للسلاح شياطين

الفصل الخامس

خلاص اخيرا امل هتعرف الحقيقة بتاعتهم بس متعرفش هى هترتاح ولا لا ....دقات قلبها عماله تزيد من التوتر والخوف عايزة تعرف ومش عايزة تعرف كأنها طفلة عملت مصيبة وخايفه من ابوها كانت خايفة ...
امل : ها اتفضل قول أنا سامعة اهو .
الشخص المجهول : أنا صاحب ابوكى وعشرة عمر ، أنا وهو كنا بنشتغل فى السلاح .
امل نزل عليها الخبر كالصاعقة كزلزال حطمها وكسرها ..
الشخص المجهول: سامعانى يا امل .
امل اتكلمت بالعافية :ك ك كم مل .
الشخص المجهول: اشتغلنا أنا وبابكى سنين كانت معاملتنا لبعض كلها ثقة أو بالاخص أنا اللى كنت بثق فى ابوكى بس هو لا .قبل ما يموت كنا مستلمين شحنه سلاح وابوكى اخدها وقال إنه هو اللى هيتصرف فيها ويبقى يحاسبنى، بس ابوكى غدر
بيا وقرر أنه هو اللى هياخد كل الفلوس وانا اشرب من البحر .
امل لما هديت شوية : ماشى ايه دخلى بقى انت وبابا انا مليش دعوه حتى الفلوس اللى انت بتكلم عنها دى بابا مات ولا استفاد ولا أضر منها وراح وسابها.
الشخص المجهول: سابها ليا و انتى اللى هتوصلينى ليها ، ومتخفيش مش هنضرك .
امل : أنا معرفش مكان البضاعة أو الفلوس اللى انت بتقول عليها اصلا .
الشخص المجهول : مش شغلى أنا عايز بضاعتى تتصرفى وتجبيهالى والا صدقينى هتندمى .
امل : طيب انت تعرف بابا مات ازاى؟؟؟! اوحتى اى دليل أن الباضعة موجودة ؟؟؟!
الشخص المجهول : هو لو أنا عارف كنت هحتاجلك ليه!!!استنى منى تلفون اعرفك امتى اختبارك .
امل : الوو استنا يا ...... قفل السكة
امل لأول مرة متتعبش هى اه اتصدمت بس محصلهاش حاجة كأنها كانت متوقعة كده متعرفش كان شاغل تفكيرها ردت فعلها اكتر من المشكلة اللى هى فيها.
امل ١٠٠ سؤال فى بالها ومش عارفه تربط الخيوط ببعضها تعمل ايه ولا تكلم مين بس هى متقدرش تصرف قبل ما يكلمها وبدأت الحرب بين ضميرها وأنها تبلغ الحكومة أو أنها تكمل بس ايه اللى يخليها تكمل هى مش هتخسر حاجة فلوس وهى فلوسها على قد مصاريفها واهلها ماتوا وهى اه ممكن تكون حياتها سبب بس بردوا أصحابها سبب اكبر هما اتأذوا بسببها وواضح انهم معرضين للخطر دايما وهيبقى هما العقاب لاى غلطة هتعملها .
امل هتروح وتطمن على صحابها ،ولسه هتمسك التلفون وترن لقت سهام بترن عليها ..
امل : الو يا سهام ...عامله ايه ؟؟!كنت لسه هرن عليكى ..
سهام : امل أنا وصلى رسالة على تليفونى من حد غريب بيقولى اقولك "ماتغلطيش علشان هتندمى "
أنا مش فاهمة حاجة يا امل ايه هو ده انا خايفة عليكى .احكيلى فى اى حاجة حصلت تانى .
امل : حصل كتير هبقى اقولك بعدين ، هو كده بيأكدلى انكم جوه اللعبة .
سهام : لعبة؟؟؟! قصدك ايه أنا عايزة افهم .
امل : بصى المهم انك دلوقتى تاجى وتقعدى معايا الفترة دى لحد ما اطمن انك فى امان....هروح اشوف احمد يمكن جالوا رسالة بردوا ، سلام .
امل اتصلت بأحمد : الو يا احمد انت كويس وصلك اى رسالة غريبة ؟؟
احمد : ايه ده عرفتى ازاى!!! ..اه وصلتلى وكنت لسه هقولك .
امل : من سهام هى كمان وصلها رسالة واتصلت قالتلى ، ها الرسالة بتقول ايه ؟؟
احمد : بتقول "قرارك هيكون مصيره ناس كتير " ،أنا حاسيت أن الرسالة دى من الشخص المجهول صح ؟!!
امل : اه من الشخص المجهول وانا قررت خلاص ،
بص يا احمد خلى بالك من نفسك وانا شوية كده وهتصل بيك اقولك امتى نجمع وفين .
احمد : تمام خلى بالك من نفسك انتى الأهم ومتتأخريش عايز افهم ايه اللى بيحصل .
امل : متقلقش أن شاء الله خير .
امل كانت عايزة تكلم الشخص المجهول وتقوله أن هى موافقة على الاختبار هو اصلا كان عارف انها هتوافق و أساسا هو مكنش فارق معاه ردها .
الشخص المجهول كان عارف كل حاجة عن امل من أكبر التفصيل لاصغرها ، اللى بتكرهه قبل اللى بتحبه كل حاجة وحتى عارف نقاط ضعفها فقرر يلعب عليهم كانوا أصحابها علشان يتأكد أنها مستحيل تعمل اى حركة غدر ..
من وسط ما امل كانت بتفكر ازاى تكلمه وتقوله أنها مواقفه هو اتصل عليها ...
فردت امل : بص أنا معاك وهدور معاك على البضاعة.
الشخص المجهول: مبروووك يا امولتى نجحتى فى الاختبار زى ما كنت متوقع .كده اطمن انك مش هتغدرى بيا زى ما عمل ابوكى .
امل : قصدك ايه ؟!!أنا مش فاهمة حاجة!!!! اختبار ايه؟؟!! .
الشخص المجهول : بصى أنا صدعت منك قولتلك نجحتى وخلاص والمكالمة الجاية هتكون بخصوص البضاعة....... يلا سلام.
امل مش فاهمة الاختبار ده المهم انها قررت انها هتوقف أصحابها فى ظهرها واتصلت بيهم .....
امل : سهام بصى تعاليلى دلوقتى واتصلى بأحمد وقوليله ياجى هو كمان بسرعة ..
سهام : طيب طيب جاية .
سهام قفلت مع امل واتصلت على احمد ....
سهام : الو يا احمد انت فين؟
احمد : أنا فالبيت، ليه؟
سهام : امل عايزانا نروحلها دلوقتى بسرعة .
احمد : ااااه طيب هروح .
سهام : بص عدى عليا نروح مع بعض أنا هلبس واستناك .
احمد : طيب .
بعد ما سهام وأحمد وصلوا لبيت امل استغربوا اللى هى بتعمله ...
يتبع...........