حبهن عظيم

10

تاني يوم الصبح صحت ليل  ع صوت منبه بتاريخ كل سنه قامت اخدت دوش واتوضت وصلت وقبل ما تلبس مسكت الفون ورنت ع احمد
احمد بنوم : آلو
ليل : صباح الخير ي احمد
احمد : صباح النور ي ليل
ليل : معلش ي احمد انا متأخر شويه  وممكن معرفش اجي
احمد قام : لي ي ليل انتي كويسه ولا ف حاجه وحور كويسه والبنات
ليل بهدوء : كلهم كويسين ممكن تسمع انا بس ورايا مشوار هتاخر فيه ومش هعرف اجي ف قولت اعرفك 
احمد بتنهيده : ماشي ي حبيبتي ولا يهمك
ليل : ماشي يالا باي وقفلت قبل ما يرد
احمد : عمرها ما هتتغير
-------------
عند حور صحيت وتوضت وصلت وطلعت للبنات لقت لانا وريتال واقفين
حور : صباح الخير ي لانش
لانا بغضب ونبره مستفزه : صباح الخير ي بحور
داده سعاد بضحك: ي ولاد انتوا كبرتوا ع كده
حور بضحك : سيبك منها وتين فين
لانا : الحمدلله نزلت الحضانه
حور : ي حبيبتي هي خايفه عليكي هي اه أسلوبها اوقات بيبقي زي الزفت بس دا مش معناه أنها غلط وبصت ليها هي وريتال بس ع فين كده
ريتال بصوت باين عليه الزعل : الجريده مرحناش بقالنا يومين
حور : طب والكليه
لانا وهي بتاكل : لا ما هو احنا خلاص الامتحانات ع الابواب ف مفيش دراسه
حور : المهم متقصروش ف الدراسه عشان تجيبوا تقدير وبصت ل ريتال : مالك ي توته زعلانه لي
ريتال : لا مش زعلانه انا بس قلقانه ع أبيه مش عارفه أوصله من ساعه ما سابني
حور بحب : متقلقيش ي حبيبتي دلوقت ي كلمك
ف نفس الوقت طلعت ليل من اوضتها لابسه اسود ولمه شعرها
حور : ع فين ي ليل
ليل : عندي مشوار
لانا : ومالك مسوداها كده لي ميتلك ميت واحنا منعرفش
بصت حور للفون ف افتكرت وبصت لليل : طيب ي حبيبتي اجي معاكي
ليل : لا انا مش صغيره هروح واجي ع طول
حور راحت جمبها : سوقي ع مهلك
ليل بحب : حاضر ي حور واخدت مفاتيحها ونزلت ركبت العربيه رايحه الفيوم
______________
عند زين واقف متعصب بصوت عالي : اللي هيغلط هيعيد من تاني ركزوا
جه مراد من وراه : اي ي زين باشا دا اول يوم تمرين خف شويه
زين بصوت غضبان : والله أنا معايا رجاله ينحتوا ف الصخر مش شويه عيال جايبهم اللعبهم نط الحبل
مراد بغضب سابه ومشي وبدأ زين يعمل معاهم التدريبات
ف نحيه التانيه عند مازن خلص فريقه تدريبات اول يوم
مازن بصوت واضح: دلوقت الكل يروح ياكل ويحاول يريح جسمه شويه عشان الساعه 7 بالليل الكل هيتجمع
الفريق : تمام ي فندم
راح مازن ع اوضته اخد دوش وصلي وراح يشوف زين لقاه بيعمل تمارين مع الفريق وقف زين وبص عليهم كلهم وقال : استوووب
الكل قعد مكانه
زين : عارف اني قسيت ف التمارين النهارده وأنه اول يوم وكنت مستعدين ل حاجه صغيره  بس دا ب مثابه اختبار انك تتحط ف حاجه انت مش جاهز ليها ودلوقتي الكل يروح ياكل ويحاول يرتاح ونتقابل بليل الساعه 7
ورجع بص ل مازن : بلغت ادهم ومراد بمعاد بليل
مازن بهدوء : ايوه
زين : ماشي
وحاول يتحرك ف المكان وبرضو مفيش شبكه
مازن : مفيش شبكه برضو
زين : لا انا حتي كتبت مسدج وبعتها ع اساس لو جمع شبكه ف اي وقت تتبعت
مازن : متقلقش هي ف وسط ناس
زين : المشكله زمنها هي قلقانه عليا
مازن : أن شاء الله خير
______________
عند أحمد صحي م النوم وصلي ولبس وقاعد بيفطر وماسك الفون يرن ع رحيم
رحيم : الو
احمد : الناس بتقول صباح الخير
رحيم : صباح الخير
احمد : انت فين كده صوتك ف الشارع رايح الشركه ولا اي
رحيم : لا النهارده 1/5
احمد بتذكر : اها ربنا يرحمها ي صاحبي طب تعدي عليا اجي معاك
رحيم : لا مش مستاهله انا مش هبات هروح وارجع
احمد : ماشي ي صاحبي توصل بالسلامه
رحيم : باي
____________
ركبت ليل عربيتها وقفلت الفون عشان عارفه أن حور كل شويه هتتصل عليها ف نفس الوقت يوسف بيحاول يرن عليها وتليفونها مقفول رن ع احمد
احمد : الو عاش من سمع صوتك جدع والله
يوسف : ازيك ي احمد معلش والله بحاول اخفف م المكالمات عشان الوقت دا
احمد بفهم : وقت اي
يوسف : ابويا عرف ليل فين وبيدور عليها حاول تخليها متنزلش الفيوم خالص الفتره دي
احمد بقلق : اطمن أن شاء الله مش هيحصل حاجه طب انت نازل ولا اي
يوسف : اه ابويا عاوزنا ننزل المهم دلوقتي بكلم ليل تليفونها مقفول
احمد : هكلم اي واحده م البنات واتصرف اطمن انت لو ف اي جديد عرفني
يوسف : تمام وقفل
__________
حور قاعده ع السفره هي وداده سعاد تليفون حور رن
حور : صباح الخير يا ابو حميد حماتك بتحبك
احمد بصوت مخنوق : صباح الخير ي حوري
حور : صوتك ماله
احمد : هي ليل فين
حور : راحت الفيوم صد رد بس صوتك ماله برضو
احمد خبط أيده ع وشه : ي نهار اسود طب يارب ميحصلش حاجه
حور ي خوف  : ف اي ي احمد قلقتني
احمد حكي لها اللي يوسف قاله
حور : هي كانت حاسه من امتي وإحساس ليل كان غلط طب اعمل اي دلوقت وكالعاده قفلت الفون طب اعمل اي دلوقت
احمد : اهدي ي حبيبتي وانا هتصرف وان شاء الله مش هيحصل حاجه المهم انتي متنزليش وانتي كده
حور بارتباك : لا انا اصلا كنت واخده النهارده اجازه عشان ارتاح شويه
احمد : ماشي ي حبيبتي وانا كل شويه لو في جديد هكلمك ويوسف برضو ع تواصل معايا
حور بخوف : ماشي ي احمد
_________
وصلت ليل الفيوم ولبست طرحه ع شعرها وراحت المقابر اول ما وصلت قرت الفاتحه ودعاء للمتوفي
ليل بصوت : اول مره اجيلك والناس صاحيه كده وبضحكه سخريه قلبي مات باين دا لو مكنش مات من زمان انتي لي سبتيهم ياخدوني عارفه أنه كان غصب عنك وأن عمرك ما هتكوني زي مامت حور بس لي محاولتيش  بس انا بحبك انتي اكيد ف مكان احسن وحاسه بيا انا اتأذيت كتير اووي مش عارفه من غير يوسف كنت هعمل اي كنتي انتي الامل الوحيد اللي نازله مصر عشان بعد ما احمد دور عليكي وقالي انك وسكتت شويه موتي مكنتش مصدقه وبدأت ف العياط لي سبتيني بدري كده انا كنت عوزاكي معايا شويه انا اه كنت برد عليهم كلمه ب كلمه ومش بسيب حقي ومش مستنيه حد يدافع عني بس من جوايا كنت مستنياكي تيجي وتدافعي عني وقعدت ع الأرض وغمضت عينيها
فلاش باك
ف يوم نازله ليل رايحه ع السفره تفطر سمعت صوت عمها عالي هو ومراته ف قربت م الباب تسمع
سماح : احنا مش عارفين نتصرف ف اي حاجه حتي بعد ما خليتك واصي عليها لازم نستني لما تتم السن القانوني وتتنازل عن كل حاجه
جلال : تفتكري هترضي
سماح : غصب عنها لازم تمضي لو هنكسرها لو هنمضيها غصب عنها واكملت بشر انا أو ضامنه أن موتها هيخلينا نورث كل حاجه كنت موتها لكن اختك هتطلعلي ف المقدر وتقولي ورثي من اخويا وبنت اخويا ووش كتير يبقي نستني احسن
جلال : اللي تشوفيه حستهم طالعين راحت بسرعه ع السفره وجلال طلع أوضته وسماح راحت للسفره 
كانت قاعده ليل  ع السفره بتاكل ببرود جت سماح لقتها بتاكل بصوت منخفض لكن مسموع : بالسم الهاري
ليل بنفس النبره : انشاءلله اللي يكرهني اللي هو انتي ي مرات عمي
سماح بغضب  : انتي كمان هتقعدي تأكلي قدامي
ليل : لو مش عوزاني اكل قدامك ممكن تقومي انتي لكن انا مش هقوم غير لما اشبع
سماح بغضب : ي جلال
جه جلال ع صوتها : اي ي سماح ف اي
سماح بصوت أشبه بالبكاء ودموع تماسيح : عاجبك بنت اخوك قليله الادب بترد عليا الكلمه ب كلمه انا خلاص مبقتش قادره استحمل
جلال بزعيق : اي ي ليل كل شويه مشاكل انتي مبتتعبيش ضرب وضربتك حبس وحبستك اعمل فيكي اي تاني
ليل : لا مبتعبش والحمدلله شبعت عن ازنك ي مرات عمي
سماح بغضب قام شدتها من شعرها وفضلت تضربها وعمها واقف سماح بصراخ : انا لو طولت اقطع لسانك هقطعه بنت قليله الادب
دخل يوسف : اي ي ماما حرام عليكي كسرتيها سبيها بقي جرحها مبيلحقش يلم
سماح سابت شعرها رمتها مره واحده ع الأرض أغمي عليها وكالعادة فاقت لقت نفسها لوحدها
___________
رجوع من فلاش باك
فتحت عينيها بصعوبه حست أن الدنيا بتلف بيها  ومره واحده كانت هتقع ع الأرض لكن ف ايد لحقتها
ليل بصوت ضعيف جدا : .......