للسلاح شياطين

الفصل الثامن

امل : متقلقش يا عم خالد ، أنا بس كنت عايزة اعرف الأماكن اللى كان بيروحها بابا ،وانت الوحيد اللى هتقدر تساعدنى .
عم خالد : يا بنتى كل اللى كنت بعمله إنى أوصله للشغل ومن الشغل للبيت وكده مكنش بيروح اى مكان معايا .
امل : ازاى يا عم خالد !!! بابا كان بيروح لمخزن انت
تعرف عنه حاجة أو كان بيروح مع مين كان بيكلم مين وبيكلمه فى ايه معلومات من النوع ده يعنى ؟؟
عم خالد : مخزن!! لا يا بنتى معرفش اى حاجة عن المخزن اللى بتكلمى عليه ده وزى ما بقولك كده انا كنت بوصله للشغل وبعد كده للبيت مش اكتر من كده ،و مكنش حد بيركب معاه أما على المكلمات كانت عادية بخصوص الشغل مش اكتر .
امل : حاول تفتكر اى حاجة ياعم خالد انا محتاجه اى معلومة ابوس ايدك .
عم خالد: خير يا بنتى هو فى حاجة؟!! شكلك فى مصيبة وموالها طويل .
امل : الا طويل ..طيب همشى أنا بقى ضايقتك يا عم خالد معلش .
عم خالد : عيب عليكى يا بنتى ، أنا مصدقت شوفتك ولو عليا كان نفسى اساعدك .
امل : أن شاء الله اجيلك تانى .
عم خالد : طب اشربوا الشاى حتى .
امل : مرة تانية أن شاء الله ،سلام .
عم خالد : أنستوا وشرفتوا .
امل واصحابها ركبوا العربية ومشوا ..
وهما فى الطريق.......
احمد: هتعملى ايه دلوقتى يا امل ؟
امل : معرفش أنا كان املى انى هعرف مكان المخزن من عم خالد ، بس ولا عرفت اى معلومة .
سهام : طيب يعنى هنعمل ايه ؟ طب اقولك شوفى اى حد من صحاب ابوكى يمكن نوصل لحاجة .
امل : معرفش حد للأسف، احمد انت اكيد تعرف حد انت كنت صاحب بابا وعارف أصحابه صح ؟!
احمد : اه عارف بس مفتكرش أن حد هيفيدنا .
سهام : نجرب يمكن .
امل : اه سهام عندها حد ، احمد بكرا تروحلى لكل اصحاب بابا وتحاول تاخد منهم اى معلومة .
احمد : طيب هشوف بكرا .
امل : وانتى يا سهام لازم تشوفى شغلك بقى ودورى على مكان كويس تشتريه وتنفيذى تصاميمك.
سهام : ماشى هشوف السمثار ،وانتى هتعملى ايه يا امل ؟
امل : هعقد فى البيت ادور على اى معلومة لحد ما احمد يخلص .
سهام : طيب .
وصلوا البيت ونزلت امل و سهام و ودعوا احمد .....
سهام : العصر لسه مأذنش نطلب الغدا !
امل : طيب ماشى اطلبى على زوقك .
سهام : طيب لحد ما نغير يكون الاكل وصل .
امل : طيب .
بعد ساعة ....
الجرس بيرن ...
امل : سهام افتحى الباب .
سهام : حاضر حاضر .
سهام دفعت فلوس الاكل واخدته .
وبعد ما خلصوا اكل تلفون امل التانى رن ..
امل : نعم
الشخص المجهول: شطورة يا امل والشطار دائما مش بيوصلوا من اول مرة أنا عارف انك هتلاقى البضاعة .
امل : مش فاهمة ايه لازمت الكلام ده يعنى .
الشخص المجهول : اعتبريه انى بشجعك .والصراحة أنا بس بطمن انك مش ممكن تغدرى بيا .
امل : لا متقلقش أنا مهصدق اتيهالك واخلص.
وقفل السكة ..
امل رمت التلفون بقرف ... وقالت لسهام أنها هتقوم تعمل عصير .
بعد ما امل حضرت العصير وشربوا طلعوا ناموا ...
تانى يوم اللى قالته امل اتنفذ بالحرف احمد راح لأصحاب ابوها وسهام خرجت تدور على مكان كويس تشتريه ،وجه دور امل انها تروح مشوارها ...
امل وصلت لبيت عم خالد وخبطت على الباب ....
عم خالد فتح الباب : امل اتفضلى .
امل : ها يا عم خالد في ايه انا استغربت الورقة اللى انت حطتها فى ايدى وانا بسلم عليكى وبتقولى فيها " تعالى تانى بس لوحدك ومحدش يعرف " ..
عم خالد : أنا اعرف مكان المخزن يا امل ..
امل : طب ومقولتش ليه هو فى ايه ؟!!.
عم خالد: الاستاذ عبدالله طلب من انى اقولك مكان المخزن لو سألتينى عنه بس وانتى لوحدك ، والمرة اللى فاتت كان معاكى الدكتور أحمد والآنسة سهام .
امل : طيب يعنى أنا المفروض معرفش أحد بمكان المخزن ، قصدك كده .
عم خالد: بالظبط .
امل : تمام ، احنا هنروح دلوقتى ؟!
عم خالد : كمان يومين .
امل : ليه يعنى ؟!!
عم خالد : اصبرى يا بنتى فى شوية حاجات لازم اخلصها الاول وبعد كده نروح .
امل : ماشى أنا هديك رقمى علشان لما تجهز تكلمنى .
عم خالد: ماشى يا امل .
امل : همشى أنا علشان محدش يلاحظ انى مش فالبيت .
عم خالد : خلى بالك من نفسك وحرصى من التعابين اللى وراكى .
امل : عم خالد عايزة اسألك سؤال ...هو ليه بابا غدر بشريكه.
عم خالد : استاذ عبدالله كتاب كله اسرار وانا الصفحات اللى قرأتها متجيش حاجة قصاد اللى لسه متفتحوش .
امل مشت وهى مستنية انها تروح المخزن انهاردة قبل بكرا ..
اتصلت امل بأحمد : ها يا احمد وصلت لحاجة ؟
احمد : لا محدش يعرف حاجة خالص .
امل : مش مشكلة كبيرة هنحاول تانى ، طيب سلام انت بقى .
احمد : استنى ، هو انتى فين ؟!
امل : أنا خرجت اغير جو هروح اى كافيه وشوف الناس يعنى اعتبرها فسحة .
احمد : طيب تماام ، خلى بالك من نفسك سلام ..
سهام روحت البيت بعد يوم طويل ..
سهام : اااامل يا ااااامل أنا جيت .. سهام متعرفش أن امل برا بس الغريب أن كان فيه حد فى اوضتها والواضح أنه مسمعهاش وهى بتنادى على امل ..
سهام طلعت على السلالم براحه وقلبها بيدق من الخوف و بتبص فى اوضة امل لقت احمد بيدور على حاجة عند امل ..
فكرت أنها تستخبه وتشوف هو عايز ايه ..وسمعته وهو بيتكلم فى التلفون مع شخص غريب وبيقوله : ايوه يا باشا مش لاقى حاجة ...سهام مستغربه احمد بيعمل ايه وبيكلم عن ايه ومع مين .
وفجأة سمعته وهو بيقول : ازاى دى قالتلى أنها فى كافيه !!! يعنى هى مخبيه حاجة عننا !!
سهام بتبص لاحمد اللى وشه احمر من العصبية وهى خايفة جدا لحد ما سمعته قال : طيب انا هعرف اربيها متقلقش ، اصبر بس عليا ، هفرحك المرة دى ...
والشخص اللى كان بيكلمه قفل السكة ...
سهام حاولت انها تنزل بهدوء ...
بس للاسف احمد شافها : سهام !!!
سهام اتجمدت مكانها ....
يتبع...............