حبهن عظيم

2

وقفت حور في المكان المخصص لها وقالت بصوت كله ثقه : سيدي القاضي أن موكلي لم يكن إلا مجرد اداه قد تم التلاعب عليه من اقرب الناس إليه ف متي كان القانون يحمي الظالم ويظلم البرئ وفتحت الملف وأخذت بعض الورقات والسيديهات
وقالت : هذه الإثباتات التي تثبت أن موكلي تم التلاعب عليه ويوجد بعض الشهود وكان يوجد بعض كاميرات المراقبه التي لم يعلم أحد بها سوا موكلي وهذه الاوراق تثبت أن الأوراق التي قدمت تم التلاعب بها وتم التذوير ف التواريخ وسلمت الملف الي القاضي
قال القاضي بصوت عالي : الحكم بعد المادوله
تنفست حور بصوت عالي ونظرت الي استاذها ف ابتسمت
بعد وقت قليل صدر صوت القاضي :  بعد الاطلاع ع الأوراق وسماع الشهود حكمت المحكمه بالقبض علي .... و ...... وبالافراج عن .....
رفعت الجلسه
ابتسمت حور بفرح واحتضنت استاذها
استاذ مهاب : كده بقي نروح نتغدي ع رواقه 
حور بفرحه : نتغدي ونتعشي كمان 😂😂
بعد ما طلعت م المحكمه وف طريقها للمطعم بتطلع تليفونها عشان تكلم البنات تفرحهم بتبص لقت احمد رن عليها 29 مره
ف رنت عليه من اول جرس رد
احمد : اهلا بالهانم اللي سيباني مع دماغي تضرب تقلب ومفكرتش تطمني عليها 3 ايام ي حور معرفش عنك حاجه
حور بضحك : اي ي احمد بلعت راديو اديني فرصه ارد
احمد بغضب : وكمان بتضحكي عندك دم انتي اتفضلي فهميني
حور : فاكر القضيه اللي كنت شغاله عليها بقالي شهر ونص وقولتلك مسكاها لوحدي كان الحكم الاخير النهارده وكسبتها
احمد بفرحه : بجد ي حور الف مبروك ي حبيبتي ما يجبها الا بناتنا ايوه كده ي رافعه راسي
حور بضحك : بتتحول ف ثانيه الله يبارك فيك ي عيوني
احمد : دا احنا نتجمع النهارده ونتغدي سوا بقي
حور : سوري ي احمد انا مع استاذ مهاب هنتغدي سوا ع زمه نجاح القضيه ثواني هنا انت جيت امتي م الغردقه
احمد : لو الاستاذه كانت فضت نفسها 10 امبارح كانت عرفت أني هنا من امبارح
حور : خلاص سوري بقي نتقابل بليل وهكلم البنات نتفق نخرج سوا
احمد : ماشي ي حبيبتي خلي بالك من نفسك باي
حور : باي
بصت لاستاذ مهاب لقته مبتسم قال : يالا انزلي وصلنا كلتي دماغي انتي وأحمد 😂😂
حور بهزار : اديني هغديك اهو وتعوض😂😂
عند وتين خلصت فطار وراحت الحضانه هي بس ماسكه الحسابات وبتقعد مع الاطفال من وقت للتاني وهي داخله سمعت صوت عالي وعياط بسرعه فتحت الباب لقيت ولدين بتتخانقوا ع لعبه وبنوته بتعيط بصت جمب السبوره لقيت مس سمر دي المسؤوله ع الفصل دا قاعده ع ودنها الهيدفون ومركزه ف الفون ومش حاسه باللي بيحصل اصلا
راحت عند الولاد وقعدت ع الأرض عشان تبقي ف طولهم ف اي بس ي حبايبي
شادي : ي مس وتين رزان بتعيط عاوزه اللعبه وكريم قدامه لعب كتير ومش عاوز يسبها
كريم : هي اللي بنت عيوطه وكل ما حد يكلمها تعيط
رزان زاد عياطها
كريم : اهو شوفتي محدش كلمها وبتعيط
وتين : طب دلوقتي هي صغيره انت كبير ممكن تسيب شنطه المكعبات وتلعب بحاجه تانيه او ممكن تعملوا شكل بيت سوا اي رايك ي رزان لو تلعبوا سوا
رزان بدموع : لا هو هيضربني تاني
وتين بنبره قريبه من الغضب : ازاي ي كريم تمد ايدك عليها
كريم بأسف واضح : هي اللي ضايقتني وانا مكنتش اقصد وكمان شادي كل شويه يدافع عنها ما تدافع عن نفسها هي صغيره وقرب من ودنها بحيث محدش يسمع غيرها انا بحبها والله زي ساره اختي الله يرحمها بس عاوزه تعتمد ع نفسها وتكبر وتبقي قويه ومينفعش كل شويه تعيط
وتين بصتله بحب وبنفس نبره الصوت الواطي : بس هي كده هتخاف منك مش هتحبك اتعامل معاه براحه اكتر عشان انا كمان مزعلش منك
كريم : حاضر يالا ي رزان نلعب سوا وانت كمان ي شادي متزعلش انا مقصدش
ابتسمت وتين : يالا ي ولاد روحوا العبوا
وراحت ل مس سمر اللي تعتبر ف دنيا تانيه مع الفون شدت الهيدفون بغضب واضح
مس سمر : لي الغباء دا وبتبص لقت وتين
سمر : سوري ي وتين بس اتعصبت ومخدتش بالي
وتين : ف لحظه تروحي الحسابات وتصفي حسابك مش عاوزه اشوفك هنا تاني
سمر : والله انا مقصدش كل شويه ببص عليهم
وتين : انتي واحده غير مسؤوله بالمره انتي قاعده مع اطفال المفروض تبقي قد المسؤوليه دي اتفضل صفي حسابك وابعتي مس امل تاخد مكانك
سمر بغضب : تمام ي مس وتين
وتين بصت تاني ع جميع الأطفال وراحت مكتبها __________
عند ليل ف البنك قاعده ع مكتبها دخل سامح زميلها
سامح / 29 سنه شغال ف البنك بواسطه باباه ملوش ف الشغل شايف أن كل حاجه بتيجي بالفلوس وان البنات كلها بتترمي عليه
سامح بصوت عالي : اي ي لولا عامله اي
ليل بضيق : اولا اسمي الانسه ليل ثانيا لما تتكلم توطي صوتك احنا ف مكان شغل مش قاعدين قاعده تعارف
سامح : اي بس مالك قافشه كده لي احنا بناخد وندي مع بعض وكله بالحب يعني
ليل : انا ل تاني مره بحظرك حدودك متتخطهاش معايا والا مش هيعجبك تصرفي وقامت من ع المكتب راحت ل مدير البنك عشان أمضت شويه ورق
سامح ف سره : كله بالحنيه بيفك زيك زي غيرك
_____________
ف مكان تاني
دخلت حور بصوت عالي : ي داده ي وتين ي ليل ي لانا ي ولاد انا جيت
داده سعاد بضحك : نورتي البيت ي بنتي البنات لسه برا اي كده خير يارب بشريني
حور : الحمدلله فل الفل كسبت القضيه
داده سعاد : الحمدلله ي حبيبتي ربنا ينصرك دايما وتجيبي حق الغلابه
احطلك تتغدي ولا تستني البنات
حور : لا ي داده غدا اي انا اتغديت برا انا جعانه نوم هروح انام عشان مش قادره
داده سعاد : نوم الهنا ي حبيبتي اروح انا اكمل شغل المطبخ
راحت حور اوضتها رمت الروب والفايل ع الكرسي واخدت هدومها ودخلت الحمام اخدت شور وطلعت صلت الضهر والعصر ونامت
________
عند زين ومازن
مازن : شوفت فريقك
زين : اه شوفته تمام
مازن : مالك كده اوعي تكون مضايق عشان مراد
زين : مراد اي دا سيبك منه اتعودت ع عمايله واعرف أوقفه عند حده
مازن : امال اي اللي شاغلك
زين : المعسكر هيبدا الاسبوع الجاي بقالنا كتير مطلعناش معسكرات المعسكر أقل حاجه 10 ايام لو مكنش 15 ومش بحب اسيب ريتال لوحدها بقلق عليها وانت عارف ممنوع التليفونات
مازن : سهله استأذن اللواء نشأت تاخد الفون ف الخباثه عشان تطمن ع ريتال هو بيعزك مش هيقولك لا
زين : خباثه انت متاكد انك مجتش هنا غلط وبعدين مش عشان بيحبني استغل دا واعمل حاجه ممنوعه
مازن : متكبرش الحوار وهو مش هيمانع بدل ما تبقي قلقان عليها ويالا نقوم نروح احنا صاحيين بدري
زين  اخد مفاتيح وتليفونه وقام : يالا ي اخويا
_______
روحت وتين م الحضانه لقت داده سعاد واقفه ف المطبخ
وتين : بتعملي اي ي سوسو
داده سعاد : بعمل ل حور الكاب كيك اللي بتحبها
وتين : ي حبيبتي متتعبيش نفسك ممكن نجيب من برا
داده سعاد : هو انا عندي اغلي منكم اتعبله وبعدين انا مش تعبانه روحي بقي انتي غيري ع ما البنات يكونوا وصلوا عشان تأكلوا سوا
وتين : ماشي ي سوسو
وهي خارجه لقت ليل داخله عماله تنفخ وباين عليها مضايقه
وتين : احم احم طب ارمي السلام حتي دا السلام لله
ليل : وعليكم السلام شكلك رايقه وانا مش طايقه نفسي كنت نقصاه دا كمان
وتين بحنيه : اي بس ي لولا حصل اي مين ضايقك
ليل حكتلها اللي حصل وان طريقته مش كويسه ومش اول مره يضايقها
وتين : خلاص ي حبيبتي لو موقفش عند حده قدمي فيه شكوه ورني عليا اجي اكسرهولك
ليل : لي هو انا اتكسحت آخره معايا هحطه تحت رجلي ابن بابي ومامي دا
وتين بضحك : طب يالا نغير هدومنا ع ما الاكل يتحط
وطلعت كل واحده قوضتها
__________
روح زين البيت
زين بصوت عالي : ريتال توته ي ريتال ف محدش رد طلع فونه ورن عليها مرتين مردتش دخل اوضته يغير وياخد دوش ويصلي ع ما هي تيجي
ف نفس الوقت ف الجريده
ريتال : بقولك اي
لانا : قولي يا آخره صبري
ريتال : انا جعانه
لانا : ي بنتي حرام عليكي انتي مش لسه واكله
ريتال : بصراحه انا بتلكك انا تعبت يالا نروح
لانا : ومين سمعك يالا نروح كده كده خلصت الموضوع اللي كان معايا فاضل بس رئيس التحرير يراجعه ويمضي عليه
ريتال : انا سبقتك ووديت الموضوع بتاعي
لانا : واطيه طول عمرك
ريتال : بنضيع وقت وانا عاوزه اروح كده كده رئيس التحرير روح حطيه ف المكتب واقفلي عليه بدل ما تديه للسكرتيره
لانا بنفاذ صبر : ماشي خلينا نخلص
ونزلوا الاتنين وكل واحده ركبت عربيتها وروحوا
_________
روحت لانا لقت وتين وليل بياكلوا
لانا بصوت عالي : خيانه بتاكلوا من غيري لي ي جماعه
أكملت بصوت أشبه بالبكاء : انا قولت مليش اخوات
ليل : بطلي دوشه اغسلي ايدك وتعالي كلي
لانا وقفت قدام السفره : انا اصلا مش جعانه لو مكنتيش تحلفي ومدت ايديها تاخد من قدام وتين
وتين عضتها ف لانا صرخت
لانا بغضب : اي ي بنت العضاضه
وتين : قولت مليون مره محدش ياكل من طبقي انا بس اللي اخد منكم
لانا : فين حور تجيبلي حقي دا انا حته الصغيره
طلعت الداده م المطبخ بضحك: ي ولاد مش هتبطلوا مناكفه ف بعض
وتين ولانا بصوت واحد : هي اللي بدأت الاول
داده سعاد بضحك : طب يالا ي حبيبتي اغسلي ايدك وتعالي كلي
لانا : هوا واكون هنا
ليل ل وتين : هي حور كل دا برا
وتين : لا جت قبلنا ونامت
ليل : متعرفيش عملت اي ف القضيه دي كانت قلقانه الصبح
وتين : الحمدلله الداده بتقولي جايه مبسوطه وكسبتها هتلاقيها صاحيه طول الليل منمتش غير ساعتين ف عاوزه تنام
جت لانا من وراهم
لانا : بتتكلموا ع مين
وتين : كلي وانتي ساكته
لانا : هو كده الصغير علطول متاكل حقه
ليل بصوت واطي : دا انتي تأكلي مال النبي
لانا : سمعتك ي لولا كده عيب
ليل : انا هقوم اغسل ايدي واستريح ف اوضتي شويه
وتين : خديني معاكي
لانا : اي البيت دا
____________
روحت ريتال البيت
اول ما دخلت خبطت ع اوضه اخوها
ريتال : ابيه انت جوا
زين : ايوه ي ريتال تعالي
ريتال : معلش ي أبيه اتاخرت شويه كان معايا شغل
زين بصلها بحب ومسك ودنها : ومردتيش عليا لي لما رنيت عليكي
ريتال : ااااه ودني ي أبيه انا كبرت ع مسكت الودان دي وبعدين كنت سايقه والله وانت قولت متتكلميش ف الفون وانتي سايقه
زين : ماشي ي مغلباني يالا ناكل
ريتال : هغير هدومي واحط الاكل
زين : غيري هدومك وصلي اكون انا حطيت الاكل يالا اجري
ريتال بضحك : حاضر ي احلي أبيه
__________
ف المساء ف بيت حور صحيت بتبص ف الساعه لقتها 11 بليل قالت : انا نمت كل دا سمعت صوت عالي ودوشه قامت بسرعه فتحت الباب
حور : اي الصوت العالي دا
......: اي نسيتي صوت ابوكي