حبهن عظيم

16

وصلت ليل الشركه هي ورحيم ودخلين سوا وطبعا محدش يعرف أنهم اخوات وصلت مكتبها وطلع رحيم مكتبه
رحيم : لو خلصت قبلك هكلمك وانتي لو حبيتي تروحي قوليلي
ليل بعمليه : الشغل مفيهوش لو حبيبتي في ساعات عمل محدده ي بشمهندس
رحيم مسكها من خدودها :  ماشي ي لمضه وراح ع مكتبه ودخلت ليل  مكتبها
ليل بصوت هادي : صباح الخير
سليم : صباح النور دا انا قولت مش هنشوفك تاني
ليل بهدوء :  معلش كنت ف اجازه المهم هات اخر تعديل الميزانيه اراجعه لو خلصته وهات اخر 3 صفقات الشركه عملتهم ونجحت واخر 3 خسرتهم حتي لو ومن وقت طويل وعاوزه
سليم بمقاطعه : حيلك حيلك ف اي دا كفايه عليكي الميزانيه وتبقي جبرت يعني
ليل بهدوء : دا شغل مش جايين نتفسح ياريت تجيب اللي قولتلك عليه
سليم باستسلام : وانا مالي ثواني ويبقوا عندك
عدي دقيقتين ودخل مكتبها هو وكمان واحد وحطوا الفايلات قدامها
ليل بعمليه بداءت تقسم الفايلات بترتيب معين ومسكت ورقه وبدأت تدون حاجات وتشطب وتمسح قطع تركيزها سؤال سليم : انا حاسس اني شوفتك قبل كده انتي كنتي بتشتغلي ف شركه اي
ليل بتركيز : ف بنك اسكندريه المركزي
سليم بتذكر : اااه ي واد ي سليم صح كده وانا اقول شوفتك فين قبل كده علفكري انا
ليل بمقاطعة : علفكري انا بقي مش بعرف اشتغل ف دوشه وزي ما حضرتك شايف ي استاذ سليم معايا شغل قد اي محتاجه اخلصه ف وقت قياسي ف ياريت لو تكرمت تسيبني اشتغل ف هدوء
سليم باحراج : سوري اتفضلي
ليل حطت القلم ورا ودنها وحسن بحاجه وحشه حصلت حاولت تتجاهلها وتركز ف الشغل
بعد شويه طلبت قهوه ومكمله شغل وسليم مركز معاها اخدت بالها واتكسفت ف كملت شغلها لحد ما القهوه جت شربت منها مره وحطتها قدامها وغمضت عينيها ورجعت رأسها ل ورا وحطت ايديها ع عنينا متناسيه أن في حد معاها اصلا ف سابها سليم وخرج فتحت عينيها ع صوت الباب اللي اتفتح افتكرت أنه كان موجود وخرج مسكت فنجان القهوه تاني وشربت منه وبعد كده مسكت الفايل وبرضو مش عارفه تركز سابته ومسكت الفون بعتت مسدج ل حور وبترن ع وتين وأحمد مش بيردوا ف رنت ع رحيم
وسليم داخل ف نفس الوقت
رحيم : اي لحقت اوحشك
ليل : توحشني اي وبتاع اي احمد فين انا قلقانه
رحيم بقلق هو كمان : مش عارف والله المفروض أنه يكون وصل ع الأقل من ساعه راح ل حور ووتين وقال هيجي بس مش عارف اقفلي هرن عليه
ليل بخنقه : اي الذكاء دا ي رحيم متفكرش تاني ي حبيبي ما  انا اكيد رنيت
رحيم : يا خبر بفلوس دلوقت يبقي ببلاش
ليل : لو جه كلمني وانا هحاول مره تانيه مع وتين
____________
فلاش باك من ساعتين
مشيت وتين وحور اتاخرت خطوتها بس شفره الاسانسير اللي وقعت وجت العربيه بسرعه خبطت وتين وطلعت تجري
حور بخضه من منظر الدم بصوت عالي وصريخ حست أن حنجرتها ادمرت : وتييين
وصل احمد ف نفس الوقت والناس كلها اتلمت
احمد : اوعوا اوعوا وبيشوف في نبض ولا لا
راجل كبير : كلم ي بني الإسعاف
احمد : لا لا اسعاف اي شالها وركبها عربيه ورجع عند حور اللي مش بتتحرك ركبها العربيه ولم حاجتها اللي كانت قدامه ومشي ع العربيه وباعلي سرعه ف العربيه راح المستشفي دخل وتين اوضه العمليات وواقف قدام حور : حور انطقي حور فوقي بقي كده كتير والله ارجعيلي انا اللي ضعيف من غيرك
حور : لا رد حتي مش بتعيط كأنها جماد
احمد ضربها بالقلم ع وشها وبصراخ : فوقي بقي
حور حضنته جامد وفضلت تعيط وبعد كده أغمي عليه اخدتها الممرضه ودخلتها غرفه الطوارئ وراح لها دكتور كشف عليها وخرج
احمد بلهفه : هي كويسه
الدكتور : اه الحمدلله هي بس محتاجه راحه علقتلها محلول وهتنام ساعتين وتصحي كويسه
احمد : شكرا عدي ساعه واتنين وداخله ف 3 ساعات حور بدأت تفوق وتعيط : وتين ي احمد انا السبب انا المقصوده مش هي والله
احمد بفرحه أنها اتكلمت : اهدي ي حبيبتي اهدي
حور : وتين فين ي احمد
احمد : لسه ف العمليات
حور ببكاء : ربنا يستر
___________
عند ليل وسليم
سليم من ساعه ما سمعها بتتكلم ف الفون وهو مش طايق نفسه وكل شويه يشيل الملف ويهبده
ليل زهقت : دا مش اسلوب شغل انا مش قاعده ف حضانه
سليم بزهق : انتي بتتكلمي كده لي هو انا شغال عندك احنا شغالين سوا ياريت متنسيش دا
ليل ببرود : ياريت سيادتك اللي متنساش
واتفتح باب المكتب بسرعه
رحيم : هات شنطتك بسرعه وتعالي ي ليل
ليل : في اي
رحيم بتوتر وصوت عالي : اخلصي
ليل : طيب طيب واخدت حاجتها بسرعه وبصت ل سليم معلش حط كل الفايلات دي زي ما  هي بنفس الترتيب ف الخزنه ومشيت بسرعه جمب رحيم
_________
ف امريكا
قاعد جلال وسماح ويوسف بياكلوا
سماح : ها ي جلال وصلت ل حاجه
جلال بتركيز ع يوسف : هي منزلتش الفيوم دا اللي انا متاكد منه
سماح : يعني اي
جلال : يعني من يوم ما اختفت من امريكا وهي حتي لو نزلت علطول ف هي منزلتش ع الفيوم وبنظره ذات معني : بقولك اي ي يوسف
يوسف : قول ي بابا
جلال : انت مش ليك معارف وأصحاب ف مصر
يوسف بتوتر حاول تمثيل التفكير : اه اعرف كام واحد معرفه كده بنتواصل ع السوشيال ميديا
سماح : طب ما تشوف حد يساعدنا ي يوسف انا زهقت بجد وبتمثيل البكاء : يعني انت يرضيك الشحططه دي لابوك وامك ع كبر وع اي ع فلوسنا كمان هنتحايل يالا الله يسامحه حمايا هو السبب في كل دا ساب كل حاجه ف ايد عمك مع أن ابوك الكبير وعمك كتب كل حاجه ل بنته
مره اخري مدعيه البكاء : يوسف عشان خاطر امك ي حبيبي اعمل حاجه واهو كله هيعودلك انت وعيالك ف الاخر
يوسف ف سره : انتو اهلي ازاي بس استغفر الله العظيم يعني انا كان لازم تتحط ف الموقف دا بين الصح وبين اهلي يارب دبرلي امري
فاق ع صوت سماح : ها ي يوسف هتعمل اي
يوسف : هقوم دلوقت اكلم واحد صاحبي ف القاهره وهديله اسمها ثلاثي ويشوف هيوصل لايه واقولكوا
جلال : اشمعنا القاهره
يوسف بلا مباله : عشان اقرب واحد ليا فيهم قاعد ف القاهره وعشان عادي دي مركز البلد كلها ولو عاوزني اشوفها لك ف محافظه تاني قولي
جلال بتركيز : لا انا بسال بس
يوسف قام من ع الفطار : انا نازل عندي اجتماع وهتاخر اتغدوا انتوا واخد مفاتيحه وتليفونه ونزل
____________
عند مازن وزين كل واحد واخد فريقه وحاطط نظام تدريب معين وف مكان قريب منهم فريق ادهم ومراد وبرضو كل واحد منهم حاطط نظام وبعد ساعات من التمارين الشاقه
زين بصوت عالي ل فريقه : بعتذر جدا عن غيابي امبارح ولكن كان في أمر يحتاج اني اسيبكوا وافتكر أن العقيد مازن مقصرش معاكوا
رد واحد : ايوا ي فندم
زين : تمام الكل يروح ياكل ويرتاح شويه وعاوزكوا ع الساعه 6 نتجمع ف مكانا
واحد أخري : في حاجه بخصوص المسابقه والتصفيات
زين بحب : لا انا حابب اتكلم مع فريقي شويه
الفريق : تمام ي فندم وبدؤا بالانصراف
جه مازن من وراه وزين بيلف وشه قابله بوكس ف وشه دا عشان قالقني عليك وواحد كمان ودا عشان لما جيت بكل برود نزلت ع التمرين ع طول ومفكرتش تعرفني وطبعا مكنش ينفع اقاطع سيادتك وبيقرب أيده تاني منه
زين : اي اي انا سبتلك اتنين بمزاجي مش فرح بنت خالتك هو وحط أيده ع خده : ايدك بقت تقيله كده لي ي زفت
مازن بغضب : هو كده لو مش عاجبك واقعد احكيلي عملت اي ووصلت امتي
زين بضحك وف نفس الوقت مازن قلده : انت لو امي مش هتعمل كده
مازن بنبره مستفزه : ها نخلص م الاسطوانه دي بقي ارغي
زين ببرود : اتجوزت
مازن : ماشي ي سيدي الف مبر نعم ي اخويا أت اي
زين ببراءه مصطنعه : اتجوزت ضحكوا عليا اكمني مليش لا قريب ولا غريب ولا حبيب
مازن بنفاذ صبر : زين ي شرقاوي هات اللي عندك كده عشان والله ما هتتحرك من هنا غير لما افهم كل حاجه بقي تنيمني ف العسل وتقولي ساعتين اطمن ع توته وتيجيلي تاني يوم متجوز ويا تري المدام هتولد امتي
زين بغضب بسيطه: احترم نفسك يالا
مازن : هحط لساني جوا بوقي وهسكت خالص بس احكي وحياه عيالك
زين حكي لي كل حاجه من ساعه وصوله اسكندريه بس مذكرش تفاصيل مشكله حور
زين : بس وزمان احمد استلم قسيمه الجواز وانا يعتبر حطيت عليها رقابه بس من غير علم احمد عشان ابقي مطمن وكمان عشان ريتال عندهم وبس والملف السليم حطيته ف مكان يجيش ع بال الجن الازرق
مازن بغضب : اه يا مراد الكلب بقي كان عاوز ياخد الملف من عندي عشان يضربنا ف بعض وحياه امي ما هعتقه
زين ببرود : لا متتصرفش انا عاوزه هو اللي يتصرف واحنا نمشي ع مزاجه انا مكنتش عاوز اعرفك عشان الموضوع يبان طبيعي بس انت زنان
مازن : خلاص اشطا ويا انا يا هو بقي بس في حاجه انا مش فاهمها لي قولت انك كنت هتتقدم ل حور
زين ببرود : عشان كنت هتقدملها مثلا
مازن : لا استني بقي وفهمني تعرفها منين عشان تتقدملها
زين بكبرياء مصطنع : مش ملاحظ انك قاعد بتتكلم مع زين الشرقاوي وعاوز تعرف كل حاجه من قاعده واحده
مازن : اخلص ورحمه امك مش ناقصه تناكه ورسيني
زين : امري لله
فلاش باك من سنه
راجع ف يوم زين من مؤموريه ومتصاب ووشه كله جروح وكان في جرح ف أيده وكان بينزف خلص المهمه وراح مبني المخابرات سلم التقرير ورفضت يروح يعالج جروحه الانه كان بقاله 3 ايام ف المؤموريه وعاوز يطمن ع ريتال وهو راكب العربيه وسايق حس بوجع جامد وقف العربيه وسند ع الدريكسيون مش قادر بس كان لسه فايق ووقفت قدامه بنت وراجل ف سن ابوها
حور بتسقف بايديها وتتنطط بفرحه : انا مبسوطه اووي لو مكناش كسبنا القضيه كنت هروح اموته انا بجد لا فعلا ما يجبها الا حور
وقالت بفخر : لا صحيح شاطره ي بت ي حور هتبقي محاميه قد الدنيا
استاذ مهاب بضحك هيستيري : بس خلاص كفايه هتفرقعي من كتر العظمه المره دي انتي اللي خلصتي القضيه وانا اللي اترافعت  إنشاءالله بعد التخرج انتي اللي هتترفعي وتبقي الفرحه فرحتين
كل دا ف مكان قريب من نظر وسمع زين ومره واحده انعدمت الرؤيه واغمي عليه
حور بتبص وراها ورايحه تركب العربيه لقتواحد باين عليه التعب ودراعه غرقان دم
حور بصوت عالي : ي نهار اسود في واحد مصاب هنا اهو
استاذ مهاب خليكي هنا هروح اشوفه ومشي خطوتين وكأنه متكلمش وراحت معاه واول ما قربت منه هزته بايديها لقته مغمي عليه حطت أيدها ع بوقها
حور بعيون دامعه : دا مات ولا اي
استاذ مهاب بنفاذ صبر : اسكتي ي حور دا مولع شكله اتصاب ومطهرش الجرح
حور : طب كلم الإسعاف
أستاذ مهاب : لا ساعديني اخده العربيه وفي مستشفي ع اول الشارع هنا هنوديه وخرجوا زين م العربيه ودخلت حور العربيه تشوف اي اثبات شخصيه لي عشان لو جراله حاجه اخدت تليفونه وقفلت العربيه تاني وخدت المفاتيح وراحت ع عربيه مهاب وصلوا المستشفي ودخل اوضه الطوارئ وبعد نص ساعه خرج
حور بلهفه : هو كويس
الدكتور : اه متقلقوش هو كويس جدا بس هو لما اتصاب ساب الجرح ف اتلوث ودا اللي سبب سخونيه وباين أنه عمل مجهود عليه دا غير أن في كدمات كتير ف جسمه ووشه بس هو لو واحد تاني كان مات دا يعتبر دمه اتصفي بس جسمه ساعده ع دا عالعموم انا علقتله محلول  عشان يعوض اللي جسمه خسره والف سلامه عليه
حور : طب هو هيفوق امتي
الدكتور : ممكن ساعه كمان
استاذ مهاب : شكرا ي بني
الدكتور : العفو دا شغلي
استاذ مهاب : يالا ي حور روحي
حور بتصميم : انا استني يفوق عاوزه اعرف اي اللي عمل فيه كده ممكن انت تروح حضرتك تعبت النهارده وانا وعد وعد بعد ساعه ونص لو فاق اعرف اي اللي حصله وهروح علطول والله
استاذ مهاب : ي بنتي مش وقت فضولك يالا روحي وانا هستني عشان هو مش معاه حد مينفعش نسيبه لوحده
حور : اديك قولت مينفعش نسيبه لوحده وانت بداءت تتعب هستجوبه ولا اخد بالي منك وكمان عشان لو عاوز يعمل محضر نمسكله القضيه
استاذ مهاب بضحك : انتي مشكله خلاص همشي وبعد شويه هكلمك اطمن عليكي ومتتاخريش وعد بعد ساعه ونص تكوني ف البيت
حور ف سرها لو فاق
بصوت بموافقه : ماشي
وبعد ساعه فاق فعلا وحور قاعده جمبه حاول يقوم
حور بسرعه : لا لا متقولش استني
وراحت وقفت قدامه وحاولت تقعده ع السرير وقالت : انا مش عارفه ممكن تكون قعدتك دي غلط
رحيم : لا متقلقيش عادي مش اول مره اتصاب انتي مين
حور بعمليه : حوريه الحسيني محاميه واكملت بصوا منخفض بس زين سمعه :باعتبار ما سيكون يعني
وتكلمت بصوت عالي : انت اللي مين واي اللي خرشمك كده
زين باستنكار: بغض النظر عن خرشمني انا زين الشرقاوي عقيد وكنت ف مؤمويه وأكمل بضحك واتخرشمت كده
حور بتوتر بداءت تلعب ف خصله شعرها وتحطها ورا ودنها كل شويه :
طب انت كويس اطلبلك حد
زين بهدوء : اه ممكن تطلبيلي صاحبي
حور : طلعت الفون بتاعه من شنطتها ف بصلها
حور ببراءه : والله مكنتش هسرقه انا بس خوفت لا تموت ولا حاجه يووه اقصد يعني يجرالك حاجه وحشه وتموت وانت محدش يعرفك
زين بضحك لحد ما كتفه وجعه وقال بوجع : خلاص خلاص وصلني احساسك
مدت أيدها تديله الفون
زين بتعب مصطنع  : ممكن انتي تفتحيه وترني ع صاحبي عشان زي ما انتي شايفه مش قادر
حور أمسكت الفون : اه طبعا بس بس يعني الباسورد
زين :  تلت وحايد اتنين اربعه سته
حوريه بصوت منخفض بس مسموع : اي الباسورد التافهه دا انا نسيت الرجاله خلقهم ضيق ومحدش بيفتش ف تليفوناتهم
زين بضحك : طب ممكن ترني بقي عشان عاوز أخرج من هنا
حور باحراج : اه قولي الاسم
زين : هتلاقيه عندك ف اخر المكالمات مازن
___________
رجوع من فلاش باك
زين : بس كده وهي كلمتك وانت جيت وهي كانت مشيت من بعدها بعلاقتي عرفتها وكنت عاوز اشكرها هي وبابها اللي مطلعش بابها ومن يومها وانا مشدود ليها بشوفها اوقات كتير بترتيب مني وبصدف من ربنا وهي باين جدا انها نسياني
وأكمل بضحك : أو يمكن عشان كنت متخرشم والكام مره اللي اتقابلنا فيهم كان شكلي ابن ناس ف مفتكرتنيش
مازن بضحكه عاليه عملت صدي صوت : اه ي بن اللذينه طلعت حبيب قديم وتخبي ع مازون اخوك اه ي ندل والله ودخلت قفص الزوجيه يا ولا
زين باستنكار : تصدق انا اللي غلطان عشان بتكلم مع واحد من امثالك قوم يالا من هنا
مازن : ماشي ي اخويا مسيرك ي ملوخيه تيجي تحت المخرطه
زين : بقيت بيئه وقام وسابه ولف لي تاني وبصوت عالي : متنساش في بنا حق عرب ليك بوكسين
مازن حط أيده ع وشه : المسامح كريم ي زين واد ي زين خد هقولك طيب
______________
فوت وكومنت برايكوا ♥️