للسلاح شياطين

الفصل السابع عشر " الفصل الأخير "

وقفة
مش كل النهايات بداية . ساعات بتبقى هى النهاية أو أن الحياة زى ما هى . كل واحد فينا جواه كلام كتير ،وعايز
يقوله ويشرحه بس بيعجز عن ده وللاسف أنه بيشيل فى قلبه مش بينسى ومش بيقول هو بس بيشيل فوق طاقته لحد ما النهاية أنه بيطلع هو الشرير مع أنه مظلوم أو على الأقل كان عندو اسبابه اللى هو مقتنع بيها لأن مش كل الناس بتفهم أو بتقدر اللى بيحصلك . الحل انك يكون عندك الصبر والقوة والشجاعة على المواجهة انك تبطل نفاق وكره وانك تشوف العالم لاول مرة جميل، لانه جميل بوجودك .
امل فى دماغها افكار كتير وقرارات صعبة بس لازم تتشجع وتواجه .
امل اتصلت بعادل : البضاعة جاهزة وهتقابلنى فى العنوان اللى هبعتوا ليك .
عادل باستغراب من ردت فعل امل على اللى بيحصل واللى عرفته : أنا اللى هبتعلك المكان أنا مش ضامنك ، ولو عرفت انك بلغتى الحكومة هتندمى .
امل : طيب ماشى .
امل : سهام جهزى العربيات ويلا علشان نروح أنا هبعتلك المكان وابعتى العربيات عليه .
سهام : ماشى تمم .
أمل نزلت ووصلت المكان اللى فيه عادل .
عادل : فين البضاعة يا امل ؟
امل : جاية متستعجلش .
بعد ما العربيات وصلت ..
امل بتقوله اتفضل وبضحك وبيسمع صوت انذار الحكومة .
عادل بعصبية : بتبلغى عنى الحكومة يا أمل !!
فلاش باك ....
امل بعد ما طلعت من المخزن وصلت سهام البيت وخرجت وراحت القسم وبلغت الحكومة بكل حاجة . وبدأت الحكومة تسجل مكلمات امل مع عادل .
نرجع ......
عادل بعصبية : ضميرك ماكسبش يا امل . مش الخير اللى هينتصر صدقينى .
امل باستحقار وشماته : هتعمل ايه يعنى ورينى !
عادل : هموتك سهلة
امل : موت على الأقل هموت مرتاحة .
عادل كان ماسك جهاز وبمجرد ما هيدوس عليه المخزن هينفجر كله
امل استسلمت بس استسلمها كان انتصار مش هزيمة الموت كان هو الجائزة اللى بجد وانا بدافع عن الحق .
كلنا فينا نقطة خوف من الموت بس القوى اللى بيعمل لاخرته .
عادل ضغط على الزرار والمخازن كله ولع والموت كان هو الجمهور اللى بيشجع النهاية .
امل كانت بنت عادية أو مش عادية كلنا مختلفين محدش عادى .
عادل دمر نفسه وكان السبب العادات والتقاليد للمجتمع بأن البنت تتجوز اللى معاه فلوس وللاسف أن كان فى اللعبة دى أشخاص كتير جدا وكلهم ادمروا بسببها ام امل اللى تعتبر خاينه وأحمد الصاحب الخائن و عادل وعبدالله نفس النسخة دورا على الفلوس ونسوا الإنسانية .
أمل ماتت وانتهت القصة .....

لحظة رايحين فين ده كله كان هيحصل لو الحكومة معطلتش المتفجرات فى الوقت المناسب ، وانقذت امل وعادل اتقبض عليه بس قبل ما يمسكوه قتل نفسه بالسلاح اللى كان بيقتل بيه ده الناس ، زى ما أمل قالته السلاح ده هيتقلب ضدتك يا عادل .
وراحت امل اتجاه العربيات علشان تسلم اللى فيها لقت اول عربيه فيها كراتين فاضية واول كارتون عليها رسالة .
مسكتها وقراتها وكانت من سهام :
" امل انتى اخترتى نهايتك وانا مش مجبرة انى اتقبل النهاية اللى انتى عايزة تعيشها ، أن طول عمرى كنت ظلك مش اكتر ،كنت بهتم بيكى اكتر من نفسى ، حلمى ضايعتيه ، وكملت انى اتشليت ، انتى ظلمتينى يا امل كتير ، أنا كلام كتير عايزة أقوله بس كفايه لحد كده مش هظلم نفسى اكتر من كده . انا اخد حقى و اخترت طريقى .
سلام . "
فلاش باك ......
سهام بعد ما امل وصلتها البيت .
سهام : الو . لو سمحت عايزة احجز تذكرة فى أول طيارة لبريطانيا .
الموظف : تمام يا فندم ، الساعة 10 معاد الطيارة .
سهام : تمام ، شكرا .
سهام : بصوا العربيات دى هى اللى هتروح الصبح لامل . أما عربية الفلوس هتبقى معايا وهنروح البنك دلوقتى .
بعد ما سهام بتجهز كله وبتظبط مع العربية اللى هتوصلها المطار ، بتكسر خطها قبل ما تركب الطيارة وبتسافر.

نرجع .....
امل واقفة فى صدمة .
اول حاجة عملتها فتحت العربية التانية لقت فيها السلاح . وسلمته ومشت من غير اى كلمة .
امل كان كل اللى شاغل بالها هى حقيقى ظلمت سهام .
بس هى كانت بتحبها زى اختها .
طيب العيب فى مين ولا ده بروضوا اختبار .
هى بقت مش عارفه اى حاجة بس اللى تعرفوا أن هى دى البداية ، لان مفيش اى حد كمل معاها للاخر .
ومش فارق معاها الفلوس لأن فى الاول والاخر كانت ومازالت فلوس حرام .
أنا مش عارفه سهام صح ولا غلط ولا مين هو اللى صح . كل واحد وليه وجهة نظره وبيقى مقتنع بيها .
بس اللى نقدر نعمله أننا مانقفش . هنمشى ونمشى ونمشى لحد ما نوصل حلمنا ، لحياتنا ، ولحاضرتنا ومستقبلنا . متقفش مش العيب منك و ممكن ميكنش منهم وممكن ما يكنش بسبب الظروف ما تفكرش العيب فين ، امشى وصلحه فى طريقك لحد ما توصل للنهاية اللى انت عايزها .

الخاتمة
اتمنى الرواية تعجبكم ، كان نفسى اطول اكتر من كده .
الخلاصة الإنسان كل الناس فى حياته مرحلة مش اكتر فى اللى بيكمل الآخر وفى اللى بيقف فى الاول .
المهم انك تفضل ثابت ، ماشى اتجاه حلمك وتكبره لانه شخص من غير حلم يبقى شخص من غير روح .
والأهم أنك تختار الطريق الأصح متبعش ضميرك أو تتخلى عن كرامتك ، أو حتى تموت إنسانيتك . شوف الحياة جميلة لانها فعلا كده .