للسلاح شياطين

الفصل الثالث

بعد ما امل لاحظت مراقبتهم ليها وأنهم فى كل مكان وليهم ناسهم اللى بيشتغلوا معاهم ..
اتصل عليها الشخص المجهول
امل : اخيرا اتصلت ،انت عايز منى ايه مراقبنى ليه مالك ومالى !!!.
المجهول : هدى نفسك يا امل هتعرفى كل حاجة بس فى وقتها بس طبعا قبل ما نعرفك احنا مين وعايزين منك ايه لازم نختبرك .
امل باستغراب : تختبرنى!! وانا ايه اللى يجبرنى انى اتعرض لاختبار علشان سواد عيونك انت شكلك كده عيل صايع وفاكر انك هتخوفنى بشوية الحركات دى.
المجهول : مفكرانى بابوكى،كان فاكر نفسه سوبرمان وهو النموسة تموته.
امل : انت مالك ومال ابويا انت مين اصلا ؟؟انت حد من أصحابه؟؟.
المجهول : قولتلك كل حاجة فى وقتها وكده كده هتلفى حوالين نفسك ومش هتلاقيني الا أما اقرر.
وقفل الخط ..
امل : الو الو اووووف..
امل بدأت تفكر مين اللى يعرف باباها ؟؟وهى اصلا متعرفش غير صاحبتها سهام والدكتور أحمد اللى مسئول عن حالتها وصاحبها وعشرة سنين ..
امل التفكير يخدها ويجيبها وهى خلاص تعبت و مش فاهمة حاجة؟؟ ليه لازم يختبروها ؟؟؟هى الحاجة اللى عندها دى غلط؟؟ هما بيشتغلوا فى ايه ؟؟وافكار كتيرة لحد ما قررت انها هتحاول تنسى اللى حصلها ولا كأن اى حاجة حصلت ..
امل : الو ازيك يا سهام عامله ايه ؟؟
سهام : الحمدلله... التصميمات بتاعتى خلصت ومن بكرا هبدأ فى تنظيم الاتليه علشان العرض ، اه صحيح عملتى ايه ؟؟
امل : فى ايه ؟؟
سهام : يا بنتى مع الشخص اللى مجننك ده
امل : فكك ده طلع عيل بيشتغلنى ومش عارفه شكله كان عايز فلوس أو حاجة زى كده شايفنى ناقصه .
سهام : متأكدة أنه الموضوع كده
امل : أيوة اومال ايه غير كده يعنى ،سبيني اقولك مبروووك على انهاء التصاميم اللى تعبتى فيها وشغالة فيها من شهور واه أنا من بكرا هاجى عندك واساعدك فى تنظيم العرض .
سهام :الله يباركلك يا قلبى ، ده انتى هترحيني والله ده انا شايله همه ،سلام بقى علشان اشوف اللى ناقصنى .
امل : سلام .
تانى يوم ..
امل قررت انها مش هتفكر تانى فى الموضوع ده ودخلت جهزت الفطار و كوباية القهوة ولبست ونزلت علشان تروح الاتليه .
امل كان أول مرة بعد كتير تحس انها رجعت لحياتها وحاسة بأمان كأن حقيقى مفيش حد بيراقبها يمكن كان اصلا مفيش حد وده كله تهيئات!! ممكن وليه لا!! أنا اصلا بكبر المواضيع اكيد سهام كان عندها حق ،
هو يفتكرنى عبيطة وهخاف وبس هو يعرف ابويا منين؟؟ لالا اكيد قال كده علشان يخوفنى مش اكتر ..
فاقت من افكرها على صوت التلفون كان أحمد اللى بيتصل..
امل : هاى ميدو .
احمد : ايه ده الجميل مزاجوا رايق ولا ايه.
امل : عال العال أنا خلصت من الهم خلاص .
احمد : خلصتى؟؟!!!! خلصتى منه ازاى؟!!!! هو انتى عرفتى هو مين ؟!!
امل : احمد مالك اترعبت ليه كده كأنك منهم يعنى .
احمد: لا طبعا !طبعا لا!!... أنا أنااا بسس قلقت عليكى .
امل : قلقك ملهوش داعى ياعم ده طلع عيل من العبط اللى بيضحكوا على الناس بس عرفتوا انى قفشاه وانه مش هيعرف يعمل حاجة معايا خالص .
احمد: والله طيب كويس انتى فين دلوقتى ..
امل : أنا رايحة لسهام الاتليه هساعدها فى العرض .
احمد :طيب تمام ..عايزة حاجة؟
امل : لا عايزة سلامتك،باى.
فى الاتليه..
امل: سووو وحشتينى .
سهام : انتى اكتر يا قلبى ،أيوة كده رجعتلنا امل بتاعتنا .
امل : هههه، ها أنا جيالك كلى حماس ابدأ منين
سهام هقولك هنبدأ اول حاجة بالتنظيف وبعد كده الديكورات والإضاءة وشاشات العرض وبعد كده الفساتين هنرتبها هى والمكياج والاكسسوارات والأحذية والاعلانات و...
امل : بسسسس أنا غلطانه انى جيت اصلا ايه ده كله أنا كده مش هيبقى عندى صحة هههه
سهام : شوفتى بقى أنا محتاسة ازاى
امل : هههههه يلا نبدا يلا يا بنتى
سهام : طيب ناكل الأول .... فى حته محل فاتح جديد للفراخ المشوية انما ايه حكاية ..
امل : تصدقى أنا جوعت يلا اطلبى ناكل وبعد كده نشتغل احنا مدلعين اصلا وبرود الدنيا فينا
سهام : ههههه ثوانى والأكل هياجى وعلى حسابك يا ستى مهيصاكى أنا ههههه
امل : هههههههه .
بعد اسبوع من الشغل شوية والأكل شوية والعب شوية امل نست نفسها و اللى حصلها وجه يوم العرض
سهام : ااااه أنا هموت من الفرحة العرض شكله تحفة والتنظيم جامد جدا .ايه رأيك ؟
احمد : لا الصراحة جامد واضح انكم تعبتوا ، تستاهلى يا سووو.
سهام: ربنا يخليك يا ميدو ، تعبنا إلا تعبنا بس ده كله يهون قدام النجاح ده .
احمد : اومال امل فين ؟؟
سهام: زمانها جايه دلوقتى، أنا هروح اظبت الاغانى وافحص الإضاءة والفساتين وتجهيزات علشان التقديم قرب .
احمد : ماشى ، بالتوفيق
ووصلت امل اللى كانت اجمل واحدة بفستانها الاحمر الساحر اللى حقيقى سحر كل اللى موجودين وبالاخص احمد اللى كان شايفها ملاك كل حاجة مظبوطة من الكعب للمكياج للشعر كانها قمر نازل من السما ...
امل : هاى يا احمد ،ايه رأيك شكلى حلو ؟؟
احمد : حلو قليلة على ملاك اللى شايفه قدامى .انتى حلوة اوى ..
امل : متكسفنيش بقى الله ..وش امل احمر وبصت بعيد عن عينه اللى متشلتش من عليها
امل : احمد احمد العرض بدأ صح صح كده.
احمد : عرض ايه دلوقتى متلبسيش كده تانى الناس كلها بيبصولك . اروح اضربهم دلوقتى.
امل : متزودش الموضوع يا احمد ده انا صاحبتك من سنين اول مرة تعرف انى حلوة .
احمد : يسلام
امل : يسلام سلم ،قفل بقى خلينى اركز العرض بدأ
العرض كان مثال للجمال الوان الفساتين اللى اول ماتشوفها تعشقها حقيقى أثبتت سهام شاطرتها وابداعها وجمالها وروحها الحلوة فى العرض ده وخلاص جه وقت أن سهام تطلع على المسرح وظهر على الشاشة الكلام ده " الوقت المناسب جه يا امل وهثبتلك أنا مين واقدر اعمل ايه "
وفجأة صالة العرض اتفجرت وحصلت حريقة .....

يتبع.......