ف نفس المطعم قاعد زين مع ريتال بياكلوا
زين : بقولك ي بت ي توت
ريتال : انا مستنياك تقول من امبارح
زين : احم احم بصي ي توته انا عندي معسكر
ريتال وشها اتخطف بس حاولت تبتسم : ماشي ي أبيه تروح وترجع بالسلامه ي حبيبي
زين : انا والله حاولت مطلعش
ريتال بسرعه : لا ي أبيه متوقفش شغلك وانا هاخد بالي من نفسي
زين : حبيبتي انا معنديش اغلي منك انا كل المهمات اللي بطلعها لو طولت بتبقي يومين تلات ايام وبيبقي كل تفكيري فيكي إنما المعسكر أقل حاجه 15 يوم
واتنهد وكمل : انا هاخد معايا الفون وهطمن عليكي كل شويه وعشان خاطري ي توته تخلي الفون ف ايدك علطول
ريتال : لا ي أبيه بلاش الفون عشان متعملش ل نفسك مشاكل وانا متقلقش عليا وراك رجاله
زين : لا ي حبيبتي انا اخدت إذن اهم حاجه اطمن عليكي
ريتال ابتسمت له : ربنا يخليك ليا ي أبيه هقوم اغسل ايدي وارجعلك
زين : ماشي ي توته
وقام تغسل أيدها وهي خارجه شافت لانا صرخت بصوت عالي تقريبا كل اللي ف المكان سمعوها : لانا
لانا بصت وراها وقامت : ي بنت المجانين بتعملي اي هنا
زين بص تحيته ف قام من مكانه ف اي ي ريتال
ريتال اخدت بالها أن صوتها كان عالي اتكسفت : احم دي لانا صاحبتي ي أبيه شوفتها انت قبل كده
زين باحترام :ازيك ي لانا
لانا : ازي حضرتك
لانا ل ريتال : تعالي سلمي ع حور ووتين
ريتال بصت ل زين
زين : روحي ي حبيبي
ريتال : لو تحب تعالي اتعرف عليهم
زين : اوكي مفيش مشكله
وقفت لانا جمب زين وبداءت توصفهم من اول حور لحد رحيم وكل دا وزين سرحانه بيحاول يفتكر هو شافها فين
فاق من سرحانه ع ايد ريتال : اي ي أبيه روحت فين
زين بحرج : لا ي حبيبتي معاكي اهو
احمد : اتفضل ي زين باشا اقعد معانا
زين : معلش مره تاني واتشرفت بمعرفتكوا
احمد : الشرف لينا
زين ل ريتال : يالا ي توته
ريتال : يالا ي أبيه
ريتال ل لانا : هكلمك بليل
لانا : اشطا
وفجأه تليفون حور رن
حور : تصدقي بالله انتي معندك ريحه الدم انا قلبي كان هيقف انتي فين
ليل : مفيش كنت بتمشي شويه
حور : طب تعالي ع مطعم ........
ليل : لا انا مش قادره عاوزه ارتاح
قامت ليل من جمبهم استأذنت تروح الحمام
حور : حصل اي ي ليل صوتك مش عاجبني
ليل : مفيش حاجه عادي
حور: ي ليل حرام عليكي انا معدش فيا أعصاب قولي حصل اي
ليل سكتت شويه : مفيش حصل مشكله ف البنك وقدمت استقالتي
حور : مشكله اي
ليل : انا مش قادره احكي لما تيجي بقي يالا باي وقفلت
حور اتنفست بصوت عالي وطلعت لهم
وتين بقلق : ها في اي
حور : مفيش كانت ف البنك وروحت ع البيت
لانا : لي كده
حور : عادي بتقول تعبانه شويه
وتين بسرعه : طب يالا نروح نطمن عليها
حور بحب : اهدي ي تينه هي كويسه
ضحك رحيم ف وتين بصتله بغضب وبصت حور تاني
حور بضحك : اني اسف
وتين تدبدب برجليها ف الارض ووشها احمر : ماشي ي ست حوريه
رحيم فضل باصص ليها وسرح
احمد ضربه بكتفه ف جنبه وبصوت واطي : اي ي روميو هتاكل البت بعينك اللي هخزهوملك دول
رحيم : احم احم لا انا بس سرحت مفيش حاجه
احمد : ماشي ي اخويا اسرح ف حته تاني عشان وتين زي حور زي باقي البنات عندي
رحيم بصله ب زعل : اي ي احمد اللي بتقوله دا
احمد : رحيم انت صاحبي وهما اخواتي
رحيم بحب : ربنا يخليهوملك ي سيدي
قاموا كلهم ونزلوا م المطعم
احمد : تحبوا تروحوا فين
وتين بسرعه : الملاهي
لانا : لا سينما
حور ساكته
احمد : اي ي حوري ساكته لي
حور : اي حاجه ي ابو حميد ولو اني افضل اروح عشان مسيبش ليل لوحدها
لانا ووتين ف صوت واحد : ايوه صحيح ليل لوحدها
احمد : ما الداده معاها
وتين : لا خليها مره تانيه بقي
احمد بضحك : بيعجبني فيكي استغلالك
كلهم ضحكوا وروحوا ورحيم معاها عشان كان ساب عربيته عن بيت حور
كلهم نزلوا م العربيه وأحمد واقف مع
رحيم
احمد : هتروح
رحيم : اه عشان انام واصحي بدري ورايا هم عاوزه اخلصه ف الشركه
احمد : ماشي ي صاحبي سلام انا برضو هطلع اطمن ع ليل واروح
رحيم : ماشي ي صاحبي
وسابه ومشي وهو ماشي لقي وتين
احمد : ع فين ي تونه
وتين بارتباك : انا انا اه هروح ل عمو البواب اقوله يجبلي حاجه
احمد بضحكه : ماشي ي حبيبتي بس متقفيش كتير وقوليله يروح ينام علطول وسابها وطلع
وتين باحراج راحت خبطت ع شباك عربيه رحيم ف ابتسم ونزل ازاز الشباك
وتين بارتباك : بصراحه انا كنت هعتذرلك من اول مره بس انت اللي عصبتني
رحيم بضحك : خلاص ي ستي المسامح كريم محصلش حاجه
وتين : خلاص اشطا يالا تصبح ع خير
رحيم بحب : وانتي من أهله الخير
ومشي رحيم طول الطريق : سرحان ف وتين
رحيم ف نفسه : اي دا انا لفيت بلاد المسلمين كلها اول مره تشوف بنت
- لا بس اول مره اشوف حد ف براءتها حستها ليها كرزمه مختلفه شدتني كده
=مالك كده من امتي الحنيه دي والتركيز دا كله دا كله اكتشفته ف قاعده
_ والله ما انا عارف شكلك وقعت يا منيل
= وماشاء الله كمان اتجننت وبتكلم نفسك لا عال والله
- يا تري هتعملي فيا اي تاني ي ست وتين
_______________
عند زين ف البيت روح قاعد ف أوضته تليفونه رن
زين : اي ي بني فينك كده رنيت عليك مرضتش
مازن بصوت مخنوق : مكنتش شايفه
زين : انت فين
مازن : بلف بالعربيه شويه
زين : طب تعالي البيت
مازن : لا مش قادر عايز افضل ف الهوا شويه
زين : طب عدي عليا هلبس وانزلك
مازن : لا خليك مش مستاهله
زين : اخلص يالا مستنيك
مازن : ماشي باي وقفل
زين قام صلي ولبس وندهه ع ريتال
زين : ي توته
ريتال طلعت من اوضتها : اي ي أبيه
زين : انا نازل شويه وجاي عاوز حاجه اجيبها وانا جاي
ريتال : لا ي حبيبي عاوزه سلامتك
ف نفس الوقت وصل مازن وزين نزله
_____________
ف مكان تاني
مراد : انا لازم اجيب الورق قبل ما يتطلع من مكتب مازن ولو جيبته هتبقي الضربه الصح
سوزان : طب ما تشوف حد يكون بيدخل المكتب يجبهولك
مراد بتفكير : مفيش غير الساعي
سوزان : ودا تضمنه
مراد : ما هو دا اللي مقلقني سي زفت محبوب وله عند الكل جميل
سوزان بدلع : بس محدش يقول للفلوس لا والبحر يحب الزياده ولا اي ي بيبي
مراد بتفكير : ممكن برضو
سوزان بزعل مصطنع : احنا هنفضل طول الليل نتكلم ف الشغل مش هتخرجني
مراد بدلع : نخرجك منخرجكيش لي احنا صغيرين
# سوزان / 26 سنه خطيبه مراد بتحبه جدا جدا لدرجه الهوس لو طلب روحها هتديهاله وهو بيستغلها عشان منصب والدها
_____________
عند البنات كلهم قاعدين ف الليڤنچ
حور : داده هي ليل فين
داده سعاد : جت من شويه ودخلت اوضتها
لانا : مأكلتش
داده سعاد : لا والله ي بنتي قالت هتاخد شور وتصلي وتنام
حور بهدوء : طب انا هدخل اشوفها
لانا : وانا هقوم اغير وورايا حاجات للكليه هخلصها وانام
داده سعاد : اعملك حاجه تشربها ي بني
احمد بحب : لا داده اقعدي انتي ارتاحي لو احتاجت حاجه هقوم اجيبها
داده سعاد : هروح ارتاح ف اوضتي شويه
طلعت وتين ودخلت
وتين : امال فين البنات
داده سعاد : كلهم ف أوضهم ي حبيبتي
وتين بتوتر : طب اطير انا كمان بقي
احمد بنبره ذات معني : اعتذرتيله
وتين بغضب بسيط وراحت قعدت جمبه بصوت واطي : فتان
وتين : هو لحق يقولك
احمد بحب : غبيه فعلا هو صاحبي بس ربنا يعلم كلكوا عندي زي حور انا بخاف عليكوا وفاهمكوا اكتر من نفسكوا ولو مش واثق ف رحيم وعارفه مش هسيبك تقفي معاه لوحدك
وتين بحرج : انا عارفه والله وكلنا بنحبك ي ابو حميد دا انت ف مقام جدي
احمد بضحك : طب يالا ي جزمه روحي غيري هدومك وصلي
وتين بضحك : ماشي ي جدي
_____________
ف الاوضه عند ليل
حور : اي ي عيوني مالك
ليل بصوت مخنوق : اطفي النور واطلعي برا
حور : لا قومي كده قوليلي مالك
ليل : يووووه بقي ي حوريه قولتلك سبيني
حور بعصبيه شدتها قعدتها كنت عارفه انك معيطه حصل اي
ليل قامت بصوت مخنوق حكتلها اللي حصل ف البنك
_ بس ي ستي ارتحتي عرفتي اللي حصل
= لا الان استحاله يكون دا اللي عامل فيكي كده انتي اه بتحبي الشغل بس مش للدرجه دي ف اي لو ع الشغل بكره اشوفلك غيره
_ لا انا عاوزه ارتاح شويه
= يبقي في حاجه تانيه
ليل سكتت شويه : مخنوقه حاسه حاجه وحشه هتحصل بقالي كام يوم ولما جالك كابوس امبارح اتاكدت أن فيه حاجه وحشه هتحصل
حوريه بتنهيده وخدتها ف حضنها : مش هيحصل حاجه كل حاجه هتبقي بخير طول ما احنا سوا
ليل بصوت أشبه بالبكاء : مينفعش كل اللي عملناه يضيع مينفعش نرجع للصفر مش هقبل ب دا ابدا
حور بهدوء : انتي دايما مقوياني اهدي كده وقومي صلي ركعتين وتعالي أحمد برا مش راضي يمشي غير لما يطمن عليكي يالا ي لولا قومي
قامت ليل ودخلت الحمام عشان تتوضي وتصلي
خرجت حور لاحمد
حور : بقولك اي ي احمد
احمد : خير ي حبيبتي
حور : عاوزه منك طلب
احمد : انتي تؤمري مش تطلبي اي قلقتيني
حور : ربنا يخليك ليا كنت عاوزه شغل ل ليل بس من اول الشهر كده
احمد بفهم : من عنيا سهله بس لي
حور بدون تفاصيل : أصلها سابت البنك قدمت استقالتها
احمد بتركيز : لي
حور بتوتر بسيط : عادي يعني
احمد بنبره ذات معني : حور اخلصي
طلعت ليل ف الوقت دا وحكت لاحمد : انا خلاص الحوار اتقفل ودا عيل فكك منه
احمد بزعل: لي ي ليل مش قولتيلي هو انا مش زي اخوكي
ليل : والله ي احمد ربنا العالم انك عندي اي بس مش كل شويه هندوشك كفايه اللي عملته عشانا
احمد : ي ستي ادوشوني وملكوش دعوه هو انا ليا غيركوا عالعموم انا عاوز اسم الواد دا
ليل بهدوء : خلاص ي احمد مش مستاهله
احمد : ليل مش هكرر كلامي تاني
ليل : بس مش هتعمل حاجه
احمد : حاضر
ليل : سامح عزيز مدكور
احمد بتفكير : ابن عزيز مدكور صاحب مصانع الحديد والصلب
ليل : ايوه وسيبونا م السيره دي بقي هقوم اعمل كابتشينو اعملكوا
احمد : لا دا انا يدوب اروح وانتي جهزي نفسك من اول الشهر هتيجي الشركه واخد مفاتيحه وباس رأسهم ونزل
__________________
أنت تقرأ
حبهن عظيم
Vampireالاختيار دايما بيبقى فيه حاجات مبنقدرش نختارها زى العيلة والاهل بس فيه هما كل واحدة اختارت لنفسها عيلة عشان يبقو اهل وسند لبعض يقفو سوا ف كل حاجة فالحلو قبل الوحش وفالحب بيساعدو بعض حتى لو كل واحد عندها مشكلة♥️
