မျက်ကွင်းတွေကနီရဲနေပြီး ခန္ဓာကိုယ်ကယိုင်ထိုးကာ ဆံသားတွေက နုံးချိချိလဲကျနေသည်။
လျှိုဟွေး ရန်ရိကိုမြင်ပြီး ပြောလာသည်။
" ခေါင်းဆောင်ရန်၊ သူ ခေါင်းဆောင်ကို လာရှာတာလို့ ပြောတယ် "
" ဟုတ်တယ်၊ ငါ့သူငယ်ချင်းပဲ၊ အဆောင်ပြန်တော့ "
ချီရှောင်းကလက်မြှောက်ပြီး ရန်ရိကိုဝှေ့ယမ်းပြလျက်၊ ငိုတာထက်ပိုရုပ်ဆိုးသော အပြုံးကြီးတစ်ခု လှစ်ဟာပြလာသည်။
" ဟိုင်း "
ရန်ရိ သူ့ဆီလျှောက်သွားပြီး မျက်မှောင်ကြုတ်လိုက်သည်။
" မင်းဘာဖြစ်တာလဲ? ဘာဖြစ်ခဲ့လို့လဲ? "
သူချီရှောင်းကို ဒီလိုတွေ့ရတာ တကယ်စိတ်ပူမိသည်။
ကုံးရင့်ရှန်ကချီရှောင်းကို လက်နှစ်ဖက်လုံး အိတ်ကပ်ထဲထည့်ရင်း စိုက်ကြည့်သည်။
" ကျွန်တော်အလုပ်က ထွက်ပြေးလာတာ...."
ချီရှောင်းနှစ်ခါရယ်ပြီး ဆို့နင့်သွားသည်။
" သရုပ်ဆောင်လေးမှာ ဘာလူ့အခွင့်အရေးမှ မရှိဘူးပဲ "
ရန်ရိ သက်ပြင်းဖွဖွချလိုက်ပြီး
" အထဲဝင်ပြီးပြောရအောင်၊ အပြင်မှာအေးတယ် "
ချီရှောင်း ခြေနှစ်လှမ်းလောက်ရှေ့တိုးလိုက်တော့ ရုတ်တရက်ခြေယိုင်သွားပြီး အရှေ့သို့ထိုးကျလာရာ ရန်ရိသူ့ကို မျက်စိတစ်မှတ်အတွင်း အမြန်လှမ်းဖက်လိုက်သည်။
ကုံးရင့်ရှန် နှုတ်ခမ်းတွေကို အနည်းငယ်တင်းတင်းစေ့ပိတ်လိုက်ပြီး အသားအရောင်က မပြောင်းမလဲရှိနေသော်ငြား နှာဖူးပြင်မှ ပြာလဲ့လဲ့သွေးကြောများ ထောင်ထလာသည်။
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...